တရုတ်ပြည်သူများ ဖက်ဆစ်ဂျပန် ခုခံတော်လှန်ရေးစစ်ပွဲနှင့် ကမ္ဘာ့ဖက်ဆစ်တော်လှန်ရေးစစ်ပွဲ အောင်နိုင်ခြင်း နှစ် ၈၀ ပြည့် အထိမ်းအမှတ် ဧည့်ခံပွဲ၌ ရှီကျင့်ဖိန် မိန့်ခွန်းပြောကြား

ပေကျင်း၊ စက်တင်ဘာ ၃ ရက် (ဆင်ဟွာ)
တရုတ်ပြည်သူများ ဖက်ဆစ်ဂျပန် ခုခံတော်လှန်ရေးစစ်ပွဲနှင့် ကမ္ဘာ့ဖက်ဆစ်တော်လှန်ရေးစစ်ပွဲ အောင်နိုင်ခြင်း နှစ် ၈၀ ပြည့် အထိမ်းအမှတ် ဧည့်ခံပွဲအခမ်းအနားမိန့်ခွန်း
(၂၀၂၅ ခုနှစ်၊ စက်တင်ဘာ ၃ ရက်)
ရှီကျင့်ဖိန်　　

ကြွရောက်လာကြသော ဧည့်သည်တော်များ၊ မိတ်ဆွေသင်္ဂဟများနှင့် ရဲဘော်များ ခင်ဗျာ

ပထမဦးစွာ ကျွန်ုပ်အနေဖြင့် တရုတ်နိုင်ငံ အစိုးရနှင့် တရုတ်ပြည်သူများ ကိုယ်စား အားလုံး ကြွရောက်လာမှုအပေါ် ရင်းနှီးနွေးထွေးစွာ ကြိုဆိုအပ်ပါကြောင်း ပြောကြားလိုပါသည်။ အခမ်းအနားသို့ တက်ရောက်လာကြသူများ၊ တရုတ်နိုင်ငံတစ်ဝန်း တိုင်းရင်းသားပြည်သူများနှင့် ကမ္ဘာ့နိုင်ငံအသီးသီးမှ ပြည်သူများအပေါ် ခုခံတော်လှန်ရေးစစ်ပွဲ အောင်နိုင်ခြင်း အထိမ်းအမှတ်နေ့အား လှိုက်လှဲစွာ ဂုဏ်ပြုအပ်ပါကြောင်း ပြောကြားလိုပါသည်။

လွန်ခဲ့သည့် နှစ်ပေါင်း ၈၀ မတိုင်မီက တရုတ်ပြည်သူများသည် ၁၄ နှစ်တိုင်တိုင် သွေးမြေစတေး၍ ရွပ်ရွပ်ချွံချွံတိုက်ပွဲဝင်ခဲ့ကြရာ ဂျပန်စစ်ဝါဒ ကျူးကျော်သူများကို အပြီးတိုင် အနိုင်တိုက်ထုတ်ပြီး ကမ္ဘာ့ဖက်ဆစ်တော်လှန်ရေးစစ်ပွဲ အပြည့်အဝ အောင်မြင်ကြောင်း ကြေညာခဲ့သည်။ ယင်းမှာ တရုတ်လူမျိုးများ၏ မျက်မှောက်ခေတ်နှောင်းပိုင်းကာလတစ်လျှောက် ဆိုးရွားသည့်အကျပ်အတည်းသို့ ကျဆင်းမှုမှ မဟာပြန်လည်ဖွံ့ဖြိုးတိုးတက်ရေး သမိုင်းအချိုးအကွေ့ကို လျှောက်လှမ်းခဲ့ခြင်း ဖြစ်သလို ကမ္ဘာ့ဖွံ့ဖြိုးတိုးတက်ရေး၏ ကြီးမားသည့် အချိုးအကွေ့လည်း ဖြစ်ပါသည်။

ဤကြီးမြတ်လှသည့် အောင်မြင်မှုမှာ တရုတ်ပြည်သူများနှင့် ဖက်ဆစ်တော်လှန်ရေး မဟာမိတ်နိုင်ငံများ၊ နိုင်ငံအသီးသီး ပြည်သူများအတူ ပခုံးချင်းယှဉ်တိုက်ပွဲဝင်၍ ရရှိခဲ့ခြင်း ဖြစ်ပါသည်။ ကျူးကျော်မှုကို ခုခံတွန်းလှန်ရာတွင် တရုတ်နိုင်ငံပြည်သူများအား ပံ့ပိုးကူညီခဲ့သည့် ပြည်ပနိုင်ငံ အစိုးရများနှင့် နိုင်ငံတကာ မိတ်ဆွေသင်္ဂဟများကို တရုတ်နိုင်ငံအစိုးရနှင့် တရုတ်ပြည်သူများက ထာဝရမေ့ပျောက်၍ ရမည် မဟုတ်ပါ။

ယနေ့နံနက်ပိုင်း မိမိတို့ စစ်ရေးပြအခမ်းအနား ကြီးကျယ်ခမ်းနားစွာ ကျင်းပ၍ တရုတ်ပြည်သူများ ဖက်ဆစ်ဂျပန် ခုခံတော်လှန်ရေးစစ်ပွဲနှင့် ကမ္ဘာ့ဖက်ဆစ်တော်လှန်ရေးစစ်ပွဲ အောင်နိုင်ခြင်း နှစ် ၈၀ ပြည့်ကို ခမ်းနားစွာ အထိမ်းအမှတ်ပြုခြင်း၏ ရည်ရွယ်ချက်မှာ သမိုင်းကို မှတ်သားရန်၊ အာဇာနည်သူရဲကောင်းများကို အောက်မေ့ရန်၊ ငြိမ်းချမ်းရေးကို တန်ဖိုးထားရန်၊ အနာဂတ်ကို ဖွင့်လှစ်ရန် ဖြစ်ပါသည်။

တရားမျှတမှုနှင့် သမာသမတ်ကျမှု၏ ယုံကြည်ချက်ကို ယိမ်းယိုင်၍ မရကြောင်း၊ ငြိမ်းချမ်းရေး၏ တောင့်တမှုကို တားဆီး၍ မရကြောင်း၊ ပြည်သူများ၏ အင်အားကို အနိုင်ယူ၍မရကြောင်း သမိုင်းက ကျွန်ုပ်တို့အား သတိပေးခဲ့သည်။

တဒင်္ဂ အင်အားသည် ခွန်အားပေါ်တွင် မူတည်သော်လည်း ထာဝရ အနိုင်အရှုံးမှာ အမှန်တရားပေါ်တွင် မူတည်ပေသည်။ ကောင်းမှု၊ အလင်းရောင်၊ တိုးတက်မှုသည် မကောင်းမှု၊ မှောင်မိုက်မှု၊ နောက်ပြန်ဆွဲမှုကို မုချမသွေ အောင်မြင်မည် ဖြစ်ပါသည်။ မည်သည့် အချိန်အခါမဆို ကျွန်ုပ်တို့သည် လူသားတစ်ရပ်လုံး၏ ဘုံတန်ဖိုးကို မြှင့်တင်ခြင်း၊ နိုင်ငံတကာ တရားမျှတမှုနှင့် သမာသမတ်ကျမှုကို အခိုင်အမာ ကာကွယ်ထိန်းသိမ်းခြင်းဖြင့် ကမ္ဘာတွင် ဖြောင့်မတ်ပွင့်လင်းမှု အေးချမ်းခြင်းတရားဖြင့် ပြည့်ဝအောင် ဆောင်ရွက်ရမည် ဖြစ်ပါသည်။

လူသားမျိုးနွယ်သည် ဂြိုဟ်တစ်ခုတည်း၌ အတူတကွ နေထိုင်ကြခြင်းဖြစ်ရာ တစ်လှေတည်းစီး တစ်ခရီးတည်းသွားကာ သဟဇာတဖြစ်စွာနှင့် သင့်မြတ်စွာ အတူယှဉ်တွဲနေထိုင်သင့်ပြီး ကြီးနိုင်ငယ်ညှဉ်း တောရိုင်းသဘာဝစည်းမျဉ်းသို့ ပြန်လည်၍ နောက်လှည့်၍ လုံးဝဥဿုံ မရနိုင်ပေ။ မည်သည့်အချိန်တွင်မဆို ကျွန်ုပ်တို့သည် ငြိမ်းချမ်းစွာ ဖွံ့ဖြိုးတိုးတက်ရေးလမ်းစဉ်ကို အခိုင်အမာ လျှောက်လှမ်းရမည်ဖြစ်သလို ကမ္ဘာ့ငြိမ်းချမ်းသာယာရေးကို အခိုင်အမာ စောင့်ထိန်းကာကွယ်ရမည်ဖြစ်ကာ လူသားမျိုးနွယ် အေးအတူ ပူအမျှ အသိုက်အဝန်းကို အတူလက်တွဲ တည်ဆောက်ရမည် ဖြစ်ပါသည်။

ပြည်သူများသည် သမိုင်း၏ ဖန်တီးသူဖြစ်ပြီး ချမ်းမြေ့သာယာလှပသော နေထိုင်မှုဘဝကို ဖော်ဆောင်ရန်မှာ နိုင်ငံအသီးသီး ပြည်သူများ၏ ဘုံဆန္ဒဖြစ်ပါသည်။ မည်သည့်အချိန်တွင်မဆို မိမိတို့သည် ပြည်သူ့ဆန္ဒကို ဗဟိုပြု၍ ကမ္ဘာ့ကောင်းကျိုးကို အကျိုးစီးပွားအဖြစ်ထားကာ ပြည်သူများ၏အကျိုးစီးပွား တိုးတက်ရေးအတွက် မဆုတ်မနစ် ကြိုးပမ်းအားထုတ်ရမည် ဖြစ်ပါသည်။

တရုတ်ပုံစံ ခေတ်မီအသွင်ပြောင်းခြင်းသည် ငြိမ်းချမ်းစွာ ဖွံ့ဖြိုးတိုးတက်ရေးလမ်းကို လျှောက်လှမ်းသည့် ခေတ်မီအသွင်ပြောင်းခြင်း ဖြစ်ရာ တရုတ်နိုင်ငံသည် ကမ္ဘာ၏ ငြိမ်းချမ်းရေး အင်အား၊ တည်ငြိမ်ရေး အင်အား၊ တိုးတက်ရေး အင်အား ထာဝစဉ် ဖြစ်ပါသည်။ ကျွန်ုပ်တို့သည် နိုင်ငံအသီးသီးအနေဖြင့် သမိုင်းကို သင်ခန်းစာယူ၍ သင့်မြတ်မှုကို တန်းဖိုထားကြရန်၊ ကမ္ဘာ့ခေတ်မီအသွင်ပြောင်းရေးကို အတူတွန်းအားပေး၍ လူသားမျိုးနွယ်များ၏ ပိုမိုသာယာလှပသော အနာဂတ်အား ဖွင့်လှစ်ကြရန် ရိုးသားပွင့်လင်းစွာ မျှော်လင့်ပါသည်။

ယခု ကျွန်ုပ်အနေဖြင့် တရုတ်ပြည်သူများ ဖက်ဆစ်ဂျပန်ခုခံတော်လှန်ရေးနှင့် ကမ္ဘာ့ဖက်ဆစ်တော်လှန်ရေးစစ်ပွဲ၏ ကြီးမြတ်သည့် အောင်မြင်မှုအတွက်၊ လူသားမျိုးနွယ်တို့၏ ရေရှည်ငြိမ်းချမ်းသော၊ ဘုံသာယာဝပြောသော ထွန်းလင်းတောက်ပသည့် အနာဂတ်အတွက် အတူတကွဂုဏ်ပြုလိုက်ကြပါစို့ဟု ပြောကြားလိုပါသည်။ ။ (Xinhua)

——————–
(Chinese Version)
习近平：在纪念中国人民抗日战争暨世界反法西斯战争胜利80周年招待会上的讲话
新华社北京9月3日电　在纪念中国人民抗日战争暨世界反法西斯战争胜利80周年招待会上的讲话
（2025年9月3日）
习近平
各位来宾、各位朋友、各位同志：
首先，我代表中国政府和中国人民，对大家的到来表示诚挚欢迎！向在座各位，向全国各族人民和世界各国人民，致以胜利纪念日的热烈祝贺！
80年前，中国人民经过14年浴血奋战，彻底打败日本军国主义侵略者，宣告世界反法西斯战争的完全胜利。这是中华民族从近代以来陷入深重危机走向伟大复兴的历史转折点，也是世界发展的一个重大转折点。
这一伟大胜利，是中国人民同反法西斯同盟国以及各国人民并肩战斗取得的。对支援和帮助过中国人民抵抗侵略的外国政府和国际友人，中国政府和中国人民永远不会忘记！
今天上午，我们举行盛大阅兵仪式，隆重纪念中国人民抗日战争暨世界反法西斯战争胜利80周年，目的是铭记历史、缅怀先烈、珍爱和平、开创未来。
历史告诫我们，正义的信念不可动摇，和平的期盼不可阻遏，人民的力量不可战胜！
一时强弱在于力，千秋胜负在于理。正义、光明、进步必将战胜邪恶、黑暗、反动。任何时候，我们都要弘扬全人类共同价值，坚定捍卫国际公平正义，让世界正气充盈、乾坤朗朗。
人类生活在同一星球，应当同舟共济、和睦相处，决不能重回弱肉强食的丛林法则。任何时候，我们都要坚持走和平发展道路，坚定守护世界和平安宁，携手构建人类命运共同体。
人民是历史的创造者，追求幸福美好生活是各国人民的共同愿望。任何时候，我们都要以人民之心为心、以天下之利为利，为增进人民福祉而不懈努力。
中国式现代化是走和平发展道路的现代化，中国永远是世界的和平力量、稳定力量、进步力量。我们真诚希望各国都以史为鉴、以和为贵，共同推进世界现代化，开创人类更加美好的未来！
现在，我提议：
为中国人民抗日战争和世界反法西斯战争的伟大胜利，
为人类持久和平、共同繁荣的光明未来，
干杯！（完）