တစ်ဖက်သတ်အကျပ်ကိုင်မှုအစီအမံများကို အခိုင်အမာတားဆီးရန် နိုင်ငံတကာ အသိုက်အဝန်းအား တရုတ်နိုင်ငံက သဘောထားနီးစပ်သည့် နိုင်ငံများကိုယ်စား တိုက်တွန်းပြောကြား

ကုလသမဂ္ဂ၊ အောက်တိုဘာ ၄ ရက် (ဆင်ဟွာ)
တစ်ဖက်သတ်အကျပ်ကိုင်မှု အစီအမံများနှင့်စပ်လျဉ်း၍ ကုလသမဂ္ဂအထွေထွေညီလာခံ တတိယမြောက် ကော်မတီတွင် ကုလသမဂ္ဂဆိုင်ရာ တရုတ်နိုင်ငံအမြဲတမ်းကိုယ်စားလှယ် ဖုချုံးက သဘောထားနီးစပ်သည့် နိုင်ငံများကိုယ်စား အောက်တိုဘာ ၃ ရက်တွင် ပါဝင်ဆွေးနွေးပြောကြားခဲ့ရာ၌ ကုလသမဂ္ဂတည်ထောင်ခြင်း နှစ် ၈၀ ပြည့် အခါသမယတွင် နိုင်ငံတကာအသိုက်အဝန်းအနေဖြင့် ရှင်းလင်းစွာသိမြင်ကာ စည်းလုံးညီညွတ်စွာ ပူးပေါင်းဆောင်ရွက်မှုကို မြင့်တင်၍ ဤသို့သော တရားမဝင်လုပ်ရပ်များကို အခိုင်အမာ တားဆီးရမည် ဖြစ်ကြောင်း ပြောကြားခဲ့သည်။

လက်ရှိတွင် တစ်ဖက်သတ်ဝါဒများ ထင်ရာစိုင်း၍ ကြီးနိုင်ငယ်ညှဉ်း တောရိုင်းသဘာဝစည်းမျဉ်းများ အမြောက်အမြားဖြစ်ပေါ်လျက်ရှိသလို တစ်ဖက်သတ် အကျပ်ကိုင်မှုအစီအမံများ ပြောင်ပြောင်တင်းတင်း လုပ်ဆောင်လျက်ရှိကြောင်း ဖုချုံးက ပြောကြားခဲ့သည်။ တစ်ဖက်သတ်အကျပ်ကိုင်မှုအစီအမံများသည် နိုင်ငံတကာတွင်ရှုပ်ထွေးမှု၊ ကမ္ဘာ့စည်းစနစ်ကို ဖျက်ဆီးမှု ဖြစ်စေသော တရားခံများအနက်တစ်ခုဖြစ်သည်ကို သမိုင်းက သက်သေပြခဲ့ပြီးဖြစ်ကြောင်း၊ ဖွံ့ဖြိုးဆဲနိုင်ငံများနှင့် ၎င်း၏ပြည်သူများသည် တစ်ဖက်သတ်အကျပ်ကိုင်မှု အစီအမံများ၏ အနုတ်လက္ခဏာသက်ရောက်မှုကို ဆက်လက်ခံစားနေရကြောင်း၊ အဆိုပါ တစ်ဖက်သတ်အကျပ်ကိုင်မှုအစီအမံများသည် အချုပ်အခြာအာဏာ တန်းတူညီမျှမှုနှင့် ပူးပေါင်းဆောင်ရွက်မှု အခြေခံမူကို ချိုးဖောက်ခြင်း၊ အခြားနိုင်ငံပြည်တွင်းရေးကို စွက်ဖက်ခြင်း၊ “ကုလသမဂ္ဂ ပဋိညာဉ်စာတမ်း” ရည်ရွယ်ချက်နှင့် အခြေခံမူများကို ချိုးဖောက်ခြင်းဖြစ်ပြီး နိုင်ငံစုံ ပူးပေါင်းဆောင်ရွက်မှုဝါဒနှင့် နိုင်ငံတကာဥပဒေနှင့် ဆန့်ကျင်နေကြောင်း ၎င်းက ပြောကြားခဲ့သည်။
၂၀၃၀ ပြည့်နှစ် စဉ်ဆက်မပြတ် ဖွံ့ဖြိုးတိုးတက်ရေးအစီအစဉ်သည် ဖွံ့ဖြိုးတိုးတက်ရေးအကျိုးစီးပွားကို နိုင်ငံအသီးသီး တန်းတူညီတူ မျှဝေခံစားရရေးအား အလေးထားပြီး နိုင်ငံတကာဥပဒေနှင့် “ကုလသမဂ္ဂ ပဋိညာဉ်စာတမ်း” နှင့် မကိုက်ညီသော မည်သည့် တစ်ဖက်သတ်စီးပွားရေး၊ ဘဏ္ဍာရေး သို့မဟုတ် ကုန်သွယ်ရေး အစီအမံများကို မထုတ်ပြန်ရန်၊ မကျင့်သုံးရန် နိုင်ငံအသီးသီးအား အပြင်းအထန် တိုက်တွန်းထားကြောင်း ဖုချုံးက ထောက်ပြ ပြောကြားခဲ့သည်။

ဝမ်းနည်းဖွယ်ကောင်းသည်မှာ တစ်ဖက်သတ် အကျပ်ကိုင်မှု အစီအမံများကို ချက်ချင်း ဖျက်သိမ်းရန် နိုင်ငံတကာ အသိုက်အဝန်းက တိုက်တွန်းကြသော်လည်း ဤတရားမဝင်အစီအမံအချို့ကြောင့် ပစ်မှတ်နိုင်ငံနှင့် ၎င်း၏ပြည်သူများအပေါ် ဖျက်ဆီးနိုင်ရုံသာမက သေစေနိုင်လောက်သော နောက်ဆက်တွဲဆိုးကျိုးများ၊ အသက်ကိုပင် အန္တရာယ်ဖြစ်စေနိုင်မှုများ ဆက်လက်ဖြစ်ပေါ်လျက်ရှိကြောင်း၊ တစ်ဖက်သတ် အကျပ်ကိုင်မှု အစီအမံများ၊ ဒုတိယအဆင့် ပိတ်ဆို့အရေးယူမှုများနှင့် အတိုင်းထက်အလွန် လိုက်နာစောင့်ထိန်းရမှုများက လက်ရှိ လူသားချင်းစာနာမှုနှင့် စီးပွားရေးစိန်ခေါ်မှုများကို ပို၍ ဆိုးရွားစေကြောင်း၊ ကမ္ဘာလုံးဆိုင်ရာ ထုတ်လုပ်မှုနှင့် ပံ့ပိုးမှုကွင်းဆက် တည်ငြိမ်ရေး၊ စားနပ်ရိက္ခာ၊ စွမ်းအင်နှင့် ဘဏ္ဍာရေးလုံခြုံမှုကို ပြင်းထန်စွာ ထိခိုက်စေသလို ကမ္ဘာလုံးဆိုင်ရာ စီးပွားရေး စည်းစနစ်နှင့် သက်ဆိုင်ရာနိုင်ငံများ၏ စဉ်ဆက်မပြတ် ဖွံ့ဖြိုးတိုးတက်ရေးရည်မှန်းချက်အတွက် ပြုလုပ်သည့် ကြိုးပမ်းမှုများကို ဆိုးရွားစွာ ပျက်စီးစေကြောင်း၊ ထို့အပြင် တစ်ဖက်သတ်အကျပ်ကိုင်မှု အစီအမံများသည် အသက်ရှင်သန်ခွင့်၊ ကျန်းမာရေးအခွင့်အရေး၊ ပညာသင်ကြားမှု အခွင့်အရေးများ အပါအဝင်ဖြစ်သော အခြေခံလူ့အခွင့်အရေးများကို အပြင်းအထန် ချိုးဖောက်ခဲ့သလို ပစ်မှတ်နိုင်ငံများက အထက်ပါ လူ့အခွင့်အရေးဖော်ဆောင်မှုစွမ်းရည်ကို တားဆီးခဲ့ကြောင်း ၎င်းက ပြောကြားခဲ့သည်။

တစ်ဖက်သတ်အကျပ်ကိုင်မှု အစီအမံနှင့် အတိုင်းထက်အလွန် လိုက်နာစောင့်ထိန်းမှုများကြောင့် သက်ရောက်မှုခံရသည့်နိုင်ငံများ၏ နိုင်ငံခြားရင်းနှီးမြှုပ်နှံမှုနှင့် နည်းပညာရရှိနိုင်သည့်စွမ်းရည်အား ကန့်သတ်လိုက်မှုကိုလည်းကောင်း၊ ယဉ်ကျေးမှု၊ အနုပညာ၊ အားကစား၊ ခရီးသွား၊ လူပုဂ္ဂိုလ်ဖလှယ်မှုနှင့် အရပ်ဘက်သုံးလေကြောင်းလိုင်း အပါအဝင် လမ်းပန်းဆက်သွယ်ရေးနှင့် သယ်ယူပို့ဆောင်ရေးကဏ္ဍ၏ နိုင်ငံတကာပူးပေါင်းဆောင်ရွက်မှုအား တားဆီးလိုက်မှုကိုလည်းကောင်း မိမိတို့အနေဖြင့် စိုးရိမ်ကြောင်း ဖုချုံးက အလေးထားပြောကြားခဲ့သည်။
မိမိတို့အနေဖြင့် “G77နှင့် တရုတ်နိုင်ငံ” ၂၀၂၅ ခုနှစ် ဝန်ကြီးအဆင့်ကြေညာချက်ကို ကြိုဆိုကြောင်း၊ ၎င်းတွင် ဖွံ့ဖြိုးဆဲနိုင်ငံများအပေါ် တစ်ဖက်သတ် ပိတ်ဆို့အရေးယူမှု အပါအဝင် တစ်ဖက်သတ်အကျပ်ကိုင်မှု အစီအမံများသည် စီးပွားရေးနှင့် လူမှုရေးတိုးတက်မှု၊ နိုင်ငံအချင်းချင်း တွေ့ဆုံဆွေးနွေးမှုနှင့် သိရှိနားလည်မှုအပေါ် အထောက်အကူမပြုနိုင်သည်ကို ထပ်မံအလေးထားဖော်ပြထားကြောင်း၊ မိမိတို့အနေဖြင့် မဟာမိတ်မဖွဲ့ရေးလှုပ်ရှားမှုတွင် တစ်ဖက်သတ်အကျပ်ကိုင်မှု အစီအမံများအား ထုတ်ပြန်ခြင်းနှင့် ကျင့်သုံးခြင်းအပေါ် ပြစ်တင်ရှုတ်ချသည့် ကြေညာချက်နှင့် ထုတ်ပြန်ချက်များကို အလေးထားကြောင်း၊ ယင်းတွင် မည်သည့်နိုင်ငံကိုမဆိုပစ်မှတ်ထားခြင်း အထူးသဖြင့် ဖွံ့ဖြိုးဆဲနိုင်ငံများအပေါ် နိုင်ငံရေး သို့မဟုတ် စီးပွားရေးနှင့် ဘဏ္ဍာရေးကို ဖိအားပေးသောကိရိယာအစီအမံများ ပါဝင်ကြောင်း ၎င်းက ပြောကြားခဲ့သည်။

မိမိတို့အနေဖြင့် တစ်ဖက်သတ်အကျပ်ကိုင်မှု အစီအမံများကို ဆန့်ကျင်ကြောင်းနှင့် အနည်းစုသော အနောက်နိုင်ငံများအနေဖြင့် နိုင်ငံတကာအသိုက်အဝန်း၏ အမှန်တရားအပေါ် တိုက်တွန်းသံများကို နားထောင်ရန်၊ “ကုလသမဂ္ဂ ပဋိညာဉ်စာတမ်း” နှင့် နိုင်ငံတကာဥပဒေအား လေးစားလိုက်နာသည့် ကတိကဝတ်များကို လက်တွေ့ဖော်ဆောင်ရန်၊ တစ်ဖက်သတ်အကျပ်ကိုင်မှု အစီအမံများအား ချက်ချင်း ခြွင်းချက်မရှိ အပြီးတိုင် ပယ်ဖျက်ရန် တိုက်တွန်းကြောင်း ဖုချုံးက ပြောကြားခဲ့သည်။ မိမိတို့အနေဖြင့်လည်း အဖွဲ့ဝင်နိုင်ငံများ၊ ကုလသမဂ္ဂစနစ်နှင့် အခြားသော နိုင်ငံတကာအဖွဲ့အစည်းများက ပိတ်ဆို့အရေးယူခံရသည့် နိုင်ငံများအပေါ် အားပေးထောက်ခံရန်၊ ၎င်းတို့၏ အခက်အခဲများ ပြေလျော့ရေးကူညီရန် တိုက်တွန်းကြောင်း၊ လက်ရှိအခြေအနေတွင် မိမိတို့သည် စည်းလုံးညီညွတ်စွာ ဟန်ချက်ညီညီပံ့ပိုးကူညီမှုကို အားဖြည့်သင့်ပြီး ထိပ်တိုက်ရင်ဆိုင်မှု၊ ခွဲထွက်မှုကို ဆန့်ကျင်၍ ကမ္ဘာလုံးဆိုင်ရာ စိန်ခေါ်မှုများကို အတူရင်ဆိုင်ကိုင်တွယ်ကာ အားလုံး၏လူ့အခွင့်အရေးကို မြှင့်တင်ကာကွယ်သင့်ပါကြောင်း ၎င်းက ပြောကြားခဲ့သည်။ (Xinhua)
———————
(Chinese Version)
中方代表观点相近国家发言 呼吁国际社会坚决遏止单边强制措施
新华社联合国10月3日电 中国常驻联合国代表傅聪3日代表观点相近国家在联大第三委员会就单边强制措施作共同发言时表示，在联合国成立80周年之际，国际社会必须保持清醒，加强团结合作，坚决遏止这一非法行径。
傅聪说，当前，单边主义肆意蔓延，丛林法则甚嚣尘上，单边强制措施大行其道。历史证明，单边强制措施是造成国际乱象、破坏世界秩序的罪魁祸首之一。发展中国家及其人民仍在继续遭受单边强制措施的负面影响。这些单边强制措施违背主权平等与合作原则，干涉他国内政，违反《联合国宪章》宗旨和原则，有悖于多边主义和国际法。
傅聪指出，2030年可持续发展议程强调各国平等享受发展红利，强烈敦促各国不颁布、不实施任何不符合国际法和《联合国宪章》的单边经济、金融或贸易措施。令人遗憾的是，尽管国际社会呼吁立即取消单边强制措施，但这些非法举措继续对目标国家及其人民造成破坏性甚至致命后果，甚至危及生命。单边强制措施以及次级制裁和过度遵守加剧当前人道和经济挑战，严重影响全球生产和供应链稳定，以及粮食、能源和金融安全，严重破坏了全球经济秩序和有关国家为实现可持续发展目标所做的努力。此外，单边强制措施严重违反了包括生命权、健康权、发展权、受教育权在内的基本人权，阻碍了目标国家实现上述人权的能力。
傅聪强调，我们关切单边强制措施及过度遵守限制了受影响国家获得外国投资和技术的能力，阻碍了文化、艺术、体育、旅游、人员交流以及包括民用航空在内的交通运输领域的国际合作。我们欢迎“77国集团和中国”2025年部长级宣言，其中重申了对发展中国家实施单边强制措施，包括单方面制裁，无助于经济和社会发展，以及国家间对话和理解。我们强调不结盟运动关于谴责颁布和实施单边强制措施的宣言和公报，包括被用作针对任何国家，特别是发展中国家施加政治或经济和金融压力工具的措施。
傅聪表示，我们重申反对单边强制措施，并呼吁少数西方国家听从国际社会的正义呼声，将遵守《联合国宪章》和国际法的承诺落到实处，立即、无条件、彻底取消单边强制措施。我们也呼吁会员国、联合国系统和其他国际组织向受制裁国家提供支持，帮助他们缓解困难。当前情况下，我们应该加强团结协助，反对对抗分裂，共同应对全球挑战，促进和保护所有人的人权。（完）
1. 这是位于纽约的联合国总部外景（9月18日摄）。新华社记者 李睿 摄