ရှီကျင့်ဖိန်နှင့် ဒိုမီနီကာနိုင်ငံ သမ္မတ Sylvanie Burton တွေ့ဆုံဆွေးနွေး

ပေကျင်း၊ အောက်တိုဘာ ၁၄ ရက် (ဆင်ဟွာ)
တရုတ်နိုင်ငံ သမ္မတ ရှီကျင့်ဖိန်သည် အောက်တိုဘာ ၁၄ ရက် နံနက်ပိုင်းတွင် တရုတ်နိုင်ငံ ပေကျင်းမြို့ ပြည်သူ့ခန်းမဆောင်၌ တရုတ်နိုင်ငံသို့လာရောက်၍ ကမ္ဘာ့အမျိုးသမီးခေါင်းဆောင်များ ထိပ်သီးအစည်းအဝေး တက်ရောက်သည့် ဒိုမီနီကာနိုင်ငံ သမ္မတ Sylvanie Burton နှင့် တွေ့ဆုံဆွေးနွေးခဲ့သည်။
ထိုသို့တွေ့ဆုံရာတွင် ရှီကျင့်ဖိန်က ဒိုမီနီကာသည် တရုတ်နိုင်ငံ၏ ကာရေဘီယံဒေသရှိ မိတ်ဆွေကောင်း၊ မိတ်ဖက်ကောင်းဖြစ်ကြောင်း ထောက်ပြပြောကြားခဲ့သည်။
သံတမန်ဆက်ဆံရေးထူထောင်သည့် နှစ်ပေါင်း ၂၀ ကျော်ကာလအတွင်း နှစ်နိုင်ငံသည် အစဉ်အမြဲ အပြန်အလှန်လေးစား၍ တန်းတူညီမျှဆက်ဆံခဲ့ရာ နိုင်ငံရေး အပြန်အလှန်ယုံကြည်မှုများ အဆက်မပြတ် ခိုင်မြဲလာပြီး ကဏ္ဍစုံ ကူးလူးဖလှယ် ပူးပေါင်းဆောင်ရွက်မှုများမှာ အရှိန်အဟုန်မြင့် တိုးတက်ခဲ့ကြောင်း၊ ပြည်သူများအကြားချစ်ကြည်ရေးသည် တစ်နေ့တခြား နက်ရှိုင်းလာပြီး လူမှုအသိုက်အဝန်းစနစ် မတူညီသော၊ အရွယ်အစားမတူညီသော နိုင်ငံများအကြား ချစ်ကြည်ရင်းနှီးစွာ ပူးပေါင်းဆောင်ရွက်မှု၏ စံနမူနာပြခဲ့ကြောင်း၊ တရုတ်နိုင်ငံအနေဖြင့် ဒိုမီနီကာနိုင်ငံနှင့်အတူ နှစ်နိုင်ငံဆက်ဆံရေး ပိုမိုအဆင့်မြင့်မားလာပြီး နှစ်နိုင်ငံပြည်သူများကို ပိုမိုကောင်းမွန်စွာ အကျိုးပြုရန် တွန်းအားပေးသွားမည်ဖြစ်ကြောင်း ၎င်းက ပြောကြားခဲ့သည်။
တရုတ်-ဒိုမီနီကာ နှစ်နိုင်ငံအနေဖြင့် နိုင်ငံရေး အပြန်အလှန်ယုံကြည်မှုကို ခိုင်မြဲအောင်လုပ်ဆောင်ပြီး နိုင်ငံရေးရာ စီမံခန့်ခွဲမှု အတွေ့အကြုံများ ဖလှယ်မှုကိုမြှင့်တင်ကာ အစိုးရ၊ ဥပဒေပြုအဖွဲ့အစည်း၊ နိုင်ငံရေးပါတီများအကြား သွားလာဆက်ဆံမှုကို နီးကပ်စွာ လုပ်ဆောင်သွားရမည်ဖြစ်ကြောင်း ရှီကျင့်ဖိန်က အလေးထားပြောကြားခဲ့သည်။
လက်တွေ့ပူးပေါင်းဆောင်ရွက်မှုများ နက်ရှိုင်းစွာလုပ်ဆောင်ရာတွင် တရုတ်နိုင်ငံအနေဖြင့် ဒိုမီနီကာနိုင်ငံက ရာသီဥတုဆိုင်ရာ ပြောင်းလဲမှုကို ရင်ဆိုင်ခြင်းနှင့် သဘာဝဘေးအန္တရာယ် ကာကွယ်လျှော့ချမှုစွမ်းရည် မြှင့်တင်ရန်၊ အခြေခံအဆောက်အဦ၊ သန့်ရှင်းစွမ်းအင်၊ ကျန်းမာရေး၊ စိုက်ပျိုးရေး၊ အမျိုးသမီးများ စွမ်းဆောင်ခွင့်စသည့် ပူးပေါင်းဆောင်ရွက်မှုများ မြှင့်တင်ခြင်း၊ ယဉ်ကျေးမှု၊ ပညာရေး၊ ခရီးသွားလာရေး စသည့် ပြည်သူအချင်းချင်း ဖလှယ်မှုများကို နီးကပ်စွာလုပ်ဆောင်ရန် ဆက်လက် ထောက်ခံအားပေးသွားလိုကြောင်း၊ နိုင်ငံစုံ ညှိနှိုင်းပူးပေါင်းဆောင်ရွက်မှုကို မြှင့်တင်ကာ ကမ္ဘာလုံးဆိုင်ရာ အစီအမံကြီးလေးရပ်အား အတူတကွ လက်တွေ့ဖော်ဆောင်၍ လူသားမျိုးနွယ် အေးအတူပူအမျှ အသိုက်အဝန်း တည်ဆောက်မှုကို တွန်းအားပေးသွားရမည်ဖြစ်ကြောင်း၊ ကမ္ဘာ့အမျိုးသမီးခေါင်းဆောင်များ ထိပ်သီးအစည်းအဝေး သဘောတူညီချက်အား အကောင်အထည်ဖော်ဆောင်၍ အမျိုးသမီးစွမ်းရည် တည်ဆောက်မှုဆိုင်ရာ ပူးပေါင်းဆောင်ရွက်မှုအား နက်ရှိုင်းစွာ လုပ်ဆောင်သွားရမည်ဖြစ်ကြောင်း ၎င်းက ပြောကြားခဲ့သည်။
Sylvanie Burton က တရုတ်နိုင်ငံသည် ဒိုမီနီကာနိုင်ငံ၏ ကြီးမြတ်သောမိတ်ဆွေနှင့် အလွန်တန်ဖိုးထားရသော မိတ်ဖက်ဖြစ်ရာ တရုတ်နိုင်ငံ၏ အဖိုးတန်ကူညီထောက်ပံ့မှုများနှင့် စစ်မှန်ရိုးသားသော ချစ်ကြည်ရေးအား ကျေးဇူးတင်ရှိကြောင်း ပြောကြားခဲ့သည်။
ဒိုမီနီကာနှင့် တရုတ်တို့သည် ဘုံအယူအဆနှင့် မျှော်မှန်းချက်များ ပိုင်ဆိုင်ထားရာ ဒိုမီနီကာ-တရုတ် ဆက်ဆံရေး နက်ရှိုင်းအောင် လုပ်ဆောင်ခြင်းသည် ဒိုမီနီကာပြည်သူများအတွက် ထွန်းလင်းသော အနာဂတ်ရှေ့အလားအလာများ သယ်ဆောင်လာပေးမည်ဖြစ်ကြောင်း၊ ဒိုမီနီကာနိုင်ငံအနေဖြင့် တရုတ်တစ်နိုင်ငံတည်းမူဝါဒအား ခိုင်မာစွာ ထောက်ခံအားပေးကြောင်း၊ တရုတ်နိုင်ငံနှင့်အတူ ကုန်သွယ်စီးပွားရေး၊ စိုက်ပျိုးရေး၊ အစိမ်းရောင်စီးပွားရေး၊ စွမ်းအင်သစ်၊ ကျန်းမာရေး၊ ရာသီဥတုပြောင်းလဲမှု ရင်ဆိုင်ရေး စသည့်ကဏ္ဍ ပူးပေါင်းဆောင်ရွက်မှုများကို နက်ရှိုင်းစွာ ဖော်ဆောင်သွားကာ ပြည်သူအချင်းချင်းဖလှယ်မှု နီးကပ်စွာလုပ်ဆောင်၍ လက်တင်အမေရိက-တရုတ် ပူးပေါင်းဆောင်ရွက်မှုကို တွန်းအားပေးပြီး နှစ်နိုင်ငံဆက်ဆံရေး စာမျက်နှာသစ်များအား အဆက်မပြတ်ရေးသားသွားမည်ဖြစ်ကြောင်း ၎င်းက ပြောကြားခဲ့သည်။
တရုတ်နိုင်ငံသည် ယနေ့ခေတ်ကမ္ဘာကြီး၏ အရေးကြီးသော ငြိမ်းချမ်းတည်ငြိမ်ရေးအင်အားအနေဖြင့် လူသားမျိုးနွယ် အေးအတူပူအမျှ အသိုက်အဝန်း တည်ဆောက်မှု မျှော်မှန်းချက်အား အဆိုပြုကာ ကမ္ဘာကြီးနှင့် ဖွံ့ဖြိုးတိုးတက်မှု အခွင့်အလမ်းများကို အတူမျှဝေပြီး ကမ္ဘာ့တောင်ဘက်ခြမ်း စည်းလုံးညီညွတ်မှုကို မြှင့်တင်၍ နိုင်ငံအသီးသီးပြည်သူများဆန္ဒကို နှိုးဆော်အားပေးသောကြောင့် ကမ္ဘာကြီးမျှော်လင့်ချက်၏ မီးပြတိုက်ဖြစ်ကြောင်း၊ သမ္မတ ရှီကျင့်ဖိန်က ကမ္ဘာလုံးဆိုင်ရာ ဖွံ့ဖြိုးတိုးတက်ရေး အစီအမံ (GDI)၊ ကမ္ဘာလုံးဆိုင်ရာ လုံခြုံရေး အစီအမံ (GSI)၊ ကမ္ဘာလုံးဆိုင်ရာ ယဉ်ကျေးမှု အစီအမံ (GCI)၊ ကမ္ဘာလုံးဆိုင်ရာ စီမံခန့်ခွဲမှု အစီအမံ (GGI) တို့ကို အဆိုပြုခဲ့ရာ နိုင်ငံအသီးသီး ငြိမ်းချမ်းစွာအတူယှဉ်တွဲနေထိုင်မှု၊ အတူတကွ စည်ပင်ဝပြောမှု ဖော်ဆောင်ရန်အတွက် ဦးတည်ချက်လမ်းညွှန်ပေးလိုက်ကြောင်း၊ ဒိုမီနီကာအနေဖြင့် တရုတ်ဘက်နှင့်အတူ နီးကပ်စွာ ညှိနှိုင်းပူးပေါင်းဆောင်ရွက်ပြီး တစ်ဖက်သတ်ဝါဒ၊ ဗိုလ်ကျကြီးစိုးမှုဝါဒများကို ဆန့်ကျင်ကာ ဖွံ့ဖြိုးဆဲနိုင်ငံများ၏ ဘုံအကျိုးစီးပွားကို ကာကွယ်သွားမည်ဖြစ်ကြောင်း ၎င်းက ပြောကြားခဲ့သည်။
အထက်ပါ တွေ့ဆုံဆွေးနွေးမှုကို ဝမ်ရိတက်ရောက်ခဲ့ကြောင်း သိရသည်။ (Xinhua)

———————
(Chinese Version)
习近平会见多米尼克总统伯顿
新华社北京10月14日电（记者杨依军、曹嘉玥）10月14日上午，国家主席习近平在北京人民大会堂会见来华出席全球妇女峰会的多米尼克总统伯顿。
习近平指出，多米尼克是中国在加勒比地区的好朋友、好伙伴。建交20多年来，两国始终相互尊重、平等相待，政治互信不断巩固，各领域交流合作蓬勃开展，人民友谊日益深厚，树立了不同社会制度、不同大小国家间友好合作的典范。中方愿同多方一道，推动两国关系迈向更高水平，更好造福两国人民。
习近平强调，中多双方要巩固政治互信，加强治国理政经验交流，密切政府、立法机构、政党间交往。要深化务实合作，中方愿继续支持多方提升应对气候变化和防灾减灾能力，加强基础设施、清洁能源、医疗卫生、农业、妇女赋权等合作，密切文化、教育、旅游等人文交流。要加强多边协作，共同践行四大全球倡议，推动构建人类命运共同体。要落实全球妇女峰会共识，深化妇女能力建设合作。
伯顿表示，中国是多米尼克伟大的朋友和极为珍视的伙伴，感谢中方的宝贵支持和真诚友谊。多米尼克和中国拥有共同理念和追求，深化多中关系将为多米尼克人民带来光明前景。多方坚定支持一个中国原则，愿同中方深化经贸、农业、绿色经济、新能源、卫生、应对气候变化等领域合作，密切人文交流，推进拉中合作，不断书写两国关系新篇章。中国作为当今世界重要的和平稳定力量，提出构建人类命运共同体愿景，同世界共享发展机遇，促进全球南方团结，鼓舞各国人心，是世界希望的灯塔。习近平主席提出全球发展倡议、全球安全倡议、全球文明倡议、全球治理倡议，为各国实现和平共处、共同繁荣指明了方向。多方愿同中方密切协作，反对单边主义、霸权主义，维护发展中国家共同利益。
王毅参加会见。（完）
图说：10月14日上午，国家主席习近平在北京人民大会堂会见来华出席全球妇女峰会的多米尼克总统伯顿。 新华社记者 申宏 摄