တရုတ်နိုင်ငံက မလေးရှားနိုင်ငံနှင့်အတူ နိုင်ငံစုံညှိနှိုင်းဆောင်ရွက်မှု ခိုင်မာအားကောင်းစေရန် အသင့်ရှိဟု တရုတ်ဝန်ကြီးချုပ် ပြော

ကွာလာလမ်ပူ၊ အောက်တိုဘာ ၂၈ ရက် (ဆင်ဟွာ)

တရုတ်နိုင်ငံက အဆိုပြုထားသော ကမ္ဘာလုံးဆိုင်ရာ အဓိက အစီအမံလေးရပ်ကို အကောင်အထည်ဖော်ရေး၊ စစ်မှန်သော နိုင်ငံစုံပူးပေါင်းဆောင်ရွက်မှုကို ကျင့်သုံးရေး၊ နိုင်ငံတကာ တရားမျှတမှုနှင့် သမာသမတ်ကျမှုကို ထိန်းသိမ်းရေးအတွက် တရုတ်နိုင်ငံက မလေးရှားနိုင်ငံနှင့်အတူ နိုင်ငံစုံ ညှိနှိုင်းဆောင်ရွက်မှု၊ ပူးပေါင်းဆောင်ရွက်မှု ခိုင်မာအားကောင်စွာလုပ်ဆောင်ရန် အသင့်ရှိကြောင်း တရုတ်နိုင်ငံ ဝန်ကြီးချုပ် လီချန်က အောက်တိုဘာ ၂၈ ရက်၌ ပြောကြားခဲ့သည်။

လီသည် မလေးရှားနိုင်ငံ ဝန်ကြီးချုပ် အန်ဝါ အီဘရာဟင်နှင့် မလေးရှားတွင် ကျင်းပသော အရှေ့အာရှပူးပေါင်းဆောင်ရွက်မှု ခေါင်းဆောင်များအစည်းအဝေး၌ သီးခြားတွေ့ဆုံစဉ် အထက်ပါအတိုင်း မှတ်ချက်ပြုပြောကြားခဲ့ခြင်းဖြစ်ပြီး တရုတ်နှင့် မလေးရှား နှစ်နိုင်ငံတို့သည် အပြန်အလှန်ယုံကြည်စိတ်ချနိုင်သော အိမ်နီးချင်းကောင်းများနှင့် မိတ်ဖက်ကောင်းများ ဖြစ်ကြောင်းလည်း လီက ဆိုသည်။

စက်တင်ဘာလက တရုတ်နိုင်ငံ သမ္မတ ရှီကျင့်ဖိန်သည် ပေကျင်းမြို့တော်တွင် အဆွေတော်ဝန်ကြီးချုပ် အန်ဝါနှင့် တွေ့ဆုံခဲ့ရာ တရုတ်-မလေးရှား အေးအတူပူအမျှ အသိုက်အဝန်း နက်ရှိုင်းစွာတည်ဆောက်မှုဆိုင်ရာ အရေးကြီးသဘောတူညီချက်အသစ် ရရှိခဲ့ကြောင်း လီက ပြောကြားခဲ့သည်။
တရုတ်နိုင်ငံသည် မလေးရှားနိုင်ငံအား မိမိတို့၏ အိမ်နီးချင်းနိုင်ငံ သံတမန်ဆက်ဆံရေးအရ ထိပ်တန်းဦးစားပေးအဖြစ် အစဉ်အမြဲထားရှိကြောင်း၊ အဆင့်မြင့်အလွှာ ကူးလူးဖလှယ်မှုများ နီးကပ်စွာ ထိန်းသိမ်းထားရှိရန်၊ မဟာဗျူဟာမြောက် ညှိနှိုင်းဆောင်ရွက်မှု အားကောင်းရန်၊ လက်တွေ့ပူးပေါင်းဆောင်ရွက်မှု နက်ရှိုင်းရန်၊ နှစ်နိုင်ငံ တူညီဆန္ဒများ အကောင်အထည်ဖော်ရန်နှင့် နှစ်နိုင်ငံ ပြည်သူများ အကျိုးဖြစ်ထွန်းစေရန် တစ်ဆင့်တိုးဆောင်ရွက်ရန် တရုတ်နိုင်ငံ၏ အသင့်ရှိမှုကိုလည်း လီက ထည့်သွင်းပြောကြားခဲ့သည်။
ထို့ပြင် ၂၀ ကြိမ်မြောက် တရုတ်ကွန်မြူနစ်ပါတီ (CPC) ဗဟိုကော်မတီ စတုတ္ထအကြိမ် မျက်နှာစုံညီအစည်းအဝေးတွင် ကြားနာ၍ အတည်ပြုခဲ့သော ၁၅ ကြိမ်မြောက် ငါးနှစ်စီမံကိန်း ရေးဆွဲရေးဆိုင်ရာ CPC ဗဟိုကော်မတီ၏ အကြံပြုချက်များကိုလည်း လီက ထောက်ပြပြောကြားခဲ့သည်။

၁၃ ကြိမ်မြောက် မလေးရှားနိုင်ငံ စီမံကိန်းနှင့် လိုက်လျောညီထွေချိတ်ဆက်စေရန် တရုတ်နိုင်ငံ၏ လိုလားမှုကိုလည်း လီက ပြောကြားလျက် တရုတ်နိုင်ငံအနေဖြင့် နှစ်နိုင်ငံကြား စီးပွား‌ရေးနှင့် ကုန်သွယ်ရေး ပူးပေါင်းဆောင်ရွက်မှုဆိုင်ရာ ငါးနှစ်စီမံကိန်း အကောင်အထည်ဖော်မှု နက်ရှိုင်းရန်၊ နှစ်နိုင်ငံ ကုန်သွယ်စီးပွားဆက်ဆံရေး ခိုင်မာရန်၊ မလေးရှားနိုင်ငံနှင့်အတူ တိုးတက်မှုမောင်းနှင်အားအသစ်များ ပျိုးထောင်ရန်အလို့ငှာ ဒစ်ဂျစ်တယ်စီးပွားရေး၊ ဉာဏ်ရည်တုနည်းပညာ၊ စွမ်းအင်သစ် စသည့် ထွန်းသစ်စနယ်ပယ်များ၌ ပူးပေါင်းဆောင်ရွက်မှု အလားအလာကို ဖော်ဆောင်သွားလိုကြောင်း လီက ပြောခဲ့သည်။

ထို့နောက် နှစ်ဖက်အနေဖြင့် နှစ်နိုင်ငံအကြား ချစ်ကြည်ရင်းနှီးမှုကို အများပြည်သူပံ့ပိုးအားပေးမှု ခိုင်မာစေရေးအတွက် ပြည်သူအချင်းချင်းနှင့် ယဉ်ကျေးမှုများ ဖလှယ်ရေးအား တိုးမြှင့်လုပ်ဆောင်ရန်လည်း လီက တိုက်တွန်းခဲ့သည်။
မလေးရှားနိုင်ငံအနေဖြင့် အာဆီယံ အလှည့်ကျဥက္ကဋ္ဌအဖြစ် ၎င်း၏ အရေးပါသော အခန်းကဏ္ဍမှ ပါဝင်လျက်ရှိခြင်းကို တရုတ်နိုင်ငံက ချီးကျူးပြောကြားခဲ့သလို အရှေ့အာရှပူးပေါင်းဆောင်ရွက်မှု ခေါင်းဆောင်များအစည်းအဝေး၏ ရလဒ်များအား အကောင်အထည်ဖော်ရန်၊ ဒေသတွင်း ငြိမ်းချမ်းရေးနှင့် ဖွံ့ဖြိုးတိုးတက်ရေးအတွက် ပိုမိုတည်ငြိမ်၍ အပြုသဘောဆောင်သည့် စွမ်းအင်များ ဖြည့်တင်းရန် နိုင်ငံများအားလုံးနှင့်အတူ လုပ်ဆောင်ရန်လည်း တရုတ်နိုင်ငံက အသင့်ရှိကြောင်း လီက ပြောကြားခဲ့သည်။ (Xinhua)

……………………………………..
(English Version)
China ready to strengthen multilateral coordination with Malaysia — premier
KUALA LUMPUR, Oct. 28 (Xinhua) — Chinese Premier Li Qiang said Tuesday that China is ready to strengthen multilateral coordination and cooperation with Malaysia to implement the four major global initiatives put forth by China, practice true multilateralism, and safeguard international fairness and justice.
Li made the remarks during a meeting with Malaysian Prime Minister Anwar Ibrahim on the sidelines of the leaders’ meetings on East Asian cooperation held in Malaysia, noting that China and Malaysia are good neighbors and partners who can trust each other.
In September, Chinese President Xi Jinping met with Anwar in Beijing, where they reached new important consensus on deepening the building of a China-Malaysia community with a shared future, Li said.
Noting that China always regards Malaysia as a priority in its neighborhood diplomacy, Li voiced China’s readiness to maintain close high-level exchanges, strengthen strategic coordination, deepen practical cooperation, further implement bilateral consensus and benefit both peoples.
Li pointed out that the fourth plenary session of the 20th Central Committee of the Communist Party of China (CPC) deliberated over and adopted the recommendations of the CPC Central Committee for formulating the 15th Five-Year Plan.
Expressing China’s readiness to strengthen alignment with the 13th Malaysia Plan, Li said that China is willing to deepen the implementation of the Five-Year Programme for Economic and Trade Cooperation between the two countries, solidify bilateral economic and trade ties, and tap the cooperation potential in emerging areas such as the digital economy, artificial intelligence, as well as new energy, so as to cultivate new growth drivers with Malaysia.
He called on both sides to expand people-to-people and cultural exchanges to strengthen public support for the friendship between the two countries.
China commends Malaysia for its important role as the rotating chair of ASEAN, and is ready to work with all parties to implement the outcomes of the leaders’ meetings on East Asian cooperation, so as to inject more stability and positive energy into regional peace and development, Li said.
Photo: Chinese Premier Li Qiang meets with Malaysian Prime Minister Anwar Ibrahim in Kuala Lumpur, Malaysia, Oct. 28, 2025. (Xinhua/Xing Guangli)