ရုရှား နိုင်ငံ Kuril ကျွန်းစု မြောက်ပိုင်း ပင်လယ်ပြင် တွင် ပြင်းအား ၆.၇ အဆင့်ရှိ ငလျင် လှုပ်ခတ်

ဗလာဒီဗော့စတော့ ၊ အောက်တိုဘာ ၁၁ ရက် (ဆင်ဟွာ)

ရုရှား နိုင်ငံ Yuzhno-Sakhalinsk ငလျင် တိုင်းတာရေး ဌာန ၏ ထုတ်ပြန်ကြေညာ ချက်အရ ရုရှား နိုင်ငံ Kuril ကျွန်းစု မြောက်ပိုင်း ပင်လယ်ပြင် တွင် အောက်တိုဘာ ၁၁ ရက် ၌ ပြင်းအား ၆.၇ အဆင့်ရှိ ငလျင် လှုပ်ခတ် ခဲ့ကြောင်း သိရှိရသည်။

ထုတ်ပြန်ကြေညာချက် တွင် ငလျင် က အောက်တိုဘာ ၁၁ ရက် ဒေသစံတော်ချိန် နံနက် ၁၀ နာရီ ၁၆ မိနစ် တွင် လှုပ်ခတ်ခဲ့ခြင်း ဖြစ်ကြောင်း ၊ ငလျင် က Kuril ကျွန်းစု မြောက်ပိုင်း ရှိ Onekotan ကျွန်း ၏ အရှေ့ဘက် ၁၅၀ ကီလိုမီတာ အကွာအဝေး တွင် မြေအောက်အနက် ၇၄ ကီလိုမီတာ သို့ ဗဟိုပြု လှုပ်ခတ်ခဲ့ခြင်း ဖြစ်ကြောင်း ၊ ရုရှား နိုင်ငံ Kamchatka နယ်စပ် ဒေသ အချို့တွင် ငလျင် လှုပ်ခတ်မှု ကို ခံစား သိရှိနိုင်ပြီး ယခု အကြိမ် ဖြစ်ပွား ခဲ့သည့် ငလျင် ကြောင့် သေဆုံးဒဏ်ရာရရှိမှု မဖြစ်ပွား ခဲ့ကြောင်း ပါဝင် ခဲ့သည်။

Kuril ကျွန်းစု က ရုရှား နိုင်ငံ Kamchatka ကျွန်းဆွယ် နှင့် ဂျပန် နိုင်ငံ Hokkaido ကျွန်း ကြားတွင် တည်ရှိပြီး ကျွန်းများ နှင့် ကျောက်ဆောင်များ ဖြင့် ဖွဲ့စည်း ထားသည့် ကျွန်းစု တစ်ခု ဖြစ်ကာ စုစုပေါင်း ဧရိယာ အားဖြင့် စတုရန်း ကီလိုမီတာ ၁၀,၀၀၀ တည်ရှိကြောင်း သိရှိရသည်။(Xinhua)