တရုတ်ကုမ္ပဏီလုပ်ငန်းမှ တီထွင်ထုတ်လုပ်သည့် ဟိုက်ဒရိုဂျင်စွမ်းအင်သုံး စမတ် ဓာတ်ရထား မလေးရှားနိုင်ငံတွင် စမ်းသပ် ပြေးဆွဲ

ကူချင်း၊ စက်တင်ဘာ ၉ ရက် (ဆင်ဟွာ)

CRRC Zhuzhou Electric Locomotive Institute ကုမ္ပဏီလီမိတက် ကိုယ်တိုင်တီထွင်ထုတ်လုပ်သည့် ဟိုက်ဒရိုဂျင် စွမ်းအင်သုံး စမတ် ဓာတ်ရထားကို မလေးရှားနိုင်ငံ ဆာရာဝပ်ပြည်နယ် ကူချင်းမြို့တွင် စက်တင်ဘာ ၆ ရက်က စတင် စမ်းသပ် ပြေးဆွဲခဲ့သည်။

စမတ်ရထားလမ်းသည် လျှပ်စစ်ရထားသယ်ယူပို့ဆောင်ရေးပုံစံ ထုတ်ကုန်ဖြစ်ရာ CRRC Zhuzhou ကုမ္ပဏီမှ ကိုယ်တိုင်တီထွင် ထုတ်လုပ်ခြင်း ဖြစ်ကြောင်း သိရသည်။ စမတ် ဓာတ်ရထား၏ အပြင်ပန်း ပုံသဏ္ဌာန်သည် ရထားသံလမ်းပြေး ဓာတ်ရထားပုံစံနှင့်ဆင်တူသော်လည်း သံလမ်းနှင့်ပိုက်လမ်းခင်းထားစရာ မလိုအပ်ကြောင်း၊ အခြေခံအဆောက်အဦ ရင်းနှီးမြှုပ်နှံမှုပမဏ နည်းသလို ပြောင်းလွယ် ပြင်လွယ် ချိန်ညှိလွယ်သည့် ထူးခြားချက်များ ရှိကြောင်း သိရသည်။

မလေးရှား စမတ်ရထားလမ်း စီမံကိန်းသည် CRRC ၏ စမတ်ရထားလမ်း ပြည်ပ၌ ရင်းနှီးမြှုပ်နှံသည့် ပထမဆုံး အများသုံး သယ်ယူပို့ဆောင်ရေး စီမံကိန်း ဖြစ်ကြောင်း၊ ယခုအကြိမ်စမ်းသပ်ပြေးဆွဲသည့် စမတ် ဓာတ်ရထားသည် ခရီးမိုင် ပို၍ ရှည်သွားလာနိုင်ခြင်း၊ ကာဗွန်လျော့နည်းမှု ပိုများပြီး သဘာဝပတ်ဝန်းကျင်ထိန်းသိမ်းနိုင်ခြင်း အားသာချက်များ ရှိကြောင်း သိရသည်။ (Xinhua)

…………………………….
(Chinese Version)
中企研发氢能源智轨电车在马来西亚试跑
由中车株洲电力机车研究所有限公司自主研发制造的氢能源智轨电车6日在马来西亚沙捞越州古晋市开启试跑。
智轨是全电驱动轨道交通制式产品，由中车株洲所自主研发。智轨电车外形酷似有轨电车，却无需铺设钢轨和管线，具有基础设施投资小、调度灵活等特点。
据了解，马来西亚智轨项目是中车智轨在海外的第一个公共交通项目，本次试跑的智轨电车具有续航里程更长、更低碳节能环保的优势。