ပြင်သစ်နိုင်ငံတွင် ကျင်းပမည့် ၂၀၂၄ ခုနှစ် အိုလံပစ်ရေကူးအားကစားပြိုင်ပွဲအတွက် လူရွေးချယ်ပွဲ ပြုလုပ်

ရန်ကုန်၊ မေ‌ ၂၅ ရက် (ဆင်ဟွာ)

ပြင်သစ်နိုင်ငံတွင် ကျင်းပပြုလုပ်မည့် ၂၀၂၄ ခုနှစ် အိုလံပစ်ရေကူးအားကစားပြိုင်ပွဲ၌ ပါဝင်ယှဥ်ပြိုင်ရန်အတွက် မြန်မာနိုင်ငံ ကိုယ်စားပြု ရေကူးအားကစားသမား ရွေးချယ်ပြိုင်ပွဲအား ၂၀၂၄ ခုနှစ်၊ မေလ ၂၅ ရက် ၊ နံနက်ပိုင်းက အမျိုးသားရေကူးကန် (ဦးဝိစာရ) တွင် ကျင်းပပြုလုပ်ခဲ့သည်။ အဆိုပါ လူရွေးချယ်ပွဲတွင် မီတာ ၅၀ အလွတ်ကူး၊ မီတာ ၅၀ ပက်လက်ကူး၊ မီတာ ၅၀ ရင်ဘောင်တန်းကူး၊ မီတာ ၅၀ လိပ်ပြာကူး စသည့်ပြိုင်ပွဲအမျိုးအစား ၄ မျိုးထည့်သွင်းကျင်းပခဲ့ကြောင်း သိရသည်။ ယခု ပြိုင်ပွဲမှ ရွေးချယ်ခြင်းခံရသော ရေကူးအားကစားသမား အမျိုးသား ၁ ဦး၊ အမျိုးသမီး ၁ ဦး တို့၏ စံချိန်များကို ကမ္ဘာ့ရေကူးအဖွဲ့ချုပ် (World Aquatics) သို့ ပေးပို့၍ ၎င်းတို့မှ ရွေးချယ်ပါက မြန်မာနိုင်ငံ ကိုယ်စားပြုအဖြစ် စေလွှတ်သွားမည်ဖြစ်ကြောင်း သိရသည်။ (Xinhua)