Videos
ပုတ်ရဟန်းမင်းကြီး ဖရန်စစ် မြန်မာနိုင်ငံသို့ နိုဝင်ဘာ ၂၇ ရက်မှ ၃၀ ရက်ထိ လာရောက်မည်
ရန်ကုန် ၊ သြဂုတ် ၂၈ ရက်(ဆင်ဟွာ)
ပုတ်ရဟန်းမင်းကြီး ဖရန်စစ်သည် မြန်မာနိုင်ငံ ၊ ရန်ကုန် နှင့် နေပြည်တော် မြို့များသို့ နိုဝင်ဘာလ ၂၇ ရက်မှ ၃၀ ရက် အထိ လာရောက်မည် ဖြစ်ကြောင်း မြန်မာနိုင်ငံ ကက်သလစ် ဆရာတော်ကြီးများ အဖွဲ့ချုပ်မှ သိရသည်။ပုတ်ရဟန်းမင်းကြီး ဖရန်စစ်သည် မြန်မာနိုင်ငံသား အားလုံးကို တွေ့ဆုံရန် ၊ အားလုံး အတွက် ကြွလာခြင်း ဖြစ်ကြောင်း ၊ အစိုးရ ခေါင်းဆောင်များ နှင့် သာမက ဘာသာရေး ခေါင်းဆောင်များ ၊ လုပ်သား ပြည်သူလူငယ်များ နှင့်လည်း တွေ့ဆုံလိမ့်မည်ဟု မျှော်လင့်ရကြောင်း မြန်မာနိုင်ငံ ကက်သလစ် ဆရာတော်ကြီးများ အဖွဲ့ချုပ်မှ ယနေ့ ထုတ်ပြန် ကြေညာခဲ့သည်။
ယဉ်ကျေးမှု ၊ ဘာသာတရား ခြားနားသော်လည်း ယှဉ်တွဲနေထိုင် လျက်ရှိနေကာ မြန်မာနိုင်ငံသို့ ပုတ်ရဟန်းမင်းကြီး ဖရန်စစ် ကြွရောက်တော်မှုခြင်း အားဖြင့် မင်္ဂလာ အပေါင်း ခညောင်းပြီး စည်းလုံး ညီညာ ငြိမ်းချမ်း သာယာသော နိုင်ငံ အဖြစ်သို့ အလျင်အမြန် ရောက်ရှိတော့မည့် နိမိတ် လက္ခဏ ဖြစ်မည်ဟု ယုံကြည်ကြောင်း ထုတ်ပြန်ချက်တွင် ဖော်ပြထားသည်။(Xinhua)