Videos
တူနီးရှားတွင် သင်္ဘောတိမ်းမှောက်မှုကြောင့် တရားမဝင်ရွှေ့ပြောင်းနေထိုင်သူ ၅ဝကျော် သေဆုံး
တူနီးရှား ၊ ဇွန် ၅ ရက်(ဆင်ဟွာ)
ဇွန်လ ၃ရက်က Kerkennah ကျွန်းစုအနီး ပင်လယ်ပြင်တွင် တရားမဝင်ရွှေ့ပြောင်းနေထိုင်သူများ လိုက်ပါလာသော သင်္ဘောတစ်စီးတိမ်းမှောက်မှုကြောင့် သေဆုံးသူဦးရေ ၅၈ ဦး အထိ တိုးမြင့်လာပြီ ဖြစ်ကြောင်း၊ သေဆုံးသူများအနက် ၃၁ ဦးမှာ တူနီးရှားနိုင်ငံသားများဖြစ်ကြောင်း တူနီးရှားနိုင်ငံ ပြည်ထဲရေးဝန်ကြီးဌာန၏ ပြောရေးဆိုခွင့်ရှိသူက ဇွန်လ ၄ ရက်တွင် ပြောကြားခဲ့ သည်။
ဆက်လက်၍ ၎င်းက တူနီးရှားနိုင်ငံသား အယောက် ၆၀ အပါအဝင် တရားမဝင်ရွှေ့ပြောင်းနေထိုင်သူ ၆၈ ဦးအား ကူညီကယ်ဆယ်ခဲ့ပြီး ယခုတစ်ကြိမ် တရားမဝင်ရွှေ့ပြောင်းနေထိုင်ရန် ဦးဆောင်စီစဉ် ပေးသူ ၈ ဦးအား ဖမ်းဆီး စစ်ဆေးနေဆဲဖြစ်ကြောင်း ဆိုသည်။
တူနီးရှားနိုင်ငံသည် အာဖရိကတိုက် မြောက်ဘက်စွန်းတွင် တည်ရှိပြီး ဥရောပနိုင်ငံများနှင့် ပင်လယ်ခြားပြီးတည်ရှိသည်။ ၂၀၁၈ ခုနှစ် မေလ လလယ်ပိုင်းမှစ၍ ယနေ့အထိ တူနီးရှားလုံခြုံရေး ဌာနက ပင်လယ်ကိုဖြတ်ပြီး တရားမဝင်ရွှေ့ပြောင်းနေထိုင်ရန်ကြိုးစားသူ အယောက် ၉၀၀ ကို တားဆီးပြီးဖြစ်ကြောင်း တူနီးရှားနိုင်ငံ ပြည်ထဲရေးဝန်ကြီးဌာန၏ ပြောရေးဆိုခွင့်ရှိသူ၏ ပြောကြားချက်အရ သိရှိရ သည်။ (Xinhua)