ကမ္ဘာ့စီးပွားရေး ပြန်လည်ဦးမော့လာနိုင်ရေးအတွက် တရုတ်နိုင်ငံက ဆက်လက် အကျိုးဆောင်သွားမည်ဟု တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ပြောကြား

ပေကျင်း၊ ဇွန် ၁၀ ရက် (ဆင်ဟွာ)

ကမ္ဘာ့စီးပွားရေး ပြန်လည် ဦးမော့လာနိုင်ရေးအတွက် တရုတ်စီးပွားရေးက မောင်းနှင်အားအဖြစ် ဆက်လက်ဆောင်ရွက် သွားမည် ဖြစ်ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဝမ်ဝန်ပင်းက ဇွန် ၈ ရက်တွင် ပြောကြားခဲ့သည်။ နိုင်ငံခြားရင်းနှီးမြှုပ်နှံမှုလုပ်ငန်းများ တရုတ်နိုင်ငံသို့ ပိုမိုလာရောက်ကြရန်၊ တရုတ်ဈေးကွက်သို့ ထဲထဲဝင်ဝင် ထိုးဖောက်၍ ဖွံ့ဖြိုးတိုးတက်ရေး အကျိုးအမြတ်များ မျှဝေခံစားကြရန် ကြိုဆိုကြောင်း ၎င်းက ပြောကြားခဲ့သည်။ကမ္ဘာ့ဘဏ်၊ စီးပွားရေးပူးပေါင်းဆောင်ရွက်မှုနှင့်ဖွံ့ဖြိုးတိုးတက်ရေးအဖွဲ့(OECD)တို့၏ နောက်ဆုံး အစီရင်ခံစာတွင် ၂၀၂၃ ခုနှစ် ကမ္ဘာနှင့် အဓိကစီးပွားရေးအုပ်စုများ၏ စီးပွားရေးတိုးတက်မှု ခန့်မှန်းချက်ကို ပြန်လည်မြှင့်တင်ခဲ့ကြောင်း၊ တရုတ်နိုင်ငံ၏ စီးပွားရေးသည် ၂၀၂၃ ခုနှစ်တွင် ၅.၆ ရာခိုင်နှုန်း တိုးတက်လာမည်ဟု ကမ္ဘာ့ဘဏ်က ခန့်မှန်းထားပြီး OECDက ၅.၄ ရာခိုင်နှုန်း တိုးတက်လာမည်ဟု ခန့်မှန်းထားကြောင်း၊ ၎င်းတို့၏အစီရင်ခံစာများတွင် တရုတ်နိုင်ငံ၏ တံခါးပြန်လည်ဖွင့်လှစ်ခြင်းက ကမ္ဘာ့စီးပွားရေးဖွံ့ဖြိုးတိုးတက်မှုအတွက် တွန်းအားဖြစ်စေကြောင်း ဖော်ပြထားသည့်အပေါ် တရုတ်နိုင်ငံအနေဖြင့် မည်သို့ မှတ်ချက်ပြုလိုပါသနည်းဟု သတင်းထောက်တစ်ဦးက ဇွန် ၈ ရက် ပုံမှန်သတင်းစာရှင်းလင်းပွဲတွင် မေးမြန်းခဲ့ခြင်း ဖြစ်သည်။

မကြာသေးမီကာလများက ကုလသမဂ္ဂ၊ ကမ္ဘာ့ဘဏ်၊ အပြည်ပြည်ဆိုင်ရာငွေကြေးရန်ပုံငွေအဖွဲ့ စသည့် နိုင်ငံတကာအဖွဲ့အစည်းနှင့်ဌာနများက ယခုနှစ် တရုတ်နိုင်ငံ၏ စီးပွားရေးတိုးတက်မှု ခန့်မှန်းချက်ကို မြှင့်တင် ဖော်ပြခဲ့သလို အချို့အဖွဲ့အစည်းဌာနများ၏ ခန့်မှန်းမှုက အကြိမ်ပေါင်းများစွာ မြှင့်တင်ထားကြောင်း၊ ၎င်းမှာ နိုင်ငံတကာအသိုက်အဝန်းက တရုတ်စီးပွားရေးဖွံ့ဖြိုးတိုးတက်မှုအလားအလာအပေါ် ယုံကြည်ချက်ရှိသည်ကို အပြည့်အဝ ပြသနေခြင်း ဖြစ်ကြောင်း ဝမ်ဝန်ပင်းက ပြောကြားခဲ့သည်။

“ကမ္ဘာ့စီးပွားရေး ပြန်လည်ဦးမော့နိုင်ရန်အတွက် တရုတ်စီးပွားရေးက မောင်းနှင်အားအဖြစ် ဆက်လက် အကျိုးဆောင်သွားမှာ ဖြစ်ပါတယ်”ဟု ၎င်းက ပြောကြားခဲ့သည်။“မကြာသေးမီကာလက နိုင်ငံပေါင်းစုံ ကုမ္ပဏီတွေရဲ့ အဆင့်မြင့်အရာရှိတွေ တရုတ်နိုင်ငံကို အများအပြား လာရောက်ခဲ့ကြတယ်၊ ဒါက တရုတ်စီးပွားရေးအပေါ် ယုံကြည်မှုပေးခြင်းဖြစ်ပါတယ်” ဟု ဝမ်ဝန်ပင်းက ပြောကြားခဲ့သည်။

နိုင်ငံခြားလုပ်ငန်းရှင်များက တရုတ်စီးပွားရေးပြန်လည်ဦးမော့လာမှုမှ ကြီးမားသော အခွင့်အလမ်းများ ဆောင်ကြဉ်းပေးမှုကို အလေးထားသလို တရုတ်နိုင်ငံ၏ စဉ်ဆက်မပြတ်ကောင်းမွန်လာသော စီးပွားရေးပတ်ဝန်းကျင်ကို အကောင်းမြင်ရာ တရုတ်ဈေးကွက်အပေါ် ယုံကြည်မှုအပြည့်ရှိကြောင်းနှင့် တရုတ်နိုင်ငံတွင် ဘက်စုံ ရင်းနှီးမြှုပ်မှုများ ဆက်လက်ပြုလုပ်သွားမည် ဖြစ်သည်ဟု ပြောကြားခဲ့ကြောင်း ၎င်းက ဆိုသည်။

“တရုတ်နိုင်ငံ အနေဖြင့် အရည်အသွေးမြင့် ပြည်ပတံခါးဖွင့်လှစ်မှုကို မပြောင်းမလဲ ခိုင်မာစွာ ဆက်လက်ဆောင်ရွက်သွားမှာ ဖြစ်ပါတယ်။ နိုင်ငံအသီးသီးရှိ ကုမ္ပဏီလုပ်ငန်းများအတွက် ပိုမိုကောင်းမွန်တဲ့ ဈေးကွက်အသွင်၊ တရားဥပဒေစိုးမိုးရေးအသွင်၊ နိုင်ငံတကာအသွင်ရှိတဲ့ စီးပွားရေးပတ်ဝန်းကျင်ကို ကြိုးပမ်းတည်ဆောက်သွားမှာ ဖြစ်ပါတယ်။ နိုင်ငံခြားရင်းနှီးမြှုပ်နှံမှုလုပ်ငန်းများ တရုတ်နိုင်ငံသို့ ပိုမိုလာရောက်ကြရန်၊ တရုတ်ဈေးကွက်သို့ ထဲထဲဝင်ဝင် ထိုးဖောက်၍ ဖွံ့ဖြိုးတိုးတက်ရေး အကျိုးအမြတ်များ မျှဝေခံစားကြရန် ကြိုဆိုပါတယ်”ဟု ဝမ်ဝန်ပင်းက ပြောကြားခဲ့သည်။ (Xinhua)

————————

外交部发言人：中国将继续为世界经济复苏作出贡献
新华社北京6月8日电（记者邵艺博、冯歆然）外交部发言人汪文斌8日表示，中国经济将继续发挥引擎作用，为世界经济复苏作出贡献。欢迎更多外资企业来华投资兴业，深耕中国市场，共享发展红利。
当日例行记者会上，有记者问：世界银行和经济合作与发展组织日前相继发布最新报告，上调2023年世界及主要经济体经济增长预期。世行预测2023年中国经济将增长5.6%，经合组织预测2023年中国经济将增长5.4%。二者均提到，中国的重新开放为世界经济发展带来动力。中方对此有何评论？
汪文斌说，近期，包括联合国、世界银行、国际货币基金组织等多家国际组织和机构纷纷调高今年中国经济增长预期，有的机构还连续多次上调，这充分彰显了国际社会对中国经济发展前景的信心。“中国经济将继续发挥引擎作用，为世界经济复苏作出贡献。”
“近期，众多跨国公司高管纷纷掀起‘访华潮’，对中国经济投下‘信任票’。”汪文斌表示，外商看重中国经济复苏带来的巨大机遇，看好中国不断优化的营商环境，纷纷表示对中国市场充满信心，将继续全方位投资中国。
“中国将继续坚定不移推进高水平对外开放，致力于为各国企业打造更好的市场化、法治化、国际化营商环境。我们欢迎更多外资企业来华投资兴业，深耕中国市场，共享发展红利。”他说。（完）