ယူကရိန်းအကျပ်အတည်း နိုင်ငံရေးနည်းလမ်းဖြင့် အဖြေရှာရေးအပေါ် တရုတ်နိုင်ငံ၏ရပ်တည်ချက် စာတမ်းအား တရုတ်နိုင်ငံခြားရေးဝန်ကြီးဌာန ထုတ်ပြန်

ပေကျင်း၊ ဖေဖော်ဝါရီ ၂၄ ရက် (ဆင်ဟွာ)

ယူကရိန်းအကျပ်အတည်း နိုင်ငံရေးနည်းလမ်းဖြင့် အဖြေရှာရေးနှင့်ပတ်သက်သော တရုတ်နိုင်ငံ၏ရပ်တည်ချက် စာတမ်းကို တရုတ်နိုင်ငံခြားရေးဝန်ကြီးဌာနက ဖေဖော်ဝါရီ ၂၄ ရက်တွင် ထုတ်ပြန်ခဲ့သည်။ အဆိုပါစာတမ်း၏ အကြောင်းအရာအပြည့်အစုံမှာ-

(၁)နိုင်ငံတိုင်း၏အချုပ်အခြာအာဏာကို လေးစားရမည် ဖြစ်သည်။ ကုလသမဂ္ဂပဋိညာဉ်စာတမ်း၏ရည်ရွယ်ချက်နှင့်အခြေခံမူများအပါအဝင် အများအသိအမှတ်ပြုထားသော နိုင်ငံတကာဥပဒေကို လေးစားလိုက်နာသင့်ရာ နိုင်ငံအသီးသီး၏ အချုပ်အခြာအာဏာ၊ လွတ်လပ်မှုနှင့် နယ်မြေပိုင်နက် ပြည်စုံမှုသည် လက်တွေ့အာမခံမှုရှိသင့်သည်။ နိုင်ငံများတွင် နိုင်ငံကြီး၊နိုင်ငံငယ်၊ အင်အားကြီး၊အင်အားနည်း၊ ဆင်းရဲ၊ချမ်းသာ ဟူ၍ မခွဲခြားဘဲ တန်းတူညီမျှ ရှိရမည်ဖြစ်ရာ ဘက်ပေါင်းစုံက နိုင်ငံတကာဆက်ဆံရေးအခြေခံမူနှင့် နိုင်ငံတကာ တရားမျှတရေးကို အတူကာကွယ်ထိန်းသိမ်းရမည်ဖြစ်သည်။ နိုင်ငံတကာ ဥပဒေသည် တန်းတူညီမျှ သင့်လျော်မှုရှိသင့်ပြီး စံနှုန်းနှစ်ခု မထားရှိသင့်ပေ။

(၂) စစ်အေးခေတ်အတွေးအခေါ်ကို စွန့်လွှတ်ရမည် ဖြစ်သည်။ နိုင်ငံတစ်နိုင်ငံ၏ လုံခြုံရေးသည် အခြားနိုင်ငံ၏လုံခြုံရေးကို ထိခိုက်မှုဖြင့် အစားထိုးဆောင်ရွက်၍မရသလို ဒေသလုံခြုံရေးသည် စစ်ရေးအုပ်စု အင်အားဖြည့်တင်းခြင်း၊ ချဲ့ထွင်ခြင်းဖြင့် အာမခံထား ဆောင်ရွက်၍မရပါ။ နိုင်ငံအသီးသီး၏ လျော်ကန်မှုရှိသော လုံခြုံရေးအကျိုးစီးပွားနှင့်ဂရုပြုမှုများကို အလေးထားသင့်သလို သင့်လျော်ကောင်းမွန်စွာ ဖြေရှင်းသင့်သည်။ ရှုပ်ထွေးသောပြဿနာများကို ဖြေရှင်းရာ၌ လွယ်ကူသော နည်းလမ်းဟူ၍ မရှိပါ။ ဘုံ၊ ဘက်စုံ ၊ ပူးပေါင်းဆောင်ရွက်မှုနှင့် စဉ်ဆက်မပြတ်ရှိသည့် လုံခြုံရေးအမြင်ကို ခိုင်မာစွာ လက်ကိုင်ထားသင့်ရာ ကမ္ဘာ့ ရေရှည်တည်ငြိမ်အေးချမ်းရေးကို ရှေးရှု၍ ဟန်ချက်ညီမှု၊ ထိရောက်မှုနှင့် စဉ်ဆက်မပြတ်ဖြစ်သော ဥရောပ လုံခြုံရေးမူဘောင်တည်ဆောက်မှုကို တွန်းအားပေးရမည် ဖြစ်သည်။ မိမိနိုင်ငံ၏လုံခြုံရေးသည် အခြားနိုင်ငံ၏ မလုံခြုံမှုပေါ်တွင် အခြေခံခြင်းကို ဆန့်ကျင်ပြီး အုပ်စုဖွဲ့ထိပ်တိုက်ရင်ဆိုင်မှုကို ကာကွယ်တားဆီးကာ ယူရေးရှားကုန်းမြေ၏ တည်ငြိမ်အေးချမ်းရေးကို အတူကာကွယ် ထိန်းသိမ်းရမည် ဖြစ်သည်။

(၃) အပစ်အခတ်ရပ်စဲရမည် ဖြစ်သည်။ ပဋိပက္ခစစ်ပွဲများတွင် အနိုင်ရသူဟူ၍ မရှိပါ။ ယူကရိန်းအကျပ်အတည်း တစ်ဆင့်တိုး ဆိုးဝါးလာပြီး ထိန်းချုပ်မရဖြစ်မည့်အခြေအနေကို ရှောင်ရှားရန်အတွက် ဘက်ပေါင်းစုံက ဆင်ခြင်တုံတရားနှင့်ထိန်းထိန်းသိမ်းသိမ်းရှိသင့်ရာ ၊ ပဋိပက္ခများ မပြင်းထန်လာစေရန် မီးလောင်ရာလေပင့် မပြုဘဲ ရုရှား-ယူကရိန်း ဦးတည်ချက်တူ ဆောင်ရွက်ရေးကို ထောက်ခံအားပေးကာ တိုက်ရိုက်တွေ့ဆုံဆွေးနွေးမှုများ အမြန်ဆုံး ပြန်လည်ဆောင်ရွက်နိုင်ရေး ၊ အခြေအနေတင်းမာမှုများ ဖြေလျှော့ရေးစသည်တို့ကို တစ်ဆင့်ချင်း တွန်းအားပေးပြီး ဘက်စုံ အပစ်အခတ်ရပ်စဲရေးကို ဖော်ဆောင်ရမည် ဖြစ်သည်။

(၄) ငြိမ်းချမ်းရေးဆွေးနွေးမှုများ စတင်ရမည် ဖြစ်သည်။ ဆွေနွေးညှိနှိုင်းမှုသည် ယူကရိန်းအကျပ်အတည်းကို ဖြေရှင်းနိုင်သည့် တစ်ခုတည်းသော ထွက်ပေါက် ဖြစ်သည်။ အကျပ်အတည်းကို ငြိမ်းချမ်းစွာ ဖြေရှင်းရေး ကြိုးပမ်းအားထုတ်မှု မှန်သမျှကို အားပေးထောက်ခံသင့်သည်။ နိုင်ငံတကာအသိုက်အဝန်းအနေဖြင့် ငြိမ်းချမ်းရေးတွေ့ဆုံဆွေးနွေးရန်ဟူသော မှန်ကန်သည့် ဦးတည်ချက်ကို လက်ကိုင်ထားသင့်ရာ ပဋိပက္ခသက်ဆိုင်ရာဘက်ပေါင်းစုံက နိုင်ငံရေးနည်းလမ်းဖြင့် အကျပ်အတည်း ဖြေရှင်းရေး တံခါးကို ဆောလျင်စွာ ဖွင့်လှစ်ရန် ကူညီဆောင်ရွက်ရမည် ဖြစ်ပြီး ပြန်လည်ဆွေးနွေးရေးအတွက် အခြေအနေနှင့်ပလက်ဖောင်းကို ဖန်တီးရမည် ဖြစ်သည်။ ထို့အတွက် တရုတ်နိုင်ငံအနေဖြင့် အပြုသဘောဆောင်သော အခန်းကဏ္ဍမှ ဆက်လက် ပါဝင်ဆောင်ရွက်သွားမည် ဖြစ်သည်။

(၅) လူသားချင်းစာနာထောက်ထားမှုဆိုင်ရာ အကျပ်အတည်းကို ဖြေရှင်းရမည် ဖြစ်သည်။ လူသားချင်းစာနာထောက်ထားမှုဆိုင်ရာ အကျပ်အတည်း ဖြေလျှော့ရေး လုပ်ဆောင်မှုမှန်သမျှကို အားပေးထောက်ခံရမည် ဖြစ်သည်။ လူသားချင်းစာနာထောက်ထားမှုဆိုင်ရာ လှုပ်ရှားမှုများသည် ကြားနေမှု၊ သမာသမတ်ကျမှု ၊ တရားမျှတမှုဟူသော အခြေခံမူကို လိုက်နာသင့်ရာ လူသားချင်းစာနာထောက်ထားမှုဆိုင်ရာ ကိစ္စရပ်များအား နိုင်ငံရေးအသွင်ပြောင်းမှုကို ကာကွယ်တားဆီးရမည် ဖြစ်သည်။ အရပ်သားပြည်သူများ၏ လုံခြုံရေးကို လက်တွေ့ကာကွယ်ရန်၊ ပဋိပက္ခဇုန်မှ အရပ်သားများ ထွက်ခွာရေး လူသားချင်းစာနာထောက်ထားမှုဆိုင်ရာ စင်္ကြံ တည်ဆောက်ရမည် ဖြစ်သည်။ လူသားချင်းစာနာထောက်ထားမှု အခြေအနေများ ကောင်းမွန်လာစေရန် သက်ဆိုင်ရာဒေသများအပေါ် အကူအညီများ တိုးချဲ့ရမည် ဖြစ်သည်။ လူသားချင်းစာနာထောက်ထားမှုဆိုင်ရာအကူအညီများ လျင်မြန်၊ ဘေးကင်းစွာ အတားအဆီးမရှိ ဝင်ရောက်နိုင်ရေး ပံ့ပိုးပေးခြင်းဖြင့် ပို၍ကြီးမားကျယ်ပြန့်သော လူသားချင်းစာနာထောက်ထားမှုဆိုင်ရာ အကျပ်အတည်းကြီး မဖြစ်ပွားစေရန် ကာကွယ် တားဆီးရမည် ဖြစ်သည်။ ပဋိပက္ခဖြစ်ပွားရာ ဒေသများအပေါ် လူသားချင်းစာနာထောက်ထားမှုဆိုင်ရာ အကူအညီများပေးအပ်ရာ၌ ကုလသမဂ္ဂ၏ညှိုနှိုင်းဆောင်ရွက်မှုအခန်းကဏ္ဍကို ထောက်ခံအားပေးရမည် ဖြစ်သည်။

(၆) အရပ်သားပြည်သူများနှင့်စစ်သုံ့ပန်းများကို ကာကွယ်ပေးရမည် ဖြစ်သည်။ ပဋိပက္ခဖြစ်ပွားနေသူတို့က နိုင်ငံတကာလူသားချင်းစာနာထောက်ထားမှုဥပဒေကို တင်းကျပ်စွာလိုက်နာသင့်ရာ အရပ်သားပြည်သူများနှင့် အရပ်ဘက်အဆောက်အဦများအား တိုက်ခိုက်ခြင်းကို ရှောင်ကြဉ်ရမည် ဖြစ်ပြီး အမျိုးသမီး၊ ကလေးငယ်စသည့် ပဋိပက္ခအတွင်း ထိခိုက်နစ်နာသူများကို ကာကွယ်သင့်သလို စစ်သုံ့ပန်းများ၏အခြေခံအခွင့်အရေးကို လေးစားသင့်သည်။ တရုတ်နိုင်ငံ အနေဖြင့် ရုရှား-ယူကရိန်း စစ်သုံ့ပန်းလဲလှယ်ခြင်းကို ထောက်ခံအားပေးသလို ဘက်ပေါင်းစုံကလည်း ထို့အတွက် အကျိုးဖြစ်ထွန်းနိုင်မည့် အခြေအနေကို ဖန်တီးသင့်ပါသည်။

(၇) နျူကလီးယားဓာတ်အားပေးစက်ရုံ၏ လုံခြုံရေးကို ကာကွယ်ထိန်းသိမ်းရမည် ဖြစ်သည်။ နျူကလီးယား ဓာတ်အားပေးစက်ရုံစသည့် ငြိမ်းချမ်းသောရည်ရွယ်ချက်ဖြင့်အသုံးပြုသော နျူကလီးယားအဆောက်အဦများအပေါ် လက်နက်ဖြင့် တိုက်ခိုက်ခြင်းကို ဆန့်ကျင်ကန့်ကွက်ပါသည်။ နျူကလီးယားဘေးကင်းရေး သဘောတူစာချုပ် စသည့် နိုင်ငံတကာ ဥပဒေကို လိုက်နာ၍ လူကြောင့်ဖြစ်ပွားသော နျူကလီးယားမတော်တဆမှုကို ပြတ်ပြတ်သားသားရှောင်ရှားကြရန် တိုက်တွန်းပါသည်။ ငြိမ်းချမ်းရေးရည်ရွယ်ချက်ဖြင့် အသုံးပြုသော နျူကလီးယားအဆောက်အဦများ ဘေးကင်းရေးနှင့် လုံခြုံရေးကို မြှင့်တင်ရာတွင် နိုင်ငံတကာ အဏုမြူစွမ်းအင်အေဂျင်စီ (IAEA) ၏ အပြုသဘောဆောင်သည့်အခန်းကဏ္ဍမှ ပါဝင်မှုကို တရုတ်နိုင်ငံက ထောက်ခံအားပေးပါသည်။

(၈) မဟာဗျူဟာ အန္တရာယ်များကို လျှော့ချရမည် ဖြစ်သည်။ နျူကလီးယားလက်နက်သည် အသုံးပြု၍မရသလို နျူကလီးယားစစ်ပွဲသည်လည်း ဖြစ်ပွား၍ မရပါ။ နျူကလီးယားလက်နက် အသုံးပြုခြင်း သို့မဟုတ် အသုံးပြုမည်ဟု ခြိမ်းခြောက်ခြင်းကို ဆန့်ကျင်သင့်သည်။ နျူကလီးယား ပျံ့နှံ့မှုကို ကာကွယ်တားဆီး၍ နျူကလီးယား အကျပ်အတည်း ဖြစ်ပွားမှုကိုရှောင်ကြဉ်ရမည် ဖြစ်သည်။ မည်သည့်နိုင်ငံက မည်သည့်အခြေအနေတွင်မဆို ဇီဝလက်နက် ထုတ်လုပ်ခြင်း၊ အသုံးပြုခြင်းကို ဆန့်ကျင်သည်။

(၉) စားနပ်ရိက္ခာ တင်ပို့မှုကို အာမခံရမည် ဖြစ်သည်။ ဘက်ပေါင်းစုံက ရုရှား၊ တူရကီ၊ ယူကရိန်းနှင့် ကုလသမဂ္ဂ လက်မှတ်ရေးထိုးထားသော ပင်လယ်နက် စားနပ်ရိက္ခာသယ်ယူပို့ဆောင်ရေးသဘောတူညီချက်ကို ဟန်ချက်ညီညီ ဘက်စုံထိရောက်မှုရှိစွာ ဖော်ဆောင်ပြီး ထို့အတွက် ကုလသမဂ္ဂ၏ အရေးပါသော အခန်းကဏ္ဍကို အားပေးထောက်ခံရမည် ဖြစ်သည်။ တရုတ်နိုင်ငံမှ အဆိုပြုသော နိုင်ငံတကာစားနပ်ရိက္ခာဖူလုံရေး ပူးပေါင်းဆောင်ရွက်မှု အဆိုပြုချက်သည် ကမ္ဘာ့စားနပ်ရိက္ခာအကျပ်အတည်းဖြေရှင်းရေးအတွက် ဆောင်ရွက်နိုင်ခြေနည်းလမ်းများကို ပံ့ပိုးပေးခဲ့သည်။

(၁၀) တစ်ဖက်သတ် ပိတ်ဆို့အရေးယူခြင်းကို ရပ်တန့်ရမည် ဖြစ်သည်။ တစ်ဖက်သတ်ပိတ်ဆို့အရေးယူခြင်း၊ အဆုံးစွန် ဖိအားပေးခြင်းသည် ပြဿနာကို မဖြေရှင်းနိုင်သည့်အပြင် ပြဿနာအသစ်များကိုသာ ဖန်တီးပေးခြင်း ဖြစ်သည်။ လုံခြုံရေးကောင်စီ၏ခွင့်ပြုချက်မရှိသော တစ်ဖက်သတ်ပိတ်ဆို့အရေးယူမှု မှန်သမျှကို ဆန့်ကျင်သည်။ ယူကရိန်းအကျပ်အတည်း ဖြေလျှော့ရေးအတွက်၊ ဖွံ့ဖြိုးဆဲနိုင်ငံများ၏ စီးပွားရေးဖွံ့ဖြိုးတိုးတက်ရေးနှင့် ပြည်သူ့ဘဝကောင်းမွန်ရေးအတွက် သက်ဆိုင်ရာနိုင်ငံများက အခြားနိုင်ငံအပေါ် အလွဲသုံးနေသော တစ်ဖက်သတ် ပိတ်ဆို့အရေးယူခြင်းနှင့် လက်တံရှည်လှမ်း စီမံနေခြင်းအား ရပ်တန့်သင့်သည်။

(၁၁) စက်မှုထောက်ပံ့ရေးကွင်းဆက် တည်ငြိမ်ရေး အာမခံရမည် ဖြစ်သည်။ ဘက်ပေါင်းစုံက လက်ရှိ ကမ္ဘာ့စီးပွားရေးစနစ်ကို ကာကွယ်ထိန်းသိမ်းပြီး ကမ္ဘာ့စီးပွားရေး နိုင်ငံရေးအသွင်ပြောင်းမှု၊ ကိရိယာအသွင်ပြောင်းမှု ၊ လက်နက်အသွင်ပြောင်းမှုများကို ဆန့်ကျင်သင့်သည်။ အကျပ်အတည်း စီးဆင်းမှု လျော့နည်းစေရေး၊ နိုင်ငံတကာ စွမ်းအင်၊ ဘဏ္ဍာရေး၊ စားနပ်ရိက္ခာကုန်သွယ်ရေး၊ သယ်ယူပို့ဆောင်ရေးစသည့် ပူးပေါင်းဆောင်ရွက်မှုများ အနှောင့်အယှက်ဖြစ်ခြင်း၊ ကမ္ဘာ့စီးပွားရေးပြန်လည်ရှင်သန်ရေးကို ထိခိုက်မှုများအား ကာကွယ်တားဆီးရမည် ဖြစ်သည်။

(၁၂) စစ်ပွဲအလွန် ပြန်လည်တည်ဆောက်ရေးကို တွန်းအားပေးဆောင်ရွက်ရမည် ဖြစ်သည်။ နိုင်ငံတကာအသိုက်အဝန်းအနေဖြင့် ပဋိပက္ခဖြစ်ပွားရာဒေသ စစ်ပွဲအလွန်ပြန်လည်တည်ဆောက်ရေးကို ပံ့ပိုးပေးသင့်ပါသည်။ ထို့အတွက် တရုတ်နိုင်ငံအနေဖြင့် ကူညီပံ့ပိုးဆောင်ရွက်ကာ အပြုသဘောဆောင်သည့် အခန်းကဏ္ဍမှ ပါဝင်သွားလိုပါသည်။ (Xinhua)

………………………………………….
(Chinese Version)
中国外交部发布《关于政治解决乌克兰危机的中国立场》
新华社北京2月24日电2月24日，中国外交部发布《关于政治解决乌克兰危机的中国立场》文件。全文如下：
一、尊重各国主权。公认的国际法，包括联合国宪章宗旨和原则应该得到严格遵守，各国主权、独立和领土完整都应该得到切实保障。国家不分大小、强弱、贫富一律平等，各方要共同维护国际关系基本准则，捍卫国际公平正义。国际法应当得到平等统一适用，不应采取双重标准。
二、摒弃冷战思维。一国的安全不能以损害他国安全为代价，地区安全不能以强化甚至扩张军事集团来保障。各国的合理安全利益和关切都应得到重视和妥善解决。复杂问题没有简单解决办法。应坚持共同、综合、合作、可持续的安全观，着眼世界长治久安，推动构建均衡、有效、可持续的欧洲安全架构，反对把本国安全建立在他国不安全的基础之上，防止形成阵营对抗，共同维护亚欧大陆和平稳定。
三、停火止战。冲突战争没有赢家。各方应保持理性和克制，不拱火浇油，不激化矛盾，避免乌克兰危机进一步恶化甚至失控，支持俄乌相向而行，尽快恢复直接对话，逐步推动局势降级缓和，最终达成全面停火。
四、启动和谈。对话谈判是解决乌克兰危机的唯一可行出路。一切有利于和平解决危机的努力都应得到鼓励和支持。国际社会应坚持劝和促谈正确方向，帮助冲突各方尽快打开政治解决危机的大门，为重启谈判创造条件和提供平台。中方愿继续为此发挥建设性作用。
五、解决人道危机。一切有利于缓解人道危机的举措都应得到鼓励和支持。人道主义行动必须遵守中立、公正原则，防止将人道问题政治化。切实保护平民安全，为平民撤离交战区建立人道主义走廊。加大对相关地区的人道主义援助，改善人道主义状况，提供快速、安全、无障碍的人道主义准入，防止出现更大规模人道主义危机。支持联合国在对冲突地区人道援助方面发挥协调作用。
六、保护平民和战俘。冲突当事方应严格遵守国际人道法，避免袭击平民和民用设施，应保护妇女、儿童等冲突受害者，尊重战俘的基本权利。中方支持俄乌交换战俘，各方应为此创造更多有利条件。
七、维护核电站安全。反对武装攻击核电站等和平核设施。呼吁各方遵守核安全公约等国际法，坚决避免出现人为核事故。支持国际原子能机构为促进和平核设施的安全安保发挥建设性作用。
八、减少战略风险。核武器用不得，核战争打不得。应反对使用或威胁使用核武器。防止核扩散，避免出现核危机。反对任何国家在任何情况下研发、使用生化武器。
九、保障粮食外运。各方应均衡全面有效执行俄罗斯、土耳其、乌克兰和联合国签署的黑海粮食运输协议，支持联合国为此发挥重要作用。中方提出的国际粮食安全合作倡议为解决全球粮食危机提供了可行方案。
十、停止单边制裁。单边制裁、极限施压不仅解决不了问题，而且会制造出新的问题。反对任何未经安理会授权的单边制裁。有关国家应停止对他国滥用单边制裁和“长臂管辖”，为乌克兰危机降温发挥作用，也为发展中国家发展经济和改善民生创造条件。
十一、确保产业链供应链稳定。各方应切实维护现有世界经济体系，反对把世界经济政治化、工具化、武器化。共同减缓危机外溢影响，防止国际能源、金融、粮贸、运输等合作受到干扰，损害全球经济复苏。
十二、推动战后重建。国际社会应采取措施支持冲突地区战后重建。中方愿为此提供协助并发挥建设性作用。（完）