တရုတ်-ပြင်သစ် မဟာဗျူဟာ တွေ့ဆုံဆွေးနွေးပွဲ ကျင်းပ

ဟန်ကျိုး၊ အောက်တိုဘာ ၁၆ ရက် (ဆင်ဟွာ)
တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရို အဖွဲ့ဝင်၊ ဗဟိုနိုင်ငံခြားရေးရာကော်မရှင်ရုံး အကြီးအကဲ ဝမ်ရိသည် အောက်တိုဘာ ၁၅ ရက်တွင် တရုတ်နိုင်ငံ ဟန်ကျိုးမြို့၌ ပြင်သစ်နိုင်ငံ သမ္မတ နိုင်ငံခြားရေး အကြံပေးပုဂ္ဂိုလ် Emmanuel Bonne နှင့် ၂၇ ကြိမ်‌မြောက် တရုတ်-ပြင်သစ် မဟာဗျူဟာ တွေ့ဆုံဆွေးနွေးပွဲ ကျင်းပခဲ့သည်။
ဆွေးနွေးပွဲတွင် ဝမ်ရိက လတ်တလောတစ်နှစ်အတွင်း တရုတ်-ပြင်သစ်ဆက်ဆံရေးသည် နှစ်နိုင်ငံအကြီးအကဲများ၏ ဦးဆောင်လမ်းပြမှုဖြင့် တိုးတက်မှုအသစ်များ ရရှိခဲ့ကြောင်း၊ အလွှာစုံ သွားလာဆက်ဆံမှုများ နီးကပ်လာပြီး လက်တွေ့ပူးပေါင်းဆောင်ရွက်မှုကိုလည်း လက်တွေ့ကျကျ တွန်းအားပေးဖော်ဆောင်လာခဲ့ရာ နိုင်ငံစုံ ညှိနှိုင်းပူးပေါင်းဆောင်ရွက်မှုသည်လည်း တစ်နေ့တခြား ရင်းနှီးလာကြောင်း၊ တရုတ်-ပြင်သစ်တို့သည် ကုလသမဂ္ဂ လုံခြုံရေးကောင်စီ၏ အမြဲတမ်းအဖွဲ့ဝင်နိုင်ငံနှင့် လွတ်လပ်၍ မိမိကိုယ်ပိုင်ရပ်တည်သော နိုင်ငံများဖြစ်သည့်နည်းတူ မဟာဗျူဟာအရ ပိုမိုတည်ငြိမ်မှုရှိသော၊ အမြော်အမြင်ရှိသော တရုတ်-ပြင်သစ်ဆက်ဆံရေး တည်ဆောက်ခြင်းသည် နှစ်နိုင်ငံပြည်သူများ၏ ရေရှည်အကျိုးစီးပွားနှင့် ကိုက်ညီသလို တရုတ်-ပြင်သစ် နှစ်နိုင်ငံက ထမ်းဆောင်သင့်သည့် နိုင်ငံတကာ တာဝန်လည်းဖြစ်ကြောင်း ပြောကြားခဲ့သည်။
ဝမ်ရိက တရုတ်နိုင်ငံအနေဖြင့် ပြင်သစ်နိုင်ငံနှင့်အတူ အဆင့်မြင့်အလွှာ သွားလာဆက်ဆံမှုကို မြှင့်တင်၍ မဟာဗျူဟာမြောက် အပြန်အလှန်ယုံကြည်မှုကို နက်ရှိုင်းစေပြီး ဘက်စုံထောင့်စုံ ပူးပေါင်းဆောင်ရွက်မှုကို တွန်းအားပေးသွားလိုကြောင်း၊ မကြာမီကျင်းပတော့မည့် တရုတ်ကွန်မြူနစ်ပါတီ (၂၀) ကြိမ်မြောက် ဗဟိုကော်မတီ စတုတ္ထအကြိမ် မျက်နှာစုံညီအစည်းအဝေးတွင် ၁၅ ကြိမ်မြောက် ၅ နှစ်စီမံကိန်း ရေးဆွဲမှုအတွက် လေ့လာသွားမည်ဖြစ်ရာ ယင်းသည် ပြင်သစ်နှင့် တရုတ်နိုင်ငံ ပူးပေါင်းဆောင်ရွက်မှုအတွက် ပိုမိုများပြားသော အခွင့်အလမ်းများ သယ်ဆောင်လာပေးမည်ဟု ယုံကြည်ကြောင်း ပြောကြားခဲ့သည်။
နှစ်ဖက်အနေဖြင့် ဆက်လက်၍ သမားရိုးကျကဏ္ဍ ပူးပေါင်းဆောင်ရွက်မှုကို နက်ရှိုင်းစွာ ဖော်ဆောင်ပြီး ထွန်းသစ်စကဏ္ဍ ပူးပေါင်းဆောင်ရွက်မှုအား တက်ကြွစွာ စူးစမ်းလေ့လာကာ ဒေသန္တရ ပူးပေါင်းဆောင်ရွက်မှု အလားအလာများအား အင်တိုက်အားတိုက် ဖော်ထုတ်ရမည်ဖြစ်ကြောင်း၊ တရုတ်နိုင်ငံအနေဖြင့် ပြင်သစ်နိုင်ငံနှင့်အတူ ကုလသမဂ္ဂမူဘောင်အောက်တွင် နိုင်ငံစုံညှိနှိုင်းမှုကို မြှင့်တင်သွားလိုကြောင်း ၎င်းက ပြောကြားခဲ့သည်။
Emmanuel Bonne က ပြင်သစ်နိုင်ငံအနေဖြင့် လွတ်လပ်၍ မိမိကိုယ်ပိုင်ရပ်တည်သော သံတမန်ဆက်ဆံရေး အစဉ်အလာကို ခိုင်မာစွာ လက်ကိုင်ထားပြီး တရုတ်တစ်နိုင်ငံတည်းမူဝါဒကို ခိုင်မြဲစွာ မမှိတ်မသုန်ကျင့်သုံးကြောင်း၊ တရုတ်နိုင်ငံနှင့်အတူ တန်းတူညီမျှ၍ အပြန်အလှန် အကျိုးဖြစ်ထွန်းသော စိတ်ဓာတ်ကို အရင်းခံကာ ကုန်သွယ်စီးပွားရေး၊ အရပ်ဘက်သုံး နျူကလီးယားစွမ်းအင်၊ သိပ္ပံနည်းပညာ၊ စွမ်းအင်သစ် စသည့်ကဏ္ဍ လက်တွေ့ပူးပေါင်းဆောင်ရွက်မှုမျာကို မြှင့်တင်သွားရန် မျှော်လင့်ကြောင်း၊ ပြင်သစ်နိုင်ငံအနေဖြင့် ကုန်သွယ်ရေးစစ်ပွဲဆင်နွှဲခြင်း၊ အုပ်စုဖွဲ့၍ အတိုက်အခံပြုလုပ်ခြင်းအား ကန့်ကွက်ကြောင်း ပြောကြားခဲ့သည်။
ဝမ်ရိက တရုတ်-ဥရောပဆက်ဆံရေး၏ အဓိကအခြေခံရေစီးကြောင်းသည် ပူးပေါင်းဆောင်ရွက်မှုဖြစ်သင့်ပြီး မှန်ကန်သောသတ်မှတ်ချက်မှာ မိတ်ဖက်ဖြစ်သင့်ကြောင်း၊ ပြင်သစ်နိုင်ငံအနေဖြင့် ဥရောပသမဂ္ဂက စစ်မှန်သော မဟာဗျူဟာ ကိုယ်ပိုင်ရပ်တည်မှုကို လက်ကိုင်ထားရန်၊ တရုတ်နိုင်ငံအပေါ် မှန်ကန်သော ရှုမြင်မှုကို တည်ဆောက်ရန် တွန်းအားပေးစေလိုကြောင်း ပြောကြားခဲ့သည်။
Emmanuel Bonne က ပြင်သစ်နိုင်ငံအနေဖြင့် ဥရောပနှင့်တရုတ် တွေ့ဆုံဆွေးနွေးမှုနှင့် ပူးပေါင်းဆောင်ရွက်မှု မြှင့်တင်ရန်အတွက် အပြုသဘောဆောင်သည့် အခန်းကဏ္ဍမှ ပါဝင်သွားလိုကြောင်း ပြောကြားခဲ့သည်။
နှစ်ဖက်က ယူကရိန်းအကျပ်အတည်း၊ အရှေ့အလယ်ပိုင်းအခြေအနေ၊ ကမ္ဘာလုံးဆိုင်ရာ စီမံခန့်ခွဲမှုစနစ် ပြုပြင်ပြောင်းလဲခြင်းနှင့် ကောင်းမွန်ပြည့်စုံအောင်ဆောင်ရွက်ခြင်း စသည့် အတူတကွဂရုပြုကြသည့် အရေးကိစ္စများနှင့် စပ်လျဉ်း၍ သဘောထားအမြင်ချင်းလည်း နက်ရှိုင်းစွာဖလှယ်ခဲ့ကြကြောင်း သိရသည်။ (Xinhua)

——————–
(Chinese Version)
中法举行战略对话
新华社杭州10月15日电　中共中央政治局委员、中央外办主任王毅15日在杭州同法国总统外事顾问博纳举行第二十七次中法战略对话。
王毅表示，近一年来，中法关系在两国元首引领下取得新进展，各层级往来密切，务实合作扎实推进，多边协作日益紧密。中法同为联合国安理会常任理事国和独立自主大国，打造更具战略稳定性和前瞻性的中法关系，符合两国人民长远利益，也是中法两国应尽的国际责任。
王毅表示，中方愿同法方加强高层交往，深化战略互信，推进全方位合作。即将召开的中国共产党二十届四中全会将研究“十五五”规划，相信这将给法国对华合作带来更多机遇。双方要继续深化传统领域合作，积极探索新兴领域合作，大力挖掘地方合作潜能。中方愿同法方加强在联合国框架下的多边协调。
博纳表示，法方坚持独立自主的外交传统，坚定不移奉行一个中国政策。期待同中方本着平等互惠精神加强经贸、民用核能、科技、新能源等领域务实合作。法方反对打贸易战，反对阵营对抗。
王毅表示，中欧关系的主基调应是合作，正确定位应是伙伴。希望法方推动欧盟坚持真正战略自主，树立正确对华认知。博纳表示，法方愿为欧中加强对话合作发挥积极作用。
双方还就乌克兰危机、中东局势、全球治理体系改革完善等共同关心的问题深入交换了意见。（完）
图说：10月15日，中共中央政治局委员、中央外办主任王毅在杭州同法国总统外事顾问博纳举行第二十七次中法战略对话。新华社记者 戴天放 摄