နယ်စပ်ဖြတ်ကျော် ဆက်သွယ်ရေးလိမ်ညာမှု အတူတကွတိုက်ဖျက်ရေးနှင့်စပ်လျဉ်း၍ တရုတ်နိုင်ငံခြားရေးဝန်ကြီးဌာန အာရှရေးရာဦးစီးဌာန တာဝန်ရှိပုဂ္ဂိုလ်က တရုတ်နိုင်ငံဆိုင်ရာ ထိုင်းနိုင်ငံသံအမတ်ကြီး၊ မြန်မာနိုင်ငံ သံအမတ်ကြီးတို့နှင့်ဆွေးနွေး

ပေကျင်း၊ ဇန်နဝါရီ ၂၃ ရက် (ဆင်ဟွာ)

တရုတ်နိုင်ငံခြားရေးဝန်ကြီးဌာန အာရှရေးရာဦးစီးဌာန ညွှန်ကြားရေးမှူးချုပ် လျိုကျင့်စုန်းသည် ဇန်နဝါရီ ၂၂ ရက်တွင် တရုတ်နိုင်ငံဆိုင်ရာ ထိုင်းနိုင်ငံသံအမတ်ကြီး Chatchai Viriyavejakul နှင့် တရုတ်နိုင်ငံဆိုင်ရာ မြန်မာနိုင်ငံသံအမတ်ကြီး ဦးတင်မောင်ဆွေတို့နှင့် သီးခြားစီတွေ့ဆုံခဲ့ပြီး နယ်စပ်ဖြတ်ကျော် ဆက်သွယ်ရေးလိမ်ညာမှု အတူတကွတိုက်ဖျက်ရေးနှင့်စပ်လျဉ်း၍ အလေးထား ဆွေးနွေးခဲ့ကြောင်း တရုတ်နိုင်ငံခြားရေးဝန်ကြီးဌာန ဝက်ဘ်ဆိုက်သတင်းဖော်ပြချက်အရ သိရသည်။
လျိုကျင့်စုန်းက လတ်တလောကာလအတွင်း ထိုင်း-မြန်မာ နယ်စပ်တစ်လျှောက်တွင် ဆိုးရွားသော ဆက်သွယ်ရေးလိမ်ညာမှုများ ဆက်တိုက်ဖြစ်ပွားခဲ့ရာ တရုတ်နိုင်ငံ စသည့် နိုင်ငံအသီးသီးမှပြည်သူများ၏ ကိုယ်ကျိုးစီးပွားကို ခြိမ်းခြောက်ထိခိုက်လာကြောင်း ပြောကြားခဲ့သည်။ ထိုကဲ့သို့ ပြစ်မှုကျူးလွန်မှုတွင် “ရာဇဝတ်ဂိုဏ်း + အဆင့်မြင့်သိပ္ပံနည်းပညာ + လုပ်ငန်းအသွင် + နယ်စပ်ဖြတ်ကျော်ခြင်း” ဟူသည့် ထူးခြားချက်များရှိကြောင်း၊ ပြစ်မှုကျူးလွန်သူများ ဥပဒေပြင်ပရောက်ရှိခွင့် လုံးဝဥဿုံ မရှိစေရန်　 ထိုင်းနိုင်ငံနှင့် မြန်မာနိုင်ငံဘက်မှ များစွာအလေးထားပြီး အားကောင်းသော တိုက်ဖျက်ရေးအစီအမံများ လုပ်ဆောင်ကာ အများပြည်သူ၏ အသက်အိုးအိမ် စည်းစိမ်ဥစ္စာ ဘေးကင်းလုံခြုံမှုအား ကာကွယ်စောင့်ရှောက်ရေးကို တာဝန်ယူလုပ်ဆောင်သွားရန် မျှော်လင့်ပါကြောင်း၊ တရုတ်နိုင်ငံကလည်း အာဆီယံနိုင်ငံများနှင့်အတူ နှစ်ဦးနှစ်ဖက်နှင့် နိုင်ငံစုံ တရားဥပဒေစိုးမိုးရေး ပူးပေါင်းဆောင်ရွက်မှုများကို မြှင့်တင်ဖော်ဆောင်ပြီး နိုင်ငံအသီးသီးမှပြည်သူများ စိတ်အေးချမ်းသာစွာ သွားလာရေးအတွက် လုံခြုံသောပတ်ဝန်းကျင် ဖန်တီးပေးကာ အနီးတစ်ဝိုက်နိုင်ငံများ ပုံမှန်ခရီးသွားလာရေးနှင့် ယဉ်ကျေးမှုလှုပ်ရှားမှုများ လုပ်ဆောင်ခြင်းတို့ အပါအဝင် သွားလာဆက်ဆံရေးနှင့် ပူးပေါင်းဆောင်ရွက်မှုအတွက် ကောင်းမွန်သောစည်းစနစ်ကို ထိန်းသိမ်းသွားရန် ဆန္ဒရှိကြောင်း ပြောကြားခဲ့သည်။
တရုတ်နိုင်ငံဆိုင်ရာ ထိုင်းနိုင်ငံ သံအမတ်ကြီးနှင့် မြန်မာနိုင်ငံ သံအမတ်ကြီးတို့ကလည်း တရုတ်နိုင်ငံ၏ ဂရုပြုမှုကို များစွာအလေးထားကြောင်း၊ သက်ဆိုင်ရာ ဆိုးရွားသောအမှုများအပေါ် လွန်စွာ စိတ်မကောင်းဖြစ်ရကြောင်း၊ ဆက်သွယ်ရေးလိမ်ညာမှုသည် အန္တရာယ်လွန်စွာဆိုးရွားသည်ဟု ယူဆကြောင်း၊ မိမိတို့နိုင်ငံအစိုးရ၏မူဝါဒမှာ ပြတ်သားစွာတိုက်ဖျက်ခြင်း၊ လက်ရှိဖြစ်ပွားနေမှုနှင့် အရင်းအမြစ်ကိုပါ တိုက်ဖျက်ခြင်း၊ နိုင်ငံတကာပူးပေါင်းဆောင်ရွက်ခြင်းတို့ဖြစ်ကြောင်း၊ ပိတ်မိနေသူများကို အစွမ်းကုန်ကယ်ဆယ်ကာ ပြစ်မှုကျူးလွန်သူ ရာဇဝတ်ဂိုဏ်းများကို တရားဥပဒေနှင့် ပြင်းထန်စွာပြစ်ဒဏ်ချမှတ်သွားမည်ဖြစ်ကြောင်း၊ နယ်စပ်စီမံထိန်းချုပ်မှုနှင့် အဓိကဒေသအား စောင့်ကြည့်မှုများကို တိုးမြှင့်ကာ ရေရှည်ထိရောက်သော ယန္တရားထူထောင်ပြီး နယ်စပ်ဖြတ်ကျော် ပြစ်မှုကျူးလွန်မှုတို့ပေါက်ဖွားရာနေရာကို အမြစ်ပြတ် တိုက်ဖျက်သွားမည်ဟု ပြောကြားခဲ့ကြောင်း သိရသည်။ (Xinhua)

————————
(Chinese Version)
外交部亚洲司负责人就共同打击跨境电诈犯罪做泰国、缅甸驻华大使工作
新华社北京1月23日电 据外交部网站消息，1月22日，外交部亚洲司司长刘劲松分别约见泰国驻华大使韩灿才、缅甸驻华大使丁貌瑞，就共同打击跨境电诈犯罪表达关切并做工作。
刘劲松表示，近期在泰缅边境一带接连发生电诈恶性案件，威胁并伤害中国等各国公民切身利益。这类犯罪具有“黑社会+高科技+产业化+跨国境”的特点，希望泰、缅方高度重视、负起责任，采取强有力措施坚决打击，维护民众生命财产安全，绝不允许犯罪分子逍遥法外。中方愿同东盟国家加强双多边执法合作，为各国人民安心往来营造安全环境，维护周边国家交往合作包括正常旅游与文化活动的良好秩序。
泰、缅驻华大使表示高度重视中方关切，对相关恶性案件深感痛心，认为电诈危害严重，本国政府的政策是坚决打击、标本兼治、国际合作。将全力解救被困人员，依法严惩犯罪集团，加强边境管控及重点区域监管，建立长效机制，铲除跨境犯罪滋生土壤。（完）