အမေရိကန်က အလားတူစည်းကြပ်ခွန်ကြေညာမှုအပေါ် တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက မိမိလုပ်ပိုင်ခွင့်နှင့် အကျိုးစီးပွားအား ကာကွယ်ထိန်းသိမ်းရန် တန်ပြန်အစီအမံများ ခိုင်မာစွာ လုပ်ဆောင်မည်ဟု တုံ့ပြန်

ပေကျင်း၊ ဧပြီ ၃ ရက် (ဆင်ဟွာ)
အမေရိကန် အရှေ့ပိုင်း ဒေသစံတော်ချိန် ဧပြီ ၂ ရက်တွင် အမေရိကန်နိုင်ငံက ကုန်သွယ်ရေးမိတ်ဖက် အားလုံးအပေါ် “အလားတူစည်းကြပ်ခွန်” ကောက်ခံသွားမည်ဟု ကြေညာခဲ့သည်ကို တရုတ်နိုင်ငံအနေဖြင့် သတိပြုမိကြောင်း၊ ယင်းအပေါ် တရုတ်နိုင်ငံဘက်က ပြတ်သားစွာ ကန့်ကွက်ကြောင်း၊ ထို့ပြင် မိမိလုပ်ပိုင်ခွင့်နှင့် အကျိုးစီးပွားအား ကာကွယ်ထိန်းသိမ်းရန် တန်ပြန်အစီအမံများ ခိုင်မာစွာ လုပ်ဆောင်သွားမည်ဖြစ်ကြောင်း တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြောခွင့်ရပုဂ္ဂိုလ်က ဧပြီ ၃ ရက်တွင် ပြောကြားခဲ့သည်။

အမေရိကန်အနေဖြင့် မိမိသည် နိုင်ငံတကာကုန်သွယ်ရေးတွင် နစ်နာသွားသည်ဟုဆို၍ “အလားတူဖြစ်ရန်” ဟူသော အကြောင်းပြချက်ဖြင့် ကုန်သွယ်ရေးမိတ်ဖက်အားလုံးအပေါ် စည်းကြပ်ခွန်များ တိုးမြှင့်ကောက်ခံကြောင်း၊ ထိုကဲ့သို့လုပ်ရပ်သည် နှစ်ပေါင်းများစွာ ရှိလာသည့် နိုင်ငံစုံကုန်သွယ်ရေး ဆွေးနွေးညှိနှိုင်းမှုမှ ရရှိထားသော အကျိုးအမြတ်ချိန်ခွင်လျှာကို လျစ်လျူရှုရာကျသလို အမေရိကန်က နှစ်ပေါင်းများစွာ နိုင်ငံတကာကုန်သွယ်ရေးမှ အကျိုးအမြတ် အများအပြားရရှိထားသည့် ဖြစ်ရပ်မှန်ကို လျစ်လျူရှုရာလည်းကျကြောင်း ပြောခွင့်ရပုဂ္ဂိုလ်က ပြောကြားခဲ့သည်။

အမေရိကန်နိုင်ငံအနေဖြင့် မိမိ၏အမြင်၊ တစ်ဖက်သတ်အားဖြင့် အကဲဖြတ်သည့် အခြေခံပေါ်တွင် “အလားတူစည်းကြပ်ခွန်” ဟူသည်ကို အဖြေထွက်ခဲ့ကြောင်း၊ ယင်းသည် နိုင်ငံတကာကုန်သွယ်ရေး စည်းမျဉ်းစည်းကမ်းနှင့် မကိုက်ညီသည့်အပြင် သက်ဆိုင်ရာဘက်များ၏ တရားဝင် လုပ်ပိုင်ခွင့်နှင့် အကျိုးစီးပွားများအား ပြင်းထန်စွာ ထိခိုက်လျက်ရှိကာ စံတင်လောက်သည့် တစ်ဖက်သတ် ဗိုလ်ကျမှုလုပ်ရပ်ဖြစ်ကြောင်း၊ ၎င်းအပေါ် ကုန်သွယ်ရေးမိတ်ဖက်အများအပြားက ပြင်းပြင်းထန်ထန် မကျေနပ်မှုနှင့် အတိအလင်း ကန့်ကွက်မှုများ လုပ်ဆောင်ပြီးဖြစ်ကြောင်း ၎င်းက ပြောကြားခဲ့သည်။

စည်းကြပ်ခွန်တိုးမြှင့်ခြင်းသည် အမေရိကန်၏ ကိုယ်ပိုင်ပြဿနာအား မဖြေရှင်းနိုင်သည်ကို သမိုင်းက သက်သေထူနေကြောင်း၊ ယင်းသည် အမေရိကန်၏ ကိုယ်တိုင်အကျိုးစီးပွားကို ထိခိုက်စေရုံသာမက ကမ္ဘာလုံးဆိုင်ရာစီးပွားရေး ဖွံ့ဖြိုးတိုးတက်မှုနှင့် ကုန်ထုတ်လုပ်မှု ထောက်ပံ့ရေးကွင်းဆက် တည်ငြိမ်မှုကိုလည်း အန္တရာယ်ဖြစ်စေကြောင်း ပြောခွင့်ရပုဂ္ဂိုလ်က ဆိုခဲ့သည်။
ကုန်သွယ်ရေးစစ်ပွဲတွင် အနိုင်ရရှိသူဟူ၍မရှိသလို ကိုယ်ကျိုးစီးပွား ကာကွယ်ရေးဝါဒသည် ထွက်လမ်းမရှိကြောင်း၊ အမေရိကန်က တစ်ဖက်သတ်စည်းကြပ်ခွန် အစီအမံအား ချက်ချင်းပယ်ဖျက်ပြီး ကုန်သွယ်ရေးမိတ်ဖက်များနှင့် တန်းတူညီမျှဆွေးနွေးမှုဖြင့် ကွဲလွဲမှုများအား ကောင်းမွန်စွာ ဖြေရှင်းရန် တရုတ်နိုင်ငံအနေဖြင့် တိုက်တွန်းကြောင်း ပြောကြားခဲ့သည်။ (Xinhua)

————————-
(Chinese Version)
商务部回应美宣布对等关税：将坚决采取反制措施维护自身权益
新华社北京4月3日电 商务部新闻发言人3日表示，中方注意到，美东时间4月2日，美方宣布对所有贸易伙伴征收“对等关税”。中方对此坚决反对，并将坚决采取反制措施维护自身权益。
发言人说，美方声称自己在国际贸易中吃了亏，以所谓“对等”为由提高对所有贸易伙伴的关税，这种做法罔顾多年来多边贸易谈判达成的利益平衡结果，也无视美方长期从国际贸易中大量获利的事实。美方在主观、单方面评估基础上，得出所谓“对等关税”，不符合国际贸易规则，严重损害相关方的正当合法权益，是典型的单边霸凌做法。对此，很多贸易伙伴已经表达强烈不满和明确反对。
发言人表示，历史证明，提高关税解决不了美国自身问题，既损害美国自身利益，也危及全球经济发展和产供链稳定。贸易战没有赢家，保护主义没有出路。中方敦促美方立即取消单边关税措施，与贸易伙伴通过平等对话妥善解决分歧。（完）