တရုတ်နိုင်ငံ သမ္မတ ရှီကျင့်ဖိန်က ကမ္ဘာ့ လူ့အခွင့်အရေး စီမံခန့်ခွဲမှုဆိုင်ရာ အဆင်မြင့်ဖိုရမ်သို့ ဂုဏ်ပြု သဝဏ်လွှာပေးပို့

ပေကျင်း၊ ဇွန် ၁၅ ရက် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်က ကမ္ဘာ့ လူ့အခွင့်အရေး စီမံခန့်ခွဲမှုဆိုင်ရာ အဆင့်မြင့် ဖိုရမ်သို့ ဇွန် ၁၄ ရက်က ဂုဏ်ပြု သဝဏ်လွှာ ပေးပို့ခဲ့သည်။
လက်ရှိ လူသားတို့သည် သမိုင်း၏ လမ်းဆုံသို့ တစ်ဖန် ပြန်လည် ရောက်ရှိနေရာ ကမ္ဘာ့ လူ့အခွင့်အရေး စီမံခန့်ခွဲမှုသည် ဆိုးဝါးသော စိန်ခေါ်မှုများနှင့် ရင်ဆိုင်နေရကြောင်း သဝဏ်လွှာတွင် သမ္မတရှီကျင့်ဖိန်က ပြောကြားခဲ့သည်။

မိမိတို့၏ရပ်တည်ချက်မှာ လုံခြုံမှုဖြင့် လူ့အခွင့်အရေးကို ကာကွယ်ရန်ဖြစ်ရာ နိုင်ငံတိုင်း၏ အချုပ်အခြာအာဏာ နှင့် နယ်မြေပိုင်နက်ပြည့်စုံမှုကို လေးစားခြင်း၊ ငြိမ်းချမ်းစွာ ဖွံ့ဖြိုးတိုးတက်ရေးကို အတူလျှောက်လှမ်းခြင်း၊ ကမ္ဘာလုံးဆိုင်ရာ လုံခြုံရေး အဆိုပြုချက်(GSI)ကို အကောင်အထည်ဖော်ဆောင်ခြင်းဖြင့် လူအခွင့်အရေးကို ဖော်ဆောင်ရန်အတွက် အေးချမ်းသောပတ်ဝန်းကျင်ကို ဖန်တီးရမည် ဖြစ်ကြောင်း သမ္မတရှီကျင့်ဖိန်၏ သဝဏ်လွှာတွင် ဖော်ပြထားသည်။

ဖွံ့ဖြိုးတိုးတက်မှုဖြင့် လူအခွင့်အရေးကို မြှင့်တင်ရမည် ဖြစ်ရာ ကမ္ဘာလုံးဆိုင်ရာ ဖွံ့ဖြိုးတိုးတက်ရေး အဆိုပြုချက်(GDI)ကို အကောင်အထည်ဖော်ဆောင်၍ ဖွံ့ဖြိုးတိုးတက်ရေးတွင် အားလုံးပါဝင်မှု၊ အများအကျိုး ဖြစ်ထွန်းစေမှု၊ စဉ်ဆက်မပြတ်ရှိမှုများကို မြှင့်တင်ဆောင်ရွက်ရမည်ဖြစ်ကြောင်း၊ မိမိတို့နှင့်လျော်ညီမှုရှိသော ခေတ်မီအသွင်ပြောင်းမှုများဖြင့် နိုင်ငံတိုင်းရှိ ပြည်သူများ လူ့အခွင့်အရေးကို တရားမျှတစွာ ခံစားနိုင်စေရန် အာမခံထား ဆောင်ရွက်ရမည် ဖြစ်ကြောင်း၊ ပူးပေါင်းဆောင်ရွက်မှုဖြင့် လူ့အခွင့်အရေးကို တွန်းအားပေး ဆောင်ရွက်ရမည် ဖြစ်ရာ အပြန်အလှန်လေးစားမှု၊ တန်းတူညီမျှရှိမှုဖြင့် ကမ္ဘာလုံးဆိုင်ရာ ယဉ်ကျေးမှုအဆိုပြုချက်(GCI)ကို အကောင်အထည်ဖော် ဆောင်ရွက်ရမည် ဖြစ်ကြောင်း၊ ယဉ်ကျေးမှု အပြန်အလှန် သင်ယူလေ့လာဖလှယ်မှု၊ တွေ့ဆုံဆွေးနွေးမှုများမှတစ်ဆင့် သဘောတူညီချက်များကို စုစည်းကာ လူအခွင့်အရေးယဉ်ကျေးမှုဖွံ့ဖြိုးတိုးတက်လာအောင် အတူတကွ တွန်းအားပေး ဆောင်ရွက်ရမည် ဖြစ်ကြောင်း သမ္မတ ရှီကျင့်ဖိန်က ပြောကြားခဲ့သည်။

သမ္မတ ရှီကျင့်ဖိန်က တရုတ်နိုင်ငံသည် ပြည်သူကို ဦးထိပ်ထား၍ ခေတ်ရေစီးကြောင်းနှင့်လျော်ညီသော၊ မိမိနိုင်ငံ၏ အခြေအနေနှင့် ကိုက်ညီသော လူ့အခွင့်အရေး ဖွံ့ဖြိုးတိုးတက်မှုလမ်းကို ခိုင်မာစွာ လျှောက်လှမ်းလျက်ရှိကြောင်း၊ တရုတ်ပုံစံ ခေတ်မီအသွင်ပြောင်းမှုကို တွန်းအားပေးဆောင်ရွက်လျက်ရှိရာ လူ့အခွင့်အရေး အာမခံမှုအဆင့်၊ ပြည်သူများ၏လွတ်လပ်စွာ ဘက်စုံဖွံ့ဖြိုးတိုးတက်မှုကို စဉ်ဆက်မပြတ် မြှင့်တင်လျက်ရှိကြောင်း အလေးထား ဖော်ပြခဲ့သည်။

တရုတ်နိုင်ငံသည် နိုင်ငံတကာအသိုက်အဝန်းနှင့်အတူ《ဗီယင်နာကြေညာချက်နှင့် လုပ်ဆောင်ချက် အစီအစဉ်》စိတ်ဓာတ်ကို ဖော်ဆောင်ပြီး ကမ္ဘာ့ လူ့အခွင့်အရေး စီမံခန့်ခွဲမှု ပို၍ တရားမျှတမှု၊ သင့်လျော်မှု၊ အားလုံးပါဝင်မှုရှိသောဦးတည်ရာသို့ ဖွံ့ဖြိုးတိုးတက်အောင် ဆောင်ရွက်သွားလိုကြောင်း၊ လူသားမျိုးနွယ်တို့၏ အေးအတူ ပူအမျှ အသိုက်အဝန်းတည်ဆောက်မှုကို တွန်းအားပေး၍ ပို၍သာယာလှပသော ကမ္ဘာကို အတူလက်တွဲ တည်ဆောက်သွားလိုကြောင်း ပြောကြားခဲ့သည်။

ကမ္ဘာ့ လူ့အခွင့်အရေး စီမံခန့်ခွဲမှုဆိုင်ရာ အဆင့်မြင့်ဖိုရမ်ကို တရုတ်နိုင်ငံ၏ နိုင်ငံတော်ကောင်စီ၊ နိုင်ငံခြားရေးဝန်ကြီးဌာန၊တရုတ်နိုင်ငံတကာ ဖွံ့ဖြိုးတိုးတက်ရေးနှင့် ပူးပေါင်းဆောင်ရွက်ရေး အေဂျင်စီ (CIDCA)တို့အတူ “တန်းတူညီမျှရှိမှု၊ ပူးပေါင်းဆောင်ရွက်မှု၊ ဖွံ့ဖြိုးတိုးတက်မှု- 《ဗီယင်နာကြေညာချက်နှင့် လုပ်ဆောင်ချက် အစီအစဉ်》နှစ် ၃၀ ပြည့်နှင့် ကမ္ဘာ့ လူ့အခွင့်အရေးဆိုင်ရာ စီမံခန့်ခွဲမှု ”ဟူသော ခေါင်းစဉ်ဖြင့် ပေကျင်းမြို့တွင် ဇွန် ၁၄ ရက်က ဖွင့်ပွဲအခမ်းအနား ကျင်းပခဲ့ခြင်း ဖြစ်ကြောင်း သိရသည်။ (Xinhua)
……………………………………
(Chinese Version)
习近平向全球人权治理高端论坛致贺信
新华社北京6月14日电6月14日，国家主席习近平向全球人权治理高端论坛致贺信。
习近平指出，当前，人类又一次站在历史的十字路口，全球人权治理面临严峻挑战。我们主张以安全守护人权，尊重各国主权和领土完整，同走和平发展道路，践行全球安全倡议，为实现人权创造安宁的环境；以发展促进人权，践行全球发展倡议，提高发展的包容性、普惠性和可持续性，以各具特色的现代化之路保障各国人民公平享有人权；以合作推进人权，相互尊重，平等相待，践行全球文明倡议，加强文明交流互鉴，通过对话凝聚共识，共同推动人权文明发展进步。
习近平强调，中国坚持人民至上，坚持走顺应时代潮流、适合本国国情的人权发展道路，在推进中国式现代化的进程中不断提升人权保障水平，促进人的自由全面发展。中国愿同国际社会一道，践行《维也纳宣言和行动纲领》精神，推动全球人权治理朝着更加公平公正合理包容的方向发展，推动构建人类命运共同体，共建更加美好的世界。
全球人权治理高端论坛由国务院新闻办公室、外交部和国家国际发展合作署共同主办，主题为“平等、合作、发展：《维也纳宣言和行动纲领》通过30周年与全球人权治理”，14日在北京开幕。（完）