ကျူးဘားအပေါ် အမေရိကန်၏ ပိတ်ဆို့အရေးယူမှုအား ကုလသမဂ္ဂ၌ တစ်ခဲနက် ကန့်ကွက်မဲပေး

ကုလသမဂ္ဂ၊ အောက်တိုဘာ ၃၁ ရက် (ဆင်ဟွာ)
ကျူးဘားနိုင်ငံအပေါ် စီးပွားရေးနှင့် ကုန်သွယ်ရေးအရ ကာလကြာမြင့်စွာ ပိတ်ဆို့အရေးယူခြင်းကို အဆုံးသတ်ရန် အမေရိကန်နိုင်ငံအား တိုက်တွန်းထားသော နှစ်စဉ် ဆုံးဖြတ်ချက်အဆိုကို ကုလသမဂ္ဂ အထွေထွေညီလာခံက အောက်တိုဘာ ၃၀ ရက်၌ တစ်ခဲနက် အတည်ပြုခဲ့သည်။
ယင်းဆုံးဖြတ်ချက်အဆိုအား နိုင်ငံပေါင်း ၁၈၇ နိုင်ငံက ထောက်ခံခဲ့ကာ အမေရိကန်နှင့် အစ္စရေးတို့သာ ကန့်ကွက်မဲပေးခဲ့ပြီး မော်လ်ဒိုဗာနိုင်ငံက မဲမပေးခဲ့ပေ။
ကုလသမဂ္ဂ အထွေထွေညီလာခံက အချုပ်အခြာအာဏာပိုင် နိုင်ငံများ၏ တန်းတူရည်တူရှိရေး၊ အခြားနိုင်ငံများ၏ ပြည်တွင်းရေးအား ကြားဝင်နှောင့်ယှက်ခြင်းနှင့် စွက်ဖက်ခြင်းမပြုရေး မူဝါဒများကို ထပ်လောင်းအတည်ပြုခဲ့သည်။ နိုင်ငံအားလုံးအနေဖြင့် ကုလသမဂ္ဂ ပဋိညာဉ်နှင့် နိုင်ငံတကာဥပဒေများကို လိုက်နာကာ ကန့်သတ်ပိတ်ပင်ရေး ဥပဒေများ၊ အစီအမံများအား ပြဋ္ဌာန်းခြင်း သို့မဟုတ် ကျင့်သုံးခြင်းအား ရှောင်ကြဉ်ကြရန်လည်း အထွေထွေညီလာခံက ထပ်လောင်းတိုက်တွန်းခဲ့သည်။
ယင်းအား မဖြစ်မနေလိုက်နာရန် မလိုသော်လည်း အဆိုပါ မဲခွဲမှုရလဒ်သည် ကျူးဘားခေါင်းဆောင်ဟောင်း ဖီဒယ်ကက်စထရို ဦးဆောင်သော တော်လှန်ရေး ပေါ်ပေါက်ပြီးနောက် ၁၉၆၀ ပြည့်နှစ်တွင် စတင်ချမှတ်ခဲ့သော ကာလရှည် ပိတ်ဆို့အရေးယူရေး မူဝါဒနှင့်ပတ်သက်၍ အမေရိကန်၏ အထီးကျန်လာမှုကို ထင်ဟပ်စေခဲ့သည်။
“အဲဒီပိတ်ဆို့မှုက ဘယ်အချိန်ထိ ဆက်ရှိနေဦးမှာပါလဲ” ဟု ကျူးဘား နိုင်ငံခြားရေးဝန်ကြီး ဘရူနို ရော့ဒရီဂက်ဇ် ပါရီလာက အထွေထွေညီလာခံ၌ မေးခွန်းထုတ်ခဲ့သလို ကျူးဘားနိုင်ငံအပေါ် ပိတ်ဆို့အရေးယူမှုကိုလည်း “ကုန်သွယ်ရေးစစ်ပွဲ” နှင့် “လူမျိုးတုံးသတ်ဖြတ်မှု‌မြောက်သော ရာဇဝတ်မှု” အဖြစ် ပြစ်တင်ရှုတ်ချခဲ့သည်။
အမေရိကန်နိုင်ငံက ကျူးဘားနိုင်ငံရှိ ဓာတ်အားပေးစက်ရုံများနှင့် ဓာတ်အားလိုင်းကွန်ရက်စနစ်များ ဆက်လက်လည်ပတ်နိုင်ရန်အတွက် လိုအပ်နေသော လောင်စာဆီနှင့် အပိုပစ္စည်းများ ပေးသွင်းခြင်းအား ဟန့်တားရန် ရည်ရွယ်သည့် ပိုမိုပြင်းထန်သော စီးပွားရေးဆိုင်ရာ အစီအမံများကို ၂၀၁၉ ခုနှစ်တွင် စတင်ချမှတ်ခဲ့သည်။ “အဲဒီမူဝါဒဟာ ကျူးဘားပြည်သူတွေကို ကူညီဖို့နဲ့ အထောက်အကူပေးဖို့ဖြစ်တယ်လို့ သမ္မတဂျိုးဘိုင်ဒန် အစိုးရက ပြောကြားလေ့ရှိပါတယ်။ အဲဒီစကားကို ဘယ်သူက ယုံကြည်ပါ့မလဲ” ဟုလည်း ရော့ဒရီဂက်ဇ်က မေးခွန်းထုတ်ခဲ့သည်။
ထိုကဲ့သို့ ပိတ်ဆို့ခြင်းက ကျူးဘားပြည်သူများ၏ လူ့အခွင့်အရေးအား စနစ်တကျဖြင့် အကြီးအကျယ် ပြောင်ပြောင်တင်းတင်း ချိုးဖောက်မှုဖြစ်ကာ မည်သည့်နိုင်ငံကိုမဆို ချမှတ်ဖူးသည့် တစ်ဖက်သတ် နိုင်ထက်စီးနင်းပြုမူသော အစီအမံများအနက် လွှမ်းခြုံမှုအရှိဆုံး၊ အကျယ်ပြန့်ဆုံး၊ သက်တမ်းအကြာဆုံး စနစ်ဖြစ်သည်ဟုလည်း ၎င်းက ပြောကြားခဲ့သည်။
ကုလသမဂ္ဂ အထွေထွေညီလာခံသည် ကျူးဘားအပေါ် အမေရိကန်၏ တစ်ဖက်သတ် ကန့်သတ်ပိတ်ဆို့မှုများ အဆုံးသတ်ရေးအတွက် တောင်းဆိုသည့် ဆုံးဖြတ်ချက်အဆိုအား ၁၉၉၂ ခုနှစ်မှစ၍ နှစ်စဉ်အတည်ပြုလေ့ရှိကာ ယင်းဆုံးဖြတ်ချက်အဆိုအတွက် ကုလသမဂ္ဂ အဖွဲ့ဝင်နိုင်ငံအများစု၏ ထောက်ခံမှုကို ရရှိခဲ့ကြောင်း သိရသည်။ (Xinhua)
……………………………
(English Version)
UN votes overwhelmingly against U.S. embargo on Cuba
UNITED NATIONS, Oct. 30 (Xinhua) — The UN General Assembly on Wednesday adopted overwhelmingly an annual resolution urging the United States to end its long-standing economic and trade embargo against Cuba.
The resolution garnered support from 187 states, with only the United States and Israel casting against it and Moldova abstaining.
The General Assembly reaffirmed the principles of the sovereign equality of states, non-intervention and non-interference in their internal affairs. It reiterated its call for all states to refrain from promulgating or applying restrictive laws and measures in line with their obligations under the UN Charter and international law.
Though non-binding, the result reflects the United States’ isolation regarding its long-standing embargo policy, first imposed in 1960 following the revolution led by former leader Fidel Castro.
“How long will this go on?” Cuba’s Foreign Minister Bruno Rodriguez Parrilla asked the assembly, condemning the blockade against his country as “commercial warfare” and “a crime of genocide.”
Since 2019, the United States has adopted harsher economic measures designed to prevent the supply of fuel and spare parts needed to maintain Cuba’s power plants and electric grid. “President Joe Biden’s administration tends to claim that its policy is to help and support the Cuban people,” Rodriguez said, asking “who would believe such an assertion?”
He said the blockade is “a flagrant, massive and systematic violation of the human rights of our people” and “the most encompassing, comprehensive and longest-standing system of unilateral coercive measures ever applied against any country.”
Since 1992, the UN General Assembly has annually adopted a resolution demanding an end to unilateral U.S. restrictions on Cuba, with the document having the support of a majority of UN member states. Enditem
English Caption
Cuban Foreign Minister Bruno Rodriguez Parrilla speaks before a vote against the United States economic and trade embargo against Cuba at the UN headquarters in New York, on Nov. 2, 2023.