တရုတ်နိုင်ငံ၏ ခေတ်မီအသွင်ပြောင်းမှုက စီးပွားရေးတိုးတက်မှုကို ဖော်ဆောင်ရာတွင် ပါကစ္စတန်အတွက် စံနမူနာဖြစ်ကြောင်း ပါကစ္စတန် ဝန်ကြီးချုပ် ပြောကြား

အစ္စလာမ်မာဘတ်၊ အောက်တိုဘာ ၇ ရက် (ဆင်ဟွာ)

တရုတ်နိုင်ငံ၏ တစ်မူထူးခြားသော ခေတ်မီအသွင်ပြောင်းမှုက စီးပွားရေး ဖွံ့ဖြိုးတိုးတက်မှုကို ဖော်ဆောင်ရာတွင် ပါကစ္စတန်နိုင်ငံအတွက် စံနမူနာတစ်ခုအဖြစ် အကျိုးပြုလျက်ရှိကြောင်း ပါကစ္စတန် ဝန်ကြီးချုပ် ရှာဘတ်ဇ် ရှရစ်ဖ်က ပြောကြားခဲ့ကာ တရုတ်ပြည်သူ့သမ္မတနိုင်ငံ တည်ထောင်ခြင်း ၇၅ နှစ်မြောက် အထိမ်းအမှတ်အတွက်လည်း ဝမ်းမြောက်ကြောင်း ပြောကြားခဲ့သည်။
တရုတ်နိုင်ငံအနေဖြင့် အံ့မခန်းလောက်သည့် အောင်မြင်မှုများကို ရရှိခဲ့ကြောင်း၊ ပါကစ္စတန်အနေဖြင့်လည်း ပါကစ္စတန် အပါအဝင် ကမ္ဘာ့နိုင်ငံများအတွက် အခွင့်အလမ်းသစ်များကို ဖန်တီးပေးလျက်ရှိသော တရုတ်နိုင်ငံ၏ ဖွံ့ဖြိုးတိုးတက်မှုလမ်းကြောင်းအား အတုယူလျက် စီးပွားရေးကို ပြန်လည်အားသစ်လောင်းရန် ဆန္ဒရှိပါကြောင်း တရုတ်မီဒီယာများနှင့် အင်တာဗျူးတစ်ခု၌ ရှရစ်ဖ်က ပြောကြားခဲ့သည်။

“တရုတ်နိုင်ငံရဲ့ ဖွံ့ဖြိုးတိုးတက်မှုပုံစံက ကျွန်တော်တို့အားလုံးအတွက် စံနမူနာတစ်ခုပါပဲ။ ကျွန်တော့်အနေနဲ့ အဲဒီပုံစံကို အပြည့်အဝထောက်ခံအားပေးပါတယ်။ ပါကစ္စတန်မှာလည်း ကျွန်တော်တို့ အဲဒီပုံစံကို အတုယူနိုင်ဖို့ အကောင်းဆုံးကြိုးစားနေပါတယ်” ဟု ပါကစ္စတန် ဝန်ကြီးချုပ် ရှာဘတ်ဇ်ရှရစ်ဖ်က ဆိုသည်။
ပါကစ္စတန်-တရုတ် ချစ်ကြည်ရင်းနှီးမှုကို ကာလကြာမြင့်စွာ မှတ်ကျောက်တင်ထားပြီးဖြစ်ကြောင်း ရှရစ်ဖ်က ချီးကျူးပြောဆိုခဲ့ပြီး အပြန်အလှန်ယုံကြည်မှုနှင့် လေးစားမှုအပေါ် အခြေခံသည့် ချစ်ကြည်ရင်းနှီးမှုက ကမ္ဘာပေါ်တွင် စံပြုထိုက်ကြောင်း ၎င်းက ပြောကြားခဲ့သည်။
နှစ်နိုင်ငံအနေဖြင့် အမြဲတစေ အပြန်အလှန်ဖေးမကူညီခဲ့ကာ ဒေသတွင်းနှင့် ကမ္ဘာကြီး၏ ငြိမ်းချမ်းမှု၊ တည်ငြိမ်မှုတို့ကို အထောက်အကူပြုမည့် ခွန်အားများ အတူတကွပေါင်းစည်းရန် နိုင်ငံတကာဇာတ်ခုံ၌ နီးနီးကပ်ကပ် ကြိုးပမ်းအားထုတ်ခဲ့ကြောင်းလည်း ၎င်းက ဆိုသည်။
“တရုတ်နဲ့ ပါကစ္စတန်တို့ဟာ မိတ်ဆွေကောင်းတွေပါ။ ကျွန်တော်တို့ရဲ့ ချစ်ကြည်ရင်းနှီးမှုက အချိန်ကာလရဲ့ စမ်းသပ်မှုတွေနဲ့ ကြုံတွေ့ခဲ့ရပြီး အေးအတူပူအမျှ ကြံ့ကြံ့ခံရင်ဆိုင်ခဲ့ပါတယ်။ တရုတ်နဲ့ ပါကစ္စတန်တို့ဟာ အရေးပါတဲ့ နိုင်ငံတကာကိစ္စရပ်အားလုံးမှာ အစဉ်တစိုက် ပူးပေါင်းဆောင်ရွက်ခဲ့ပြီး ဒေသတွင်းမှာတင်မကဘဲ တစ်ကမ္ဘာလုံးကိုပါ စိတ်ချမ်းမြေ့စရာတွေနဲ့ တိုးတက်မှုတွေ ယူဆောင်ပေးနေပါတယ်” ဟု ရှရစ်ဖ်က ပြောကြားခဲ့သည်။

တရုတ်နိုင်ငံက အဆိုပြုထားသည့် ရပ်ဝန်းနှင့်ပိုးလမ်းမ အဆိုပြုချက်၏ အထင်ကရ စီမံကိန်းတစ်ခုဖြစ်သော တရုတ်-ပါကစ္စတန် စီးပွားရေးစင်္ကြံ (CPEC) က ပါကစ္စတန်နိုင်ငံ၏ လူမှုစီးပွားဘဝ တိုးတက်မှုများကို အထောက်အကူပြုလျက်ရှိကြောင်း ဝန်ကြီးချုပ် ရှရစ်ဖ်က ပြောကြားခဲ့သည်။
“ကျွန်တော့်အနေနဲ့ ဆက်သွယ်ရေးနဲ့ပတ်သက်တဲ့ ကြန့်ကြာမှုတွေကို ဖယ်ရှားနိုင်ခဲ့ပါတယ်။ လမ်းပန်းဆက်သွယ်ရေး အခြေခံအဆောက်အအုံတွေကို အလေးအနက်ထား လုပ်ဆောင်ခဲ့ပြီး အဲဒါက စက်မှုလုပ်ငန်းနဲ့ ယဉ်ကျေးမှုကဏ္ဍကို အထောက်အကူပေးဖို့အတွက် အလွန်အရေးပါတဲ့ စွမ်းအားပါပဲ။ ကျွန်တော်တို့ဟာ CPEC စီမံကိန်း ဒုတိယအဆင့်ကို ဖော်ဆောင်နေပြီး ပါကစ္စတန်နဲ့ ဒေသတွင်းအတွက် သာယာဝပြောမှုတွေကို ပိုမိုဆောင်ကြဉ်းပေးရုံတင်မကဘဲ ပူးပေါင်းပါဝင်မယ့် တခြားနိုင်ငံတွေအတွက်လည်း မီးပြတိုက်အလင်းရောင် အရင်းအမြစ်တစ်ခုဖြစ်လာပါလိမ့်မယ်” ဟုလည်း ရှရစ်ဖ်က ဆိုသည်။
ပါကစ္စတန်နိုင်ငံနှင့် တရုတ်နိုင်ငံတို့အနေဖြင့် စီးပွားရေးဆိုင်ရာ ပူးပေါင်းဆောင်ရွက်မှုများကို တစ်ဆင့်တိုး၍ မြှင့်တင်ရန်နှင့် ခိုင်မာမြဲမြံပြီး ပြိုင်ဘက်ကင်းသော ချစ်ကြည်ရင်းနှီးမှုကိုလည်း အဆင့်သစ်ဆီသို့ တိုးမြှင့်ရန် ဆက်လက်၍ အတူတကွကြိုးပမ်းသွားမည်ဖြစ်ကြောင်း ပါကစ္စတန် ဝန်ကြီးချုပ်က အလေးအနက်ပြောကြားခဲ့သည်။ (Xinhua)

……………………………
(English Version)
Chinese modernization serves as model for Pakistan to promote economic development: Pakistani PM
STORYLINE:
The unique Chinese modernization serves as a model for Pakistan to promote economic development, Pakistani Prime Minister Shehbaz Sharif has said, extending congratulations on the 75th anniversary of the founding of the People’s Republic of China.
China has made remarkable achievements, and Pakistan desired to revamp its economy by emulating China’s path of progress, which offers new opportunities for countries around the world, including Pakistan, Sharif said in an interview with Chinese media.
SOUNDBITE 1 (English): SHEHBAZ SHARIF, Pakistani Prime Minister
“China’s development model is a role model for all of us. And I fully support and endorse this model. And in Pakistan, we are trying our best to emulate this model here.”
Speaking highly of Pakistan-China time-tested friendship, Sharif said that the friendship, based on mutual trust and respect, is exemplary in the world.
The two countries have always supported each other and have worked closely on the international stage to jointly strengthen the forces that promote regional and world peace as well as stability, he said.
SOUNDBITE 2 (English): SHEHBAZ SHARIF, Pakistani Prime Minister
“China and Pakistan are great friends. Our friendship has gone through the tests of times and stood firmly through thick and thin. China and Pakistan have always cooperated on all important international issues, and bring happiness and progress, not only in this region, but all over the world.”
Talking about the China-Pakistan Economic Corridor (CPEC), a flagship project of the China-proposed Belt and Road Initiative, the prime minister said that the project promotes socio-economic development of Pakistan.
SOUNDBITE 3 (English): SHEHBAZ SHARIF, Pakistani Prime Minister
“CPEC (Phase) I was able to remove communication bottlenecks. Road infrastructure was taken up in a big way, which is so vital energy to promote industry and culture. We are entering into the second phase of CPEC. I hope this will bring further prosperity, not only in Pakistan, not only in the region, but will be a source of beacon of light for other countries to join hands.”
The prime minister underscored that Pakistan and China would continue to work together to further enhance economic cooperation and lift their unshakable and unique friendship to new heights. Enditem
Xinhua News Agency correspondents reporting from Islamabad.
(XHTV)
English Caption
Pakistani Prime Minister Shehbaz Sharif speaks during an interview with Chinese media in Islamabad, capital of Pakistan on Oct. 2, 2024. (Photo by Ahmad Kamal/Xinhua)