Local
၂၀၁၉-၂၀၂၀ ဘဏ္ဍာနှစ် ၁၀လ တာအတွင်း မြန်မာနိုင်ငံသားရင်းနှီးမြှုပ်နှံမှု ပမာဏ ကျပ် ၁,၄၀၀ ဘီလီယံကျော်ရှိ
ရန်ကုန်၊ စက်တင်ဘာ ၂ ရက် (ဆင်ဟွာ)
၂၀၁၉-၂၀၂၀ ဘဏ္ဍာနှစ် ၁၀လ တာ ကာလအတွင်း မြန်မာနိုင်ငံသားရင်းနှီးမြှုပ်နှံမှု ပမာဏ ငွေကျပ် ၁,၄၀၀ ဘီလီယံကျော်ရှိကြောင်း၊ ၎င်းပမာဏ သည် ယခင်နှစ်ကာလ တူ နှင့် နှိုင်းယှဉ်ပါက ငွေကျပ် ၂၀၀ ဘီလီယံ ပိုမိုဝင်ရောက်ခဲ့ခြင်းဖြစ်ကြောင်း ရင်းနှီးမြှုပ်နှံမှု နှင့် ကုမ္ပဏီများညွှန်ကြားမှုဦးစီးဌာန မှသိရသည်။
ရင်းနှီးမြှုပ်နှံမှု နှင့် ကုမ္ပဏီများညွှန်ကြားမှုဦးစီးဌာန၊ ညွှန်ကြားရေးမှူးချုပ်ဦးသန့်စင်လွင်က “ အားလုံးပူးပေါင်း ဆောင်ရွက်ခဲ့အတွက် အခုလိုရင်းနှီးမြှုပ်နှံမှု တိုးလာရခြင်းဖြစ်ပါတယ်’’ ဟု ဆင်ဟွာသို့ စက်တင်ဘာ ၂ ရက်တွင် ပြောသည်။ရင်းနှီးမြှုပ်နှံမှု အများဆုံးဝင်ရောက်ခဲ့သည့် ကဏ္ဍများမှာ စက်မှုကဏ္ဍ၊ အိမ်ရာအဆောက်အအုံ တည်ဆောက်မှုဖွံ့ဖြိုးမှုကဏ္ဍ နှင့် ဝန်ဆောင်မှုလုပ်ငန်း ကဏ္ဍ တို့ဖြစ်ကြောင်း သိရသည်။ထို့ပြင် ဟိုတယ်နှင့် ခရီးသွားလာရေးကဏ္ဍ၊ စိုက်ပျိုးရေးကဏ္ဍ၊ ရေနံနှင့် သဘာဝဓာတ်ငွေ့ထုတ်လုပ်မှုကဏ္ဍ၊ ပို့ဆောင်ရေးနှင့် ဆက်သွယ်ရေးကဏ္ဍ၊ ဆောက်လုပ်ရေးကဏ္ဍ၊ မွေးမြူရေးနှင့်ရေလုပ်ငန်းကဏ္ဍ၊စက်မှုဇုန်တည် ဆောက်ရေးကဏ္ဍ၊ သတ္တုကဏ္ဍ နှင့် လျှပ်စစ်ကဏ္ဍ တို့တွင်လည်း ရင်းနှီးမြှုပ်နှံမှုများ ဝင်ရောက်လျက်ရှိကြောင်း သိရသည်။ (Xinhua)
