Business
မြန်မာနိုင်ငံတွင် အလုပ်သမားနေ့ အထိမ်းအမှတ်အဖြစ် နေပြည်တော်၌ MSME ထုတ်ကုန်ပြပွဲ ကျင်းပမည်
ရန်ကုန်၊ ဧပြီ ၂၆ ရက် (ဆင်ဟွာ)
မြန်မာနိုင်ငံတွင် အလုပ်သမားနေ့ကို ဂုဏ်ပြုသောအားဖြင့် အသေးစား၊ အငယ်စားနှင့် အလတ်စားစီးပွားရေးလုပ်ငန်းများ (MSMEs) ထုတ်ကုန်များ ပြပွဲကို နေပြည်တော်၌ ကျင်းပမည်ကြောင်း နိုင်ငံပိုင်မီဒီယာက ထုတ်ပြန်သော သတင်းအရ သိရသည်။
အဆိုပါ ပြပွဲကို နေပြည်တော် ကောင်စီနယ်မြေ ဒက္ခိဏသီရိမြို့နယ် ဒက္ခိဏသီရိစျေးအတွင်း မေလ ၁ ရက်မှ ၅ ရက်အထိ ငါးရက်ကြာ ပြပွဲကျင်းပမည်ဖြစ်ကြောင်း သိရသည်။
နေပြည်တော်ကောင်စီနယ်မြေ (၈) မြို့နယ်မှ ပြည်တွင်း MSME ထုတ်ကုန်များ၊ စက်မှုထုတ်ကုန်များ၊ ဒေသထွက်ကုန်များနှင့် ဌာနဆိုင်ရာပြခန်းများက ပြသရောင်းချမည်ဖြစ်ကြောင်း သိရသည်။
ယင်း ကုန်စည်ပြပွဲတွင် ပြခန်း စုစုပေါင်း ၅၄ ခန်း ပါဝင်မည်ဖြစ်ကြောင်း သိရသည်။ (Xinhua)
