တရုတ် ရဲဝန်ထမ်း က ဒိုက်ထိုးပုံစံ အနေအထား (Plank position) ဖြင့် ၈ နာရီကြာ နေပြပြီး ကမ္ဘာ့စံချိန်တင်

ပေကျင်း၊ မေ ၁၆ ရက် (ဆင်ဟွာ)

တရုတ်နိုင်ငံ ပေကျင်းမြို့ SWAT အထူး ရဲတပ်ဖွဲ့ဝင် တစ်ဦး ဖြစ်သူ Mao Weidong သည် မေလ ၁၄ ရက်တွင် ဒိုက်ထိုးပုံစံ အနေအထား (Plank position) ဖြင့် ၈ နာရီ၊ ၁ မိနစ်၊ ၁ စက္ကန့် နေပြပြီး ယခင် စံချိန်တင်ထားသည့် အမေရိကန်နိုင်ငံသား George Hood ကို ကျော်လွန်ကာ ကမ္ဘာ့ စံချိန်တင်ခဲ့ကြောင်း သိရသည်။

ကမ္ဘာ့ထိပ်တန်း Planking အားကစား သမားများသည် မေလ ၁၄ ရက် နေ့ပိုင်းတွင် ကျင်းပခဲ့သည့် ၂၀၁၆ Plank World Cup ပြိုင်ပွဲ၌ ယခင် ကမ္ဘာ့စံချိန်တင်ခဲ့သည့် George Hood ၏ ၅နာရီ၊ ၁၅မိနစ်၊ ၁၅ စက္ကန့် စံချိန်ကို ချိုးဖေါက်ရန် ရည်ရွယ်ချက်ဖြင့် ပေကျင်းမြို့ရှိ ရှန်ဂရီလာ ဟိုတယ် (Shangri-la Hotel) တွင် စုဝေး ခဲ့ကြကြောင်း သိရသည်။
Wei နှင့် Hood တို့နှစ်ဦး ယှဉ်ပြိုင်ကြရာ၌ တရုတ်နိုင်ငံသား ရဲဝန်ထမ်း ဖြစ်သူ Wei သည် ဒိုက်ထိုးပုံစံ အနေအထား ဖြင့် ၈ နာရီ ကြာ နေပြနိုင်ခဲ့ပြီး Hood မှာမူ ၇ နာရီ၊ ၄၀ မိနစ်၊ ၄ စက္ကန့်ဖြင့် Wei အား ရှုံးနိမ့်ခဲ့ကြောင်း သိရသည်။ (Xinhua)