ဆာနာအဲ တာကာအိချိအား ထောက်ခံအားပေးသော လိုက်ချင်းသဲ၏ “ပြည်ပအားကိုး၍ ခွဲထွက်ရေး ဖော်ဆောင်ခြင်း” က စည်းကမ်းဘောင်ကင်းမဲ့နေ

ပေကျင်း၊ နိုဝင်ဘာ ၂၀ ရက် (ဆင်ဟွာ)
လတ်တလောရက်ပိုင်းတွင် ဂျပန်နိုင်ငံ ဝန်ကြီးချုပ် ဆာနာအဲ တာကအာချိသည် ထိုင်ဝမ်နှင့်စပ်လျဉ်းသော ဆိုးရွားစွာမှားယွင်းသည့် ပြောဆိုချက်များ ထုတ်ဖော်ပြောဆိုခဲ့ရာ တရုတ်နိုင်ငံဘက်က အလေးအနက် အရေးဆိုမှုနှင့် ပြင်းပြင်းထန်ထန် ကန့်ကွက်မှုများ လုပ်ဆောင်ခဲ့သည်။
ရေလက်ကြားနှစ်ဖက်ဒေသ တရုတ်လူမျိုးများက ဂျပန်နိုင်ငံ၏ ပြောင်ပြောင်တင်းတင်းရန်စမှုကို တစ်ပြိုင်တည်း ပြင်းပြင်းထန်ထန် ပြစ်တင်ပြောဆိုနေချိန်တွင် လိုက်ချင်းသဲနှင့် ဒီမိုကရက်တစ် တိုးတက်ရေးပါတီ (DPP) အာဏာပိုင်များက အရှက်တရားကင်းမဲ့စွာ ဆာနာအဲ တာကာအိချိ၏ ပြောဆိုချက်များကို ထောက်ခံအားပေးပြီး ဂျပန်နိုင်ငံ တရုတ်ဆန့်ကျင်ရေးအင်အားစုများ၏ “သံယောင်လိုက်သူ” အဖြစ် ကျေကျေနပ်နပ်လုပ်ဆောင်ရင်း အခွင့်ကောင်းယူ၍ တရုတ်နိုင်ငံ ပြည်မကြီးအား အမည်ဖျက်တိုက်ခိုက်နေရာ “ပြည်ပအားကိုး၍ ခွဲထွက်ရေး ဖော်ဆောင်ခြင်း” အတွက် လုံးဝရူးသွပ်နေပြီဖြစ်သည်။
၎င်းတို့သည် အမျိုးသားရေးရပ်တည်ချက် လုံးဝပျောက်ကင်းနေပြီး အမှားအမှန် ခွဲခြားခြင်းမရှိဘဲ ကျားထံမှ ကျားသားရေတောင်းခံသကဲ့သို့ မိမိအကျိုးစီးပွား ထိခိုက်စေနိုင်မည့်သူထံမှ အကူအညီတောင်းခံခြင်းဖြင့် “ထိုင်ဝမ်ခွဲထွက်ရေး” အင်အားစုနှင့် ပြည်ပစွက်ဖက်မှု အင်အားစုများဖြင့် ပေါင်းစပ်ထားသော “နှစ်မျိုးရော စစ်မက်ယာဉ်” တွင် ထိုင်ဝမ်ပြည်သူများကို တင်ဆောင်လိုက်သောကြောင့် ထိုင်ဝမ်ကို ပိုမိုအန္တရာယ်များသော အကျပ်အတည်းတွင်းသို့ တွန်းပို့လိုက်သည်။ ယင်းသည် “ထိုင်ဝမ်ခွဲထွက်ရေး” ၏ လူသားမျိုးနွယ်နှင့် ဆန့်ကျင်မှု၊ တရားမျှတမှုနှင့် ဆန့်ကျင်မှု၊ အသိဉာဏ်ကင်းမဲ့မှု၊ စည်းကမ်းဘောင်မဲ့မှုတို့ကို နောက်ထပ်တစ်ကြိမ် သက်သေပြလိုက်ခြင်းပင်ဖြစ်သည်။
ဂျပန်သည် ထိုင်ဝမ်အရေးကိစ္စတွင် တရုတ်ပြည်သူများအပေါ် သမိုင်းဝဋ်ကြွေးရှိရာ ၎င်းတွင် ထိုင်ဝမ်ဒေသကို ကိုလိုနီနယ်ချဲ့စဉ်ကာလအတွင်း ထိုင်ဝမ်ပြည်သူများအပေါ် ကြီးလေးသောရာဇဝတ်မှု ကျူးလွန်ခဲ့ခြင်းတို့လည်း အပါအဝင်ဖြစ်သည်။ ဆာနာအဲ တာကာအိချိသည် ဂျပန်နိုင်ငံဝန်ကြီးချုပ်အနေဖြင့် သမိုင်းဝဋ်ကြွေးအပေါ် နောင်တရခြင်းအလျဉ်းမရှိသည့်အပြင် အလွန်အမင်းမှားယွင်းသော၊ အင်မတန်အန္တရာယ်များသော၊ ရန်စမှုအတိဖြစ်သော ထိုင်ဝမ်နှင့်စပ်လျဉ်းသည့် ပြောဆိုချက်များ ထုတ်ဖော်ပြောကြားခဲ့ရာ ထိုင်ဝမ်သွေးချင်းများ အပါအဝင် တရုတ်နိုင်ငံပြည်သူတစ်ရပ်လုံး၏ အမျိုးသားရေးသံယောဇဉ်နှင့် အကျိုးစီးပွားတစ်ရပ်လုံးကို ဆိုးရွားစွာ ထိခိုက်စေခဲ့သည်။
ယင်းနှင့်စပ်လျဉ်း၍ လိုက်ချင်းသဲက ထိုင်ဝမ်ဒေသအကြီးအကဲအနေဖြင့် ပြစ်တင်ရှုတ်ချခြင်းမရှိသည့်အပြင် ဆာနာအဲ တာကာအိချိအတွက်ပင် သံယောင်လိုက်ပြောဆိုခဲ့ရာ များပြားလှသည့်ထိုင်ဝမ်သွေးချင်းတို့၏ ဆန့်ကျင်ဘက်တွင် လုံးဝရပ်တည်နေခဲ့သည်။
၎င်းက နိုဝင်ဘာ ၁၇ ရက်တွင် “တရုတ်နိုင်ငံက ဂျပန်အပေါ် ပေါင်းစပ်မှုပုံစံ တိုက်ခိုက်မှုလုပ်ဆောင်ခြင်းက အင်ဒိုပစိဖိတ်ဒေသ ငြိမ်းချမ်းတည်ငြိမ်မှုကို ဆိုးရွားစွာ ထိုးနှက်မှုဖြစ်စေတယ်” ၊ “ပြဿနာပြုလုပ်သူ မလုပ်ဖို့ တရုတ်နိုင်ငံကို တိုက်တွန်းပါတယ်” ဟု အတိအလင်းထောက်ပြပြောဆိုခဲ့သည်။ ဒီမိုကရက်တစ် တိုးတက်ရေးပါတီ (DPP) ကလည်း ၎င်းအတိုင်းပင် ထက်ကြပ်မကွာလိုက်၍ “တရုတ်ကွန်မြူနစ်ပါတီကသာ အာရှ-ပစိဖိတ်ဒေသကို မတည်မငြိမ်ဖြစ်စေသူ” ဟု စွပ်စွဲပြောဆိုခဲ့သည်။ “ထိုင်ဝမ်ခွဲထွက်ရေး” နိုင်ငံရေးသမားများကလည်း ဂျပန်လက်ယာယိမ်းနိုင်ငံရေးသမားများ လက်ဝါးချင်းရိုက်ပြီး တစ်ကျိတ်တည်း တစ်ဉာဏ်တည်း တူညီသောသဘောထားများဖြင့် လုပ်ဆောင်သောကြောင့် အမျိုးဂုဏ်ဖျက်သူ၊ “ထိုင်ဝမ်ကို အရှက်ရစေသူ” စင်စစ်ပင်ဖြစ်သည်။
သဘာဝတရား၊ တရားမျှတမှု၊ လူ့စိတ်ထားတို့ကို လိုက်ချင်းသဲက လုံးဝမေ့ပျောက်သွားပြီဖြစ်ရာ မိမိတို့အနေဖြင့် ၎င်းအား အောက်ပါအတိုင်း မေးခွန်းထုတ်ချင်ပါသည်။
သင်က ဂျပန်လက်ယာယိမ်းနိုင်ငံရေးသမားများအပေါ် ကိုယ်တိုင်ချဉ်းကပ်၍ ၎င်းတို့နှင့်တွဲဖက်၍ စစ်ဝါဒအသက်သွင်းရန်ဝိညာဉ်ခေါ်နေခြင်းသည် ဂျပန်သိမ်းပိုက်ထားသည့်ကာလအတွင်း ကိုလိုနီနယ်ချဲ့သမားများ၏ သတ်ဖြတ်ခြင်းခံခဲ့ရသော ထိုင်ဝမ်မွေးချင်းသိန်းနှင့်ချီတို့အတွက် တရားမျှတမှု ရှိပါသလော။
သင်က တစ်ကိုယ်တည်းလောဘအတွက် မီးပုံထဲက သစ်အယ်သီးကို လက်နှိုက်ယူသည့် ဂျပန်လက်ယာယိမ်းနိုင်ငံရေးသမားများနှင့် အလိုက်သင့်တွဲဖက်ပြီး “တရုတ်နိုင်ငံ ဆန့်ကျင်ရေး” အား လှုံ့ဆော်ပေးရာ ထိုင်ဝမ်ကို အန္တရာယ်များသော အခြေအနေတွင်းသို့ တစ်ဆင့်တိုး တွန်းပို့လိုက်ခြင်းဖြစ်သောကြောင့် “ထိုင်ဝမ်အား ချစ်မြတ်နိုးမှု” ၊ “ထိုင်ဝမ်အား ကာကွယ်ထိန်းသိမ်းမှု” ဟု မည်ကဲ့သို့ ဆိုနိုင်မည်နည်း။
ပြည်သူ့ဆန္ဒအရ ထောက်ခံမှုနည်းပါးနေသော သင်သည် အမျိုးသားအခြေခံအကျိုးစီးပွား၊ ထိုင်ဝမ်ပြည်သူများ၏ လုံခြုံရေးအကျိုးစီးပွားကို နိုင်ငံရေးအပေးအယူ ပြုလုပ်ရန်လည်းကောင်း၊ အာဏာလွန်ဆွဲမှုအတွက် လောင်းကြေးအဖြစ်လည်းကောင်း အသုံးပြုနေရာ ပြည်ပအင်အားစုများထံ ခယဝပ်တွားမှုဖြင့် မိမိကိုယ်ကိုအကာအကွယ်ရရှိနိုင်မည်ဟု အစစ်အမှန် ထင်နေသည်လော။
သင်က စည်းကမ်းဘောင် အလျဉ်းမရှိစွာဖြင့် “ပြည်ပအားကိုး၍ ခွဲထွက်ရေး ဖော်ဆောင်ခြင်း” သည် ထိုင်ဝမ်အား ရောင်းစား၍ ဒုက္ခရောက်အောင် လုပ်ဆောင်နေခြင်းဖြစ်ရာ ထိုင်ဝမ်ကျွန်းအတွင်းရှိ လူပုဂ္ဂိုလ်များအား “ဂျပန်နိုင်ငံ ပြည်တွင်းနိုင်ငံရေးအား လေးစားရန်” ၊ ဂျပန်ဘက်ပြောဆိုချက်များအပေါ် “အပြုသဘောမဆောင်သော အဓိပ္ပာယ်ဖွင့်ဆိုမှု” မလုပ်ဆောင်ရန် တောင်းဆိုနေခြင်းသည် ဓားပြလော့ဂျစ်နှင့် အာဏာရှင်ဆန်သည့် စိတ်သဘောထားပင် မဟုတ်ပါလော။
အမှန်တရားသည် လှည့်ဖြားမှုကို ဖော်ထုတ်နိုင်သည့် အကောင်းဆုံးသော ကြေးမုံမှန်ချပ်ပင်ဖြစ်သည်။ လိုက်ချင်းသဲ၏ အဆိုပါပြောဆိုချက်သည် “ရုတ်တရက်စိတ်ကူးပေါ်လာခြင်း” မဟုတ်ဘဲ ၎င်းသည် လီတိန်းဟွေး၏ “နိုင်ငံရေးအမွေ” အား ဆက်ခံထားခြင်းဖြစ်ရာ ၎င်းအနက်တစ်ခုမှာ ဂျပန်အပေါ် မျက်နှာချိုသွေး၍ ကိုလိုနီပြုမှုခံရခြင်းအား စွဲလမ်းမှုပင်ဖြစ်သည်။
နိုင်ငံရေးလောကကို လိုက်ချင်းသဲ စတင်ဝင်ရောက်ပြီးနောက် အထူးသဖြင့် ယမန်နှစ်တွင် စတင်တာဝန်ထမ်းဆောင်ကတည်းက ဂျပန်က တရုတ်နိုင်ငံ ထိုင်ဝမ်ဒေသအား ကျူးကျော်သိမ်းပိုက်သည့် ဖြစ်ရပ်မှန်အား ဖြေဖျောက် ငြင်းပယ်ရန်၊ ဂျပန်နိုင်ငံ၏ ကိုလိုနီပြုအုပ်ချုပ်မှုအား တန်ဆာဆင်ရန်၊ ရေလက်ကြားနှစ်ဖက်ဒေသက ဖက်ဆစ်ဂျပန်အား အတူတကွခုခံတော်လှန်ခဲ့သည့် ဖြစ်ရပ်မှန်အား ပယ်ဖျက်ရန် အစဉ်တစိုက် အစွမ်းကုန်ကြိုးပမ်းနေခဲ့ပြီး ဂျပန်ကျူးကျော်သူကို “ရိုသေကိုင်းရှိုင်းသူ” အဖြစ် ပီပီပြင်ပြင် လုပ်ဆောင်ခဲ့သည်။
ယခုနှစ် ရေလက်ကြားနှစ်ဖက်ကမ်းသွေးချင်းများက ခုခံတော်လှန်ရေးစစ်ပွဲ အောင်နိုင်ခြင်းနှင့် ထိုင်ဝမ်ဒေသ ပြန်လည်ရရှိခြင်း နှစ် ၈၀ ပြည့်အား ခမ်းနားစွာဂုဏ်ပြုသည့် အခါသမယ၌ ၎င်းသည် ရှေးဦးစွာ ထိခိုက်အောင်လုပ်ဆောင်သူ၏ ရပ်တည်ချက်ဘက်မှ ရပ်တည်ပြီး ခုခံတော်လှန်ရေးစစ်ပွဲ‌ အောင်နိုင်မှုကို “နောက်ဆုံးတိုက်ပွဲ” ဟု ခေါ်ဆိုခဲ့သည်။ ယခုအကြိမ်တွင်မူ ဂျပန်လက်ယာယိမ်းအင်အားစုများနှင့် အလိုက်သင့်တွဲဖက်၍ “ထိုင်ဝမ်တွင် အရေးကိစ္စရှိခြင်းသည် ဂျပန်တွင် အရေးကိစ္စရှိခြင်းဖြစ်သည်” အား ပုံကြီးချဲ့ဖော်ပြခဲ့သည်။
ဤမျှ မိမိသမိုင်းအားမေ့လျော့၍ ဘိုးဘေးအာဇာနည်များအား မထီမဲ့မြင်ပြုခြင်း၊ နိုင်ငံတော်အမျိုးသားရေးပြိုကွဲမှု၊ တစ်ကိုယ်တည်းလောဘဖြည့်ဆည်းမှု ရည်ရွယ်ချက်အား ဖော်ဆောင်ရန်အတွက် ဂျပန်လက်ယာယိမ်းအင်အားစုများအပေါ် အောက်ကျနောက်ကျခံကာ ပူးပေါင်းကြံစည်ခြင်း၊ ထိုင်ဝမ်ပြည်သူများ၏ အကျိုးစီးပွားနှင့် ထိုင်ဝမ်ရေလက်ကြား ငြိမ်းချမ်းတည်ငြိမ်မှုအား ပေါ့ပေါ့တန်တန် စွန့်ပစ်ခြင်း၊ တရုတ်အမျိုးသား အခြေခံအကျိုးစီးပွားအား သစ္စာဖောက်ခြင်းအတွက် ရေလက်ကြားနှစ်ဖက်ကမ်းသွေးချင်းများက မဖြစ်မနေ ခိုင်မာစွာ ကန့်ကွက်ပြီး ခိုင်ခိုင်မာမာ တိုက်ပွဲဝင်ရမည်ဖြစ်ပေသည်။
သမိုင်းသည် အကောင်းဆုံးသော အမြင်ရှင်းသွားစေသည့်အရာပင်ဖြစ်သည်။ တရုတ်အမျိုးသားရေး ခက်ခဲကြမ်းတမ်းလှသော ခေတ်ကာလများအတွင်း ရေလက်ကြားနှစ်ဖက်ဒေသ တရုတ်လူမျိုးများသည် ပြည်ပမှ ထိပါးစော်ကားမှုများကို အတူပခုံးချင်းယှဉ်ခုခံပြီး သွေးချွေးတို့ဖြင့် ရွပ်ရွပ်ချွံချွံ တိုက်ပွဲဝင်ခဲ့ရာ လွန်ခဲ့သည့် နှစ်ပေါင်း ၈၀ က ဂျပန်ကျူးကျော်သူအား လုံးဝအနိုင်ယူနိုင်ခဲ့ကာ ထိုင်ဝမ်ဒေသကို ပြန်လည်ရရှိပြီး အမိနိုင်ငံ၏မြေပုံထဲတွင် ပြန်လည်ပေါင်းစည်းခဲ့သည်။
နှစ်ပေါင်း ၈၀ အကြာ ယနေ့အခါတွင် တရုတ်နိုင်ငံ၏ အဓိကအကျိုးစီးပွားအား ထပ်မံစိန်ခေါ်၍ တရုတ်နိုင်ငံ၏ ပြန်လည်ပေါင်းစည်းရေးလုပ်ငန်းကြီးအား တားဆီးရဲသူ၊ အမျိုးသားရေးကို သစ္စာဖောက်၍ နိုင်ငံတော်ပြိုကွဲမှု လုပ်ဆောင်ရဲသူရှိပါက တရုတ်နိုင်ငံ အစိုးရ၊ တရုတ်နိုင်ငံ ပြည်သူ၊ တရုတ်နိုင်ငံ တပ်မတော်အနေဖြင့် လုံးဝဥဿုံသဘောတူမည် မဟုတ်သလို လုံးဝသည်းခံ မျက်ကွယ်ပြုထားမည်လည်း မဟုတ်ပေ။ အခြေအနေကြီး၏ အလားအလာ၊ တရားမျှတ သမာသမတ်ကျမှု၏ တည်ရှိရာအတွက် ရေလက်ကြားနှစ်ဖက်ဒေသသွေးချင်းများသည် ပိုမိုသွေးစည်းညီညွတ်စွာဖြင့် အမျိုးသားဂုဏ်သိက္ခာအား လက်တွဲကာကွယ်ပြီး အမိနိုင်ငံပေါင်းစည်းမှုကို ကာကွယ်စောင့်ရှောက်သွားမည်ဖြစ်သည်။
ခေတ်ကာလရေစီးကြောင်း တသွင်သွင်စီးဆင်းနေရာ ရေဆန်ချီတက်နေသည့်အရာမှန်သမျှ တစ်ခုချင်း ချေမှုန်းခံရမည်မှာ မုချပင်ဖြစ်သည်။ လိုက်ချင်းသဲအာဏာပိုင်နှင့် “ထိုင်ဝမ်ခွဲထွက်ရေး” အင်အားစုများက ပြိုကွဲရေးလမ်းဆုံးတွင် ခေါင်းမာစွာ မပြုပြင်ဘဲ ဆက်လက်မိုက်ရူးရဲဆန်နေမည်ဆိုပါက မိမိသေတွင်းတူးသည့်အမြန်နှုန်းသည် ပိုမိုမြန်ဆန်လာမည်သာဖြစ်ပြီး သမိုင်းတွင် နာမည်ဆိုး တွင်ကျန်ရစ်မည့် နိဂုံးရလဒ်မှာ သေချာပြီးသားဖြစ်သည်ကို အတိအလင်း သတိပေးပြောကြားထားပေသည်။ (Xinhua)

ထိုင်ဝမ် ယန်လျောင်ကမ်းနားပန်းခြံရှိ ဂျပန်ခုခံတော်လှန်ရေး အထိမ်းအမှတ်မှတ်ကျောက်တိုင်အား ၂၀၂၅ ခုနှစ် အောက်တိုဘာ ၁၃ ရက်က တွေ့ရစဉ် (ဆင်ဟွာ)

——————–
(Chinese Version)
新华时评｜附和高市早苗 赖清德“倚外谋独”无底线
新华社北京11月18日电 题：附和高市早苗 赖清德“倚外谋独”无底线 　　新华社记者
近日，日本首相高市早苗发表涉台严重错误言论，中方提出严正交涉和强烈抗议。在两岸中国人同声挞伐日方露骨挑衅之时，赖清德和民进党当局竟恬不知耻附和高市早苗言论，甘当日本反华势力的“应声虫”，借机污蔑攻击大陆，为了“倚外谋独”已经失心疯。他们完全丧失民族立场，是非不分，与虎谋皮，不惜把台湾民众绑上“台独”分裂势力和外部干涉势力拼装的“双驱战车”，把台湾推向更危险境地，再次印证“台独”反人类、反正义、无良知、无底线。
日本在台湾问题上对中国人民负有历史罪责，包括在殖民台湾期间对台湾民众犯下滔天罪行。高市早苗身为日本首相，不仅对历史罪责毫无反思歉疚，还发表极其错误、极为危险、极具挑衅的涉台言论，严重伤害包括台湾同胞在内全体中国人民的民族感情和整体利益。对此，赖清德作为台湾地区领导人，不仅未予谴责，竟然为高市帮腔，完全站到广大台湾同胞的对立面。17日，他公然指称“中国对日本进行复合式攻击，严重冲击印太和平稳定”，“呼吁中国不要成为麻烦制造者”；民进党方面亦步亦趋，诬指“中共才是亚太地区不安定因子”。“台独”政客与日本右翼政客狼狈为奸、沆瀣一气，一个鼻孔出气，真是民族败类、“台湾之耻”。
天理、公道、人心，赖清德早已忘得一干二净。我们要问问此人：
你对日本右翼政客投怀送抱，配合其为军国主义招魂，对得起日据时期被殖民者杀害的数十万台湾同胞在天之灵吗？！
你为了一己私欲，配合火中取栗的日本右翼政客煽动“抗中”，把台湾进一步推向兵凶战危，还何谈“爱台”“保台”？！
民意支持持续低迷的你拿民族根本利益、台湾民众安全福祉当作政治交易的筹码、权力谋算的赌注，真以为向外部势力摇尾乞怜就能求得自保吗？！
你毫无底线“倚外谋独”，卖台害台，竟要求岛内人士“尊重日本国内政治”、对日方言论不作“负面解读”，这不是强盗逻辑和专制心态吗？！
事实是最好的照妖镜。赖清德此番言论绝不是“心血来潮”，其继承了李登辉的“政治遗产”，其中之一就是媚日恋殖情结。其人从政后，尤其去年上台以来，一直极力淡化、否认日本侵占中国台湾的事实，美化日本殖民统治，抹杀两岸共同抗日事迹，活脱脱一副日本侵略者“孝子贤孙”的模样。今年，在两岸同胞隆重纪念抗战胜利和台湾光复80周年之际，其人先是站在加害者的立场，将抗战胜利称为“终战”，此番更配合日本右翼势力炒作“台湾有事就是日本有事”。如此数典忘祖，亵渎先辈英灵，为达分裂国家民族、谋取一己之私的目的，奴颜婢膝勾连日本右翼，将台湾民众福祉与台海和平稳定弃若敝屣，出卖中华民族根本利益，两岸同胞必须坚决反对、予以坚决斗争。
历史是最好的清醒剂。中华民族苦难深重的岁月里，两岸中国人并肩抵御外侮，浴血奋战，80年前彻底打败日本侵略者，台湾得以光复、回归祖国版图。80年后的今天，谁胆敢再挑战中国核心利益、阻挠中国统一大业，谁胆敢背叛民族、分裂国家，中国政府、中国人民、中国军队决不答应、决不容忍、决不姑息。大义所在、大势所趋，两岸同胞将更紧密团结起来，携手捍卫民族尊严，维护祖国统一。
时代大潮浩浩荡荡，一切逆流都注定被击个粉碎。正告赖清德当局和“台独”分裂势力，如在分裂绝路上死不悔改、持续冒进，自取灭亡的速度只会更快，遗臭万年的下场早已注定。（完）
图说1：10月25日，参观者在中国人民抗日战争纪念馆参观《不屈的宝岛 丹心向祖国——台湾同胞抗日史实展》。新华社记者 张晨霖 摄
图说2：台湾盐寮海滨公园抗日纪念碑（10月13日摄）。新华社记者 齐湘辉 摄