ဒုတိယကမ္ဘာစစ်အောင်မြင်မှုရလဒ်များအား ကာကွယ်ထိန်းသိမ်းရန် ဝမ်ရိနှင့် Sergey Lavrov အတူ အလေးထားပြောကြား

မော်စကို၊ ဒီဇင်ဘာ ၃ ရက် (ဆင်ဟွာ)

တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်၊ နိုင်ငံခြားရေးဝန်ကြီး ဝမ်ရိသည် ရုရှားနိုင်ငံခြားရေးဝန်ကြီး Sergey Lavrov နှင့် ရုရှားနိုင်ငံ မော်စကိုမြို့၌ ဒေသစံတော်ချိန် ၂၀၂၅ ခုနှစ် ဒီဇင်ဘာ ၂ ရက်တွင် တွေ့ဆုံဆွေးနွေးခဲ့သည်။

ထိုသို့တွေ့ဆုံရာတွင် ဝမ်ရိက ယခုနှစ်မှစ၍ နိုင်ငံတကာပတ်ဝန်းကျင်သည် မတည်ငြိမ်မှု၊ မရေရာမှု၊ ကြိုတင်ခန့်မှန်းရန်ခက်ခဲမှုတို့ ပို၍ ဖြစ်ပွားလာကြောင်း ပြောကြားခဲ့သည်။
သမ္မတ ရှီကျင့်ဖိန်နှင့် သမ္မတ ပူတင်တို့၏ မဟာဗျူဟာဦးဆောင်မှုအောက်တွင် တရုတ်-ရုရှားဆက်ဆံရေးသည် လှိုင်းဒဏ်လေဒဏ်များကို မကြောက်မရွံ့ဘဲ ရဲဝံ့စွာ ရှေ့သို့ တက်လှမ်းခဲ့ရာ အဆင့်မြင့်သော၊ ရှုထောင့်အလွှာကျယ်ပြန့်သော၊ အရည်အသွေးမြင့်သော ဖွံ့ဖြိုးတိုးတက်မှုကို ဖော်ဆောင်နိုင်ခဲ့ကြောင်း၊ ဒုတိယကမ္ဘာစစ်အောင်နိုင်ခြင်း နှစ် ၈၀ ပြည့် အထိမ်းအမှတ်အခမ်းအနားများကို နှစ်နိုင်ငံအကြီးအကဲများက ယခုနှစ်အတွင်း အပြန်အလှန်တက်ရောက်ခဲ့ပြီး နှစ်ကြိမ်တိုင် နက်ရှိုင်းစွာ ညှိနှိုင်းဆွေးနွေးမှုများပြုလုပ်ခဲ့ရာ ရာစုနှစ်အပြောင်းအလဲများကို အတူတကွ အာရုံစိုက်ကာ တရုတ်-ရုရှား ဆက်ဆံရေး ဦးတည်ချက်ကို ပဲ့ကိုင်၍ အနာဂတ်ကို မျှော်တွေးစီမံခဲ့သလို ကမ္ဘာအတွက်လည်း တည်ငြိမ်မှုနှင့် သေချာရေရာမှုများ ပံ့ပိုးပေးခဲ့ကြောင်း ၎င်းက ပြောကြားခဲ့သည်။

အထူးသဖြင့် ဒုတိယကမ္ဘာစစ်အောင်မြင်မှုရလဒ်ကို ခိုင်မာစွာ ကာကွယ်ထိန်းသိမ်းရန်၊ ကိုလိုနီကျူးကျော်မှုကို ပြောင်းပြန်လှန်လိုသည့် ဆန့်ကျင်ဘက်နောက်ကြောင်းလှည့်သော မည်သည့် ကြိုးပမ်းမှုကိုမဆို ခိုင်မာစွာ ဆန့်ကျင်ရန် နှစ်ဖက်တစ်ပြေးညီ သဘောတူညီခဲ့ပြီး အမှန်တရားကို လက်ကိုင်ထားသော၊ တရားမျှတမှုကို ကာကွယ်ထိန်းသိမ်းသော ခေတ်ကာလ၏ အင်အားတောင့်တင်းသောအသံကို ထုတ်လွှင့်ခဲ့ကြောင်း၊ တရုတ်-ရုရှားသည် ကုလသမဂ္ဂလုံခြုံရေးကောင်စီ အမြဲတမ်းအဖွဲ့ဝင်နိုင်ငံနှင့် ခေတ်သစ် ဘက်စုံမဟာဗျူဟာမြောက် ညှိနှိုင်းပူးပေါင်းဆောင်ရွက်မှု မိတ်ဖက်အနေဖြင့် ညှိနှိုင်းပူးပေါင်းဆောင်ရွက်မှုများကို ဟန်ချက်ညီစွာ ဆက်လက်လုပ်ဆောင်ရမည် ဖြစ်ပြီး ဒေသတွင်း တည်ငြိမ်အေးချမ်းရေးကို ဖျက်ဆီးသော၊ စစ်ရေးအသွင် ပြန်လည်ဖော်ဆောင်ရန် ကြိုးပမ်းသော ဂျပန်လက်ယာစွန်းအင်အား၏ ရန်စသောလုပ်ရပ်ကို ခိုင်ခိုင်မာမာ ကာကွယ်တားဆီးရမည် ဖြစ်ကြောင်း ၎င်းက ပြောကြားခဲ့သည်။

သမ္မတ ပူတင်အနေဖြင့် တရုတ်နိုင်ငံသားများ ဗီဇာကင်းလွတ်ခွင့်အမိန့်ကို မကြာသေးမီကပင် လက်မှတ်ထိုးခဲ့ကြောင်း၊ ယင်းမှာ တရုတ်-ရုရှား ခေတ်သစ် ဘက်စုံမဟာဗျူဟာမြောက် ညှိနှိုင်းပူးပေါင်းဆောင်ရွက်မှု မိတ်ဖက်ဆက်ဆံရေး၏ သက်ဝင်ထင်ရှားစွာ ပြသမှုဖြစ်ရာ နှစ်နိုင်ငံ လူပုဂ္ဂိုလ်ကူးလူးသွားလာမှုကို တစ်ဆင့်တိုး အဆင်ပြေလွယ်ကူစေမည်ဖြစ်သလို ကဏ္ဍစုံ ပူးပေါင်းဖလှယ်ရေးကို မြှင့်တင်သွားမည် ဖြစ်ကြောင်း ဝမ်ရိက ပြောကြားခဲ့သည်။
တရုတ်နိုင်ငံအနေဖြင့် ရုရှားနိုင်ငံနှင့်အတူ ဗီဇာကင်းလွတ်ခွင့်မူဝါဒကို ကောင်းမွန်စွာ အကောင်အထည်ဖော်ဆောင်ပြီး ကောင်းမြတ်သည့်ကိစ္စကို ကောင်းမွန်စွာ ဆောင်ရွက်သွားလိုကြောင်း၊ လာမည့်နှစ်သည် တရုတ်-ရုရှား မဟာဗျူဟာမြောက် ညှိနှိုင်းပူးပေါင်းဆောင်ရွက်မှု မိတ်ဖက်ဆက်ဆံရေး ထူထောင်ခြင်း နှစ် ၃၀ ပြည့်နှင့် “တရုတ်-ရုရှား အိမ်နီးချင်းကောင်း ချစ်ကြည်ရေး ပူးပေါင်းဆောင်ရွက်မှု စာချုပ်” ချုပ်ဆိုသည့် ၂၅ နှစ်ပြည့်လည်း ဖြစ်ရာ တရုတ်-ရုရှား ဆက်ဆံရေးတိုးတက်မှုမှာ သမိုင်းသစ်၏ အခွင့်အလမ်းများကို ထွေးပွေ့ရတော့မည်ဖြစ်ကြောင်း၊ တရုတ်နိုင်ငံအနေဖြင့် ရုရှားနိုင်ငံနှင့်အတူ နှစ်နိုင်ငံအကြီးအကဲများ၏ အရေးကြီးသဘောတူညီချက်များကို ဘက်စုံဖော်ဆောင်ရန်၊ ပို၍ခိုင်မာသော အပြန်အလှန်ထောက်ခံအားပေးမှု၊ ပို၍ အားကောင်းသော မဟာဗျူဟာညှိနှိုင်းပူးပေါင်းဆောင်ရွက်မှု၊ ပို၍တိုးတက်လိုသော အပြန်အလှန်အကျိုးဖြစ်ထွန်းသည့် ပူးပေါင်းဆောင်ရွက်မှုများဖြင့် နှစ်နိုင်ငံပြည်သူများအတွက် အကျိုးစီးပွားများ ပိုမိုဆောင်ကြဉ်းပေးကာ နိုင်ငံတကာစည်းစနစ် ပို၍ တရားမျှတပြီး ကျိုးကြောင်းဆီလျော်မှုရှိသော ဦးတည်ချက်သို့ တိုးတက်စေရေးကို တွန်းအားပေးဆောင်ရွက်ရန် ဆန္ဒရှိကြောင်း ၎င်းက ပြောကြားခဲ့သည်။

Sergey Lavrov က ယခုနှစ်တွင် နှစ်နိုင်ငံအကြီးအကဲများသည် အပြန်အလှန်ခရီးစဉ်သွားရောက်မှုကို ဖော်ဆောင်ခဲ့ရာ ရုရှား-တရုတ် ဘက်စုံမဟာဗျူဟာမြောက် ညှိနှိုင်းပူးပေါင်းဆောင်ရွက်မှု မိတ်ဖက်ဆက်ဆံရေး တစ်ဆင့်တိုး ခိုင်မာမှုအတွက် တွန်းအားသစ်များ ဖြည့်တင်းခဲ့ကြောင်း ပြောကြားခဲ့သည်။
ရုရှားနိုင်ငံအနေဖြင့် တရုတ်တစ်နိုင်ငံတည်းမူဝါဒကို လိုက်နာကျင့်သုံးသလို ထိုင်ဝမ်ရေးရာကိစ္စရပ်တွင် တရုတ်နိုင်ငံ၏ ရပ်တည်ချက်ကို အခိုင်အမာထောက်ခံကြောင်း၊ လာမည့်နှစ် “ရုရှား-တရုတ် အိမ်နီးချင်းကောင်း ချစ်ကြည်ရေး ပူးပေါင်းဆောင်ရွက်မှု စာချုပ်” ချုပ်ဆိုသည့် ၂၅ နှစ်ပြည့်ကို အခွင့်အလမ်းအဖြစ်ထားရှိကာ အဆင့်မြင့်အလွှာဆက်ဆံရေး နီးကပ်စေရန်၊ လက်တွေ့ပူးပေါင်းဆောင်ရွက်မှု နက်ရှိုင်းစေရန်၊ လူပုဂ္ဂိုလ်ကူးလူးဖလှယ်မှု တိုးပွားစေရန်၊ အပြန်အလှန်အကျိုးဖြစ်ထွန်းသော ဘုံအကျိုးစီးပွားကို ဖော်ဆောင်ရန် ဆန္ဒရှိကြောင်း ၎င်းက ပြောကြားခဲ့သည်။

ရုရှားနိုင်ငံအနေဖြင့် တရုတ်နိုင်ငံက အာရှ-ပစိဖိတ် စီးပွားရေးပူးပေါင်းဆောင်ရွက်မှုအဖွဲ့ (APEC) ခေါင်းဆောင်များ အလွတ်သဘောအစည်းအဝေး ကြီးမှူးကျင်းပမည်ကို ထောက်ခံကြောင်း၊ သမ္မတ ရှီကျင့်ဖိန် အဆိုပြုသည့် ကမ္ဘာလုံးဆိုင်ရာ စီမံခန့်ခွဲမှု အစီအမံ (GGI) ကို တန်ဖိုးထားချီးကျူးသလို ထောက်ခံကြောင်း၊ တရုတ်နိုင်ငံနှင့်အတူ ကုလသမဂ္ဂပဋိညာဉ်စာတမ်း ရည်ရွယ်ချက်နှင့်အခြေခံမူများကို အတူတကွကာကွယ်ထိန်းသိမ်းရန်၊ ကုလသမဂ္ဂနှင့် ၎င်း၏လုံခြုံရေးကောင်စီ၊ အာရှ-ပစိဖိတ် စီးပွားရေးပူးပေါင်းဆောင်ရွက်မှုအဖွဲ့ (APEC)၊ ရှန်ဟိုင်းပူးပေါင်းဆောင်ရွက်မှုအဖွဲ့ (SCO) ၊ BRICS စသည့် နိုင်ငံစုံမူဘောင်အောက်က ပူးပေါင်းဆောင်ရွက်မှုများကို မြှင့်တင်ရ၊ နှစ်နိုင်ငံ ကိုယ်စီအကျိုးစီးပွားများကို ကာကွယ်ရန်၊ နိုင်ငံတကာ လုံခြုံရေးနှင့် တည်ငြိမ်ရေးကို ကာကွယ်ထိန်းသိမ်းရန် ဆန္ဒရှိကြောင်း ၎င်းက ပြောကြားခဲ့သည်။

ယူကရိန်းအကျပ်အတည်းအပေါ် အမြင်သဘောထားများကို Sergey Lavrov က ပြောကြားခဲ့ရာ တရုတ်နိုင်ငံ၏ ဓမ္မဓိဋ္ဌာန်ကျမှု၊ တရားမျှတမှုရှိသော ရပ်တည်ချက်ကို တန်ဖိုးထားကြောင်း၊ တရုတ်နိုင်ငံနှင့်အတူ ညှိနှိုင်းဆွေးနွေးမှုများကို ထားရှိသွားလိုကြောင်း ပြောကြားခဲ့သည်။
ဝမ်ရိက တရုတ်နိုင်ငံ၏ တစ်သမတ်တည်းရပ်တည်ချက်ကို ရှင်းလင်းပြောကြားခဲ့ရာ တရုတ်နိုင်ငံအနေဖြင့် နိုင်ငံရေးနည်းလမ်းဖြင့် အကျပ်အတည်းဖြေရှင်းရန်အတွက် အပြုသဘောဆောင်သောအခန်းကဏ္ဍမှ ဆက်လက်ပါဝင်သွားလိုကြောင်း ပြောကြားခဲ့သည်။

နှစ်ဖက်အနေဖြင့် အခြားသောဘုံဂရုပြုကြသည့် နိုင်ငံတကာနှင့် ဒေသတွင်းရေးရာကိစ္စရပ်များကိုလည်း အမြင်သဘောထားများ နက်ရှိုင်းစွာ ဖလှယ်ခဲ့ကြသည်။ (Xinhua)

—————–
(Chinese Version)
王毅同拉夫罗夫共同强调维护二战胜利成果
新华社莫斯科12月2日电（记者栾海）当地时间2025年12月2日，中共中央政治局委员、外交部长王毅在莫斯科会见俄罗斯外长拉夫罗夫。
王毅表示，今年以来，国际环境愈发不稳定、不确定、难预料。在习近平主席和普京总统战略引领下，中俄关系无惧风高浪急，勇于迎难而上，实现高水平、广维度、高质量发展。两国元首结合年内相互出席纪念二战胜利80周年活动，两度深入沟通，共同着眼百年变局，为中俄关系把方向、谋未来，也给世界提供稳定性、确定性。特别是双方一致同意，坚定维护二战胜利成果，坚决反对任何企图为殖民侵略翻案的倒行逆施，发出了主持正义、维护公道的时代强音。中俄作为联合国安理会常任理事国和新时代全面战略协作伙伴，要继续协调配合，坚决遏止日本极右势力破坏地区和平稳定、企图再军事化的挑衅行径。
王毅说，普京总统刚刚签署对中国公民免签令，这是中俄新时代全面战略协作伙伴关系的生动体现，将进一步便利两国人员往来、促进各领域交流合作。中方愿同俄方落实好免签政策，把好事办好。明年是中俄战略协作伙伴关系建立30周年和《中俄睦邻友好合作条约》签署25周年，中俄关系发展将迎来新的历史契机。中方愿继续同俄方一道，全面落实两国元首重要共识，以更坚定的相互支持、更有力的战略协作、更进取的互利合作，给两国人民带来更多福祉，推动国际秩序朝着更加公正合理的方向发展。
拉夫罗夫表示，今年两国元首实现互访，为进一步夯实俄中全面战略协作关系注入新动力。俄方恪守一个中国原则，坚定支持中方在台湾问题上的立场。愿以明年《俄中睦邻友好合作条约》缔结25周年为契机，密切高层交往，深化务实合作，增进人员往来，实现互利共赢。俄方支持中方主办亚太经合组织领导人非正式会议，赞赏并支持习近平主席提出的全球治理倡议，愿同中方共同维护联合国宪章宗旨和原则，加强联合国及其安理会、亚太经合组织、上海合作组织和金砖国家等多边框架下的合作，捍卫两国各自国家利益，维护国际安全稳定。
拉夫罗夫介绍了对乌克兰危机的看法，赞赏中方秉持客观、公正立场，愿同中方保持沟通。王毅阐述了中方一贯立场，表示中方将继续为政治解决危机发挥建设性作用。
双方还就其他共同关心的国际和地区问题深入交换意见。（完）
1. 当地时间2025年12月2日，中共中央政治局委员、外交部长王毅在莫斯科会见俄罗斯外长拉夫罗夫。 新华社记者 郝建伟 摄