သီးနှံရိတ်သိမ်းပွဲတော် မရှေးမနှောင်းကာလတွင် အန်းဟွေးပြည်နယ် တောင်ပိုင်း၏ အကျော်ကြားဆုံးသော ဆောင်းဦးရာသီ

ရှဲ့ခရိုင်၊ စက်တင်ဘာ ၂၃ ရက် (ဆင်ဟွာ)

ယန်ချန်ကျေးရွာလေးသည် တရုတ်နိုင်ငံ အန်းဟွေးပြည်နယ် ဟွမ်ဆန်းမြို့ ရှဲ့ခရိုင် ဆန်းသုမြို့နယ်လေးရှိ တောင်တန်းများကြားတွင် တည်ရှိသည်။ “ယန်ချန်” သည် ယင်းဒေသတွင် “နေမင်းကို မျက်နှာမူ၍ မတ်စောက်သည့် တောင်ကုန်းမြေ” ဟု အဓိပ္ပာယ်ရရာ တောင်ကိုမှီ၍ တည်ဆောက်ထားသော ကျေးရွာလေးဖြစ်သည်။ အခြား အစဉ်အလာ ဟွေးဗိသုကာလက်ရာ ကျေးရွာများရှိ နံရံအဖြူ၊ နက်ပြာရောင် အုတ်ကြွပ်များဖြစ်သော လူနေအိမ်ခြေများနှင့်မတူညီဘဲ ယန်ချန်ကျေးရွာလေးသည် ဆက်တိုက်တည်ရှိနေကာ ရာနှင့်ချီသည့် မြေထည်အဆောက်အဦအုပ်စုဖြင့် နာမည်ကျော်ကြားသည်။

မင်မင်းဆက် ခေတ်နှောင်းပိုင်းနှင့် ချင်းမင်းဆက် ခေတ်ဆန်းပိုင်းတွင် ကနဦး ယန်ချန်ကျေးရွာနေ ပြည်သူများသည် စစ်ရှောင်ရန် ယင်းနေရာသို့ ပြောင်းရွှေ့လာခြင်းဖြစ်သည်ဟု လက်ဆင့်ကမ်းအဆိုများအရ သိရသည်။ နှစ်ပေါင်းရာနှင့်ချီသည့် ကာလတစ်လျှောက်တွင် ရွာသူ၊ ရွာသားများသည် ယင်းဒေသတွင် ကုန်ကြမ်းယူကာ နက်ပြာရောင်ကျောက်တုံးများဖြင့် လမ်းခင်းတံတားဆောက်ခဲ့ကြသလို ဂဝံမြေကြီး၊ သစ်သားများဖြင့် နေအိမ်များကို တည်ဆောက်ခဲ့ကြရာ တစ်စတစ်စ ယှက်နွှယ်၍ စနစ်ကျသော၊ ရိုးရှင်း၍ ခန့်ညားတင့်တယ်သော မြေထည်အဆောက်အဦ အုပ်စု ဖြစ်တည်လာခဲ့သည်။

လက်ရှိ ကျေးရွာအတွင်း၌ ပြည့်စုံကောင်းမွန်စွာ ထိန်းသိမ်းထားသည့် မြေထည်အဆောက်အဦပေါင်း ၃၀၀ ကျော် ရှိပေသေးသည်။ မြေထည်အဆောက်အဦများသည် လက်ရာအနုစိတ်ပြောင်မြောက်မှု မရှိသော်ငြားလည်း တစ်မူထူးခြားသည့် ကျေးလက်တောရွာ၏ အလှတရားကို ပေါ်လွင်စေပေသည်။ ၂၀၁၃ ခုနှစ်တွင် ယန်ချန်ကျေးရွာလေးသည် ဒုတိယအသုတ် တရုတ်နိုင်ငံ၏ ရိုးရာအစဉ်အလာကျေးရွာ အမည်စာရင်းဝင်အဖြစ် ရွေးချယ်ခံခဲ့ရသည်။

ဆောင်းဦးရာသီ ရိတ်သိမ်းပွဲအခါသမယ ရောက်သည့်အခါ၌ ရွာသူ၊ ရွာသားများက နေသာချိန်တွင် ငရုတ်သီး၊ ပြောင်းဖူး၊ တောင်ပေါ်သစ်ကြားသီး စသည့် စိုက်ပျိုးရေးသီးနှံများကို နေအိမ်အရှေ့တွင် နေပူလှန်းလေ့ရှိကြရာ တစ်မူထူးခြားသော “ဆောင်းဦးရာသီ နေလှန်း” သည့် မြင်ကွင်း ဖြစ်ပေါ်လာခဲ့သည်။

ယန်ချန်ကျေးရွာလေးသည် တောတောင်ထူထဲပြီး မြေပြန့်နည်းပါးခြင်းကြောင့် တောင်ပေါ်သစ်ကြားသီး၊ သစ်အယ်သီး၊ လက်ဖက် စသည်တို့ကို အဓိကထား စိုက်ပျိုးကြသည်။ အတိတ်ကာလက ကျေးရွာသို့ လူသူအရောက်အပေါက်နည်းပါးပြီး ရွာသူ၊ ရွာသားများက ရွာနှင့်ဝေးရာသို့ သွားရောက် အလုပ်လုပ်ကိုင်ကြခြင်းကြောင့် “လူနေမဲ့ ကျေးရွာလေး” ဖြစ်ခဲ့သည်။

ယခုနှစ်များတွင် ဒေသန္တရအစိုးရက မြေထည်အဆောက်အဦများနှင့် “ဆောင်းဦးနေလှန်း” အထူးမြင်ကွင်းများဖြင့် ကျေးလက်ခရီးသွားလုပ်ငန်း ဖွံ့ဖြိုးတိုးတက်ရေးကို အားသွန်ခွန်စိုက် လုပ်ဆောင်ခဲ့ရာ ရွာသူ၊ ရွာသားများက ဧည့်လမ်းညွှန်၊ နေအိမ်တည်းခိုခန်း၊ လယ်ယာအပန်းဖြေနေရာများ ဖွင့်လှစ်လုပ်ကိုင်ကြရာမှ ခရီးသွားလုပ်ငန်း၏အကျိုးစီးပွားကို ခံစားလာကြရသည်။

၂၀၂၄ ခုနှစ်တွင် ယန်ချန်ကျေးရွာလေးသည် ခရီးသွားဧည့်သည် အကြိမ်ရေ ၂၁၅,၆၀၀ လက်ခံကြိုဆိုခဲ့ပြီး ၎င်းတို့အနက် ဆောင်းဦးနေလှန်းကာလတွင် ခရီးသွားဧည့်သည် အကြိမ်ရေ ၁၀၀,၀၀၀ နီးပါး လက်ခံခဲ့ရာ ရွာသူ၊ ရွာသားများ၏ တစ်ဦးချင်းအလိုက် နှစ်စဉ်ပျမ်းမျှ ဝင်ငွေသည် ယွမ် ၂၆,၀၀၀ ကျော်ရှိခဲ့ခြင်းကြောင့် ယခင်က အေးတိအေးစက်ဖြစ်ခဲ့သည့် “လူနေမဲ့ ကျေးရွာလေး” သည် ကျော်ကြားသည့် “အွန်လိုင်းနာမည်ကျော် ကျေးရွာလေး” ဖြစ်လာခဲ့သည်။ (Xinhua)

တရုတ်နိုင်ငံ အန်းဟွေးပြည်နယ် ဟွမ်ဆန်းမြို့ ရှဲ့ခရိုင် ဆန်းသုမြို့နယ် ယန်ချန်ကျေးရွာလေးရှိ မြေထည်အဆောက်အဦရှေ့တွင် သီးနှံများ နေလှန်းထားသည်ကို ၂၀၂၅ ခုနှစ် စက်တင်ဘာ ၁၈ ရက်က တွေ့ရစဉ် (ဆင်ဟွာ)

တရုတ်နိုင်ငံ အန်းဟွေးပြည်နယ် ဟွမ်ဆန်းမြို့ ရှဲ့ခရိုင် ဆန်းသုမြို့နယ် ယန်ချန်ကျေးရွာလေးရှိ မြေထည်အဆောက်အဦရှေ့တွင် သီးနှံများ နေလှန်းထားသည်ကို ၂၀၂၅ ခုနှစ် စက်တင်ဘာ ၁၇ ရက်က တွေ့ရစဉ် (ဆင်ဟွာ)

———————–
(Chinese Version)
文化中国行·传统村落人文影像志丨丰收节前后，这里藏着皖南最“红火”的秋
新华社照片，歙县（安徽），2025年9月23日
阳产村位于安徽省黄山市歙县深渡镇的群山之间，“阳产”在当地意为“向阳且陡峭的山坡地”，村落依山而建，不同于传统徽派村落粉墙黛瓦的民居，阳产村以连绵数百栋的土楼建筑群而闻名。 相传明末清初，阳产先民为避战乱迁居至此。数百年来，村民就地取材，采青石铺路架桥，取红壤木材筑屋而居，逐渐形成了错落有致、质朴壮观的土楼建筑群。
目前，村内还有保存完好的土楼建筑300余栋。土楼没有精雕细琢，却呈现出独特的乡土美感。2013年，阳产村入选第二批中国传统村落名录。 时值秋收时节，村民们利用晴好天气，将辣椒、玉米、山核桃等农作物晾晒在房前屋后，形成独具特色的“晒秋”景观。 阳产村山多地少，以种植山核桃、板栗、茶叶等为主。过去，村庄无人问津，村民多外出打工，成了“空心村”。近年来，当地政府依托土楼和“晒秋”特色，大力发展乡村旅游业。村民们当向导、开民宿、办起农家乐，吃上了旅游饭。 2024年，阳产村接待游客21.56万人次，其中晒秋期间接待近10万人次，村民人均年收入超过2.6万元，曾经萧条的“空心村”成了“红火”的“网红村”。
1. 这是9月17日拍摄的安徽省黄山市歙县深渡镇阳产村（无人机照片）。新华社记者 黄博涵 摄
2. 9月18日，阳产村村民在土楼前晾晒农作物（无人机照片）。新华社记者 黄博涵 摄
3. 9月17日，阳产村村民在土楼前晾晒农作物。新华社发（施亚磊 摄）