BRICS နိုင်ငံအကြီးအကဲများ အွန်လိုင်းထိပ်သီးအစည်းအဝေးသို့ ရှီကျင့်ဖိန် တက်ရောက်၍ အရေးကြီးမိန့်ခွန်း ပြောကြား

ပေကျင်း၊ စက်တင်ဘာ ၉ ရက် (ဆင်ဟွာ)
တရုတ်နိုင်ငံ သမ္မတ ရှီကျင့်ဖိန်သည် စက်တင်ဘာ ၈ ရက် ညပိုင်းတွင် BRICS နိုင်ငံအကြီးအကဲများ အွန်လိုင်းထိပ်သီးအစည်းအဝေးသို့ တက်ရောက်၍ “စည်းလုံးညီညွတ်စွာ ပူးပေါင်းဆောင်ရွက်၍ ရှေ့သို့လျှောက်လှမ်းမည်” ခေါင်းစဉ်ဖြင့် အရေးကြီးမိန့်ခွန်း ပြောကြားခဲ့သည်။

ထိပ်သီးအစည်းအဝေးတွင် ဘရာဇီးနိုင်ငံ သမ္မတ လူလာက သဘာပတိအဖြစ် ဆောင်ရွက်ပြီး ရုရှားနိုင်ငံ သမ္မတ ပူတင်၊ တောင်အာဖရိကနိုင်ငံ သမ္မတ Cyril Ramaphosa ၊ အီဂျစ်နိုင်ငံ သမ္မတ အယ်လ်-စီစီ၊ အီရန်နိုင်ငံ သမ္မတ မာဆော့ ပါဇက်ရှ်ကီရမ်၊ အင်ဒိုနီးရှားနိုင်ငံ သမ္မတ ပရာဘိုဝို ဆူဘီယန်တို၊ အာရပ်စော်ဘွားများ ပြည်ထောင်စု (ယူအေအီး) အဘူဒါဘီ အိမ်ရှေ့မင်းသား Sheikh Khalid နှင့် အိန္ဒိယ၊ အီသီယိုးပီးယား ကိုယ်စားလှယ်များ အစည်းအဝေးသို့ တက်ရောက်ခဲ့သည်။

အစည်းအဝေးတွင် ရှီကျင့်ဖိန်က လက်ရှိကမ္ဘာကြီး၏ ရာစုနှစ်ပြောင်းလဲမှု အခင်းအကျင်းသည် အရှိန်မြှင့်ဖြစ်ပေါ်လာနေရာ ဗိုလ်ကျကြီးစိုးမှုဝါဒ၊ တစ်ဖက်သတ်ဝါဒ၊ ကိုယ်ကျိုးစီးပွားကာကွယ်ရေးဝါဒများ ထင်တိုင်းကြဲ ထွက်ပေါ်လာကြောင်း၊ BRICS နိုင်ငံများသည် ကမ္ဘာ့တောင်ဘက်ခြမ်း၏ ပထမဆုံးအုပ်စုအနေဖြင့် တံခါးဖွင့်လှစ်၍ အားလုံးပါဝင်လက်ခံမှု၊ ပူးပေါင်းဆောင်ရွက်၍ ဘုံအကျိုးစီးပွား ဖော်ဆောင်မှုအား မြှင့်တင်သည့် BRICS စိတ်ဓာတ်အား လက်ကိုင်ထားပြီး နိုင်ငံစုံပူးပေါင်းဆောင်ရွက်မှုဝါဒအား အတူတကွ ကာကွယ်၍ နိုင်ငံစုံ ကုန်သွယ်ရေး ယန္တရားအား ကာကွယ်ကာ “Greater BRICS ပူးပေါင်းဆောင်ရွက်မှု” အား တွန်းအားပေး၍ လူသားမျိုးနွယ် အေးအတူပူအမျှ အသိုက်အဝန်းအား လက်တွဲတည်ဆောက်ရမည်ဖြစ်ကြောင်း ထောက်ပြပြောကြားခဲ့သည်။

ရှီကျင့်ဖိန်က အကြံပြုချက် ၃ ရပ် အဆိုပြုခဲ့သည်။

ပထမအနေဖြင့် နိုင်ငံစုံပူးပေါင်းဆောင်ရွက်မှုဝါဒအား လက်ကိုင်ထားကာ နိုင်ငံတကာ တရားမျှတမှုနှင့် သမာသမတ်ကျမှုအား ကာကွယ်ရမည်ဖြစ်ကြောင်း၊ နိုင်ငံစုံ ပူးပေါင်းဆောင်ရွက်မှုဝါဒသည် ပြည်သူများ၏ဆန္ဒနှင့် ပင်မရေစီးကြောင်းဖြစ်သည့်အပြင် ကမ္ဘာကြီး ငြိမ်းချမ်းမှုနှင့် ဖွံ့ဖြိုးတိုးတက်မှုအတွက် အရေးကြီးအားကိုးရာဖြစ်ကြောင်း၊ မိမိအနေဖြင့် ကမ္ဘာလုံးဆိုင်ရာ စီမံခန့်ခွဲမှု အစီအမံ (GGI) အား အဆိုပြုခြင်းသည် နိုင်ငံအသီးသီး အတူလက်တွဲလှုပ်ရှားမှုအား တွန်းအားပေးကာ ပိုမိုတရားမျှတ၍ ကျိုးကြောင်းဆီလျော်သော ကမ္ဘာလုံးဆိုင်ရာ စီမံခန့်ခွဲမှုစနစ်အား တည်ဆောက်ရန် ရည်ရွယ်ကြောင်း ၎င်းက ပြောကြားခဲ့သည်။

အတူဆွေးနွေး၊ အတူတည်ဆောက်၊ အတူမျှဝေမှုကို လက်ကိုင်ထား၍ ကုလသမဂ္ဂအား ဗဟိုပြုသည့် နိုင်ငံတကာစနစ်နှင့် နိုင်ငံတကာဥပဒေအား အခြေခံသည့် နိုင်ငံတကာစည်းစနစ်အား ကာကွယ်ပြီး နိုင်ငံစုံ ပူးပေါင်းဆောင်ရွက်မှုဝါဒ အခြေခံအား ခိုင်မြဲအောင် လုပ်ဆောင်ရမည်ဖြစ်ကြောင်း၊ နိုင်ငံတကာဆက်ဆံရေး ဒီမိုကရေစီအသွင်ပြောင်းမှုအား တက်ကြွစွာ တွန်းအားပေး၍ ကမ္ဘာ့တောင်ဘက်ခြမ်းနိုင်ငံများ၏ ကိုယ်စားပြုနိုင်မှုနှင့် ထုတ်ဖော်ပြောဆိုခွင့်အား မြှင့်တင်ရမည်ဖြစ်ကြောင်း၊ ကမ္ဘာလုံးဆိုင်ရာ စီမံခန့်ခွဲမှုစနစ်အား ပြုပြင်ပြောင်းလဲ၍ ကောင်းမွန်ပြည့်စုံအောင် ဆောင်ရွက်ခြင်းဖြင့် ဘက်ပေါင်းစုံအရင်းအမြစ်များအား အပြည့်အဝ ညှိနှိုင်းအသုံးပြုကာ လူသားမျိုးနွယ် လူမှုအသိုက်အဝန်းက ရင်ဆိုင်ရသည့် ဘုံစိန်ခေါ်မှုများအား ပိုမိုကောင်းမွန်စွာ ကိုင်တွယ်စီမံရမည်ဖြစ်ကြောင်း ရှီကျင့်ဖိန်က ပြောကြားသည်။

ဒုတိယအနေဖြင့် တံခါးဖွင့်လှစ်၍ ဘုံအကျိုးစီးပွားဖော်ဆောင်မှုကို လက်ကိုင်ထားပြီး နိုင်ငံတကာ ကုန်သွယ်စီးပွားရေး စည်းစနစ်အား ကာကွယ်ရမည်ဖြစ်ကြောင်း၊ စီးပွားရေး ဂလိုဘယ်လိုက်ဇေးရှင်းသည် တားဆီး၍မရသော သမိုင်းရေစီးကြောင်းဖြစ်ကြောင်း၊ နိုင်ငံအသီးသီး၏ ဖွံ့ဖြိုးတိုးတက်မှုသည် တံခါးဖွင့်လှစ်၍ ပူးပေါင်းဆောင်ရွက်သည့် နိုင်ငံတကာ ပတ်ဝန်းကျင်နှင့် ကင်းကွာ၍ မရသလို မည်သူကမျှ မိမိကိုယ်ကို တံခါးပိတ်ထားသော အထီးကျန်ကျွန်းငယ်ဘဝသို့ ပြန်လည်နောက်ဆုတ်သွား၍မရကြောင်း ၎င်းက ပြောကြားခဲ့သည်။

တံခါးဖွင့်လှစ်မှုပုံစံ ကမ္ဘာ့စီးပွားရေး တည်ဆောက်မှုအား မမှိတ်မသုန် စွဲမြဲစွာ တွန်းအားပေး၍ တံခါးဖွင့်လှစ်မှုတွင် အခွင့်အလမ်းများ မျှဝေကာ ဘုံအကျိုးစီးပွား ဖော်ဆောင်ရမည်ဖြစ်ကြောင်း၊ ကမ္ဘာ့ကုန်သွယ်ရေးအဖွဲ့ (WTO) ကို ဗဟိုပြုသည့် နိုင်ငံစုံကုန်သွယ်ရေးစနစ်ကို ကာကွယ်၍ ကိုယ်ကျိုးစီးပွား ကာကွယ်ရေးဝါဒ ပုံစံအားလုံးအား ဆန့်ကျင်ရမည်ဖြစ်ကြောင်း၊ ကျယ်ကျယ်ပြန့်ပြန့် အကျိုးပြု၍ အားလုံးပါဝင်သည့် စီးပွားရေး ဂလိုဘယ်လိုက်ဇေးရှင်းအား အဆိုပြု၍ ဖွံ့ဖြိုးတိုးတက်မှုကို နိုင်ငံတကာလုပ်ငန်းစဉ်၏ ဗဟိုနေရာ၌ ထားရှိကာ ကမ္ဘာ့တောင်ဘက်ခြမ်းနိုင်ငံများကို နိုင်ငံတကာ ပူးပေါင်းဆောင်ရွက်မှုတွင် တရားမျှတစွာ ပါဝင်စေပြီး ဖွံ့ဖြိုးတိုးတက်မှု ရလဒ်များ အတူမျှဝေနိုင်စေရန် လုပ်ဆောင်ရမည်ဖြစ်ကြောင်း ရှီကျင့်ဖိန်က ပြောကြားခဲ့သည်။

တတိယအနေဖြင့် စည်းလုံးညီညွတ်စွာ ပူးပေါင်းဆောင်ရွက်မှုအား လက်ကိုင်ထား၍ အတူတကွ ဖွံ့ဖြိုးတိုးတက်မှု ပေါင်းစပ်အင်အားကို စုစည်းရမည်ဖြစ်ကြောင်း၊ BRICS နိုင်ငံများ၏ လူဦးရေသည် တစ်ကမ္ဘာလုံး၏ ထက်ဝက်နီးပါးခန့်ရှိကာ စီးပွားရေး စုစုပေါင်းပမာဏသည်လည်း တစ်ကမ္ဘာလုံး၏ ၃၀ ရာခိုင်နှုန်းခန့် ရှိပြီး ကုန်သွယ်ရေး စုစုပေါင်းပမာဏသည် တစ်ကမ္ဘာလုံး၏ ငါးပုံတစ်ပုံရှိကြောင်း၊ BRICS နိုင်ငံများ ပူးပေါင်းဆောင်ရွက်မှု ပိုမိုနီးကပ်လာလေ ပြည်ပအန္တရာယ် စိန်ခေါ်မှုများအား ရင်ဆိုင်နိုင်သည့် ယုံကြည်မှုသည်လည်း ပိုမိုပြည့်ဝလာလေဖြစ်ပြီး နည်းလမ်းပိုများလာကာ ရလဒ်ပိုမိုကောင်းမွန်လာကြောင်း ၎င်းက ပြောကြားခဲ့သည်။

တရုတ်နိုင်ငံအနေဖြင့် အခြား BRICS နိုင်ငံများနှင့်အတူ ကမ္ဘာလုံးဆိုင်ရာ ဖွံ့ဖြိုးတိုးတက်မှု အစီအမံ (GDI) အား အကောင်အထည်ဖော်ကာ “ရပ်ဝန်းနှင့် ပိုးလမ်းမ” အရည်အသွေးမြင့် အတူတည်ဆောက်မှုကို တွန်းအားပေး၍ ကိုယ်စီ၏ အားသာချက်များ အသုံးပြုကာ လက်တွေ့ပူးပေါင်းဆောင်ရွက်မှုများ နက်ရှိုင်းလာစေရန် လုပ်ဆောင်သွားမည်ဖြစ်ကြောင်း၊ ကုန်သွယ်စီးပွားရေး၊ ဘဏ္ဍာရေး၊ သိပ္ပံနည်းပညာ စသည့် ကဏ္ဍများတွင် ပိုမိုများပြားသည့် ပူးပေါင်းဆောင်ရွက်မှု ရလဒ်များအား ဖန်တီးကာ “Greater BRICS ပူးပေါင်းဆောင်ရွက်မှု” အခြေခံ ပိုမိုခိုင်မြဲလာစေရန်၊ လှုပ်ရှားမှုစွမ်းအား ပိုမိုပြည့်ဝလာစေရန်၊ ဩဇာအရှိန်အဝါ ပိုမိုကြီးမားလာစေရန် လုပ်ဆောင်၍ နိုင်ငံအသီးသီးပြည်သူများအား ပိုမိုများပြားစွာနှင့် ကောင်းမွန်စွာ အကျိုးပြုသွားလိုကြောင်း ရှီကျင့်ဖိန်က ပြောကြားခဲ့သည်။

အစည်းအဝေး တက်ရောက်လာသော နိုင်ငံအကြီးအကဲများက လက်ရှိတွင် တစ်ဖက်သတ်ဝါဒနှင့် ဗိုလ်ကျအနိုင်ကျင့်မှုလုပ်ရပ်သည် နိုင်ငံတကာစည်းစနစ်အပေါ် ထိုးနှက်မှုများ ဖြစ်နေပြီး နိုင်ငံတကာဥပဒေနှင့် နိုင်ငံတကာစည်းမျဉ်းစည်းကမ်းများသည် ခြိမ်းခြောက်မှုခံနေရကြောင်း၊ ကုန်သွယ်ရေးသည် တစ်ပါးနိုင်ငံ ပြည်တွင်းရေးအား ဝင်ရောက်စွက်ဖက်သည့် ကိရိယာဖြစ်လာပြီး ကမ္ဘာကြီး ငြိမ်းချမ်းမှုနှင့် ဖွံ့ဖြိုးတိုးတက်မှုအား ဆိုးရွားစွာ အကျိုးသက်ရောက်မှု ဖြစ်စေကြောင်း ပြောကြားခဲ့သည်။

BRICS နိုင်ငံများအနေဖြင့် စည်းလုံးညီညွတ်စွာ ညှိနှိုင်းပူးပေါင်းဆောင်ရွက်မှုအား မြှင့်တင်ကာ အကျပ်အတည်း စိန်ခေါ်မှုများကို လက်တွဲရင်ဆိုင်ရမည်ဖြစ်ကြောင်း၊ နိုင်ငံစုံပူးပေါင်းဆောင်ရွက်မှုဝါဒအား အတူတကွ ကာကွယ်ကာ လွတ်လပ်၍ တံခါးဖွင့်လှစ်သော နိုင်ငံတကာကုန်သွယ်ရေးစနစ်အား ကာကွယ်ရမည့်အပြင် ကမ္ဘာ့တောင်ဘက်ခြမ်း၏ ဘုံအကျိုးစီးပွားကိုလည်း ကာကွယ်ရမည်ဖြစ်ကြောင်း ပြောကြားခဲ့သည်။

နိုင်ငံအသီးသီးမှ အကြီးအကဲများက သမ္မတ ရှီကျင့်ဖိန် အဆိုပြုသည့် ကမ္ဘာလုံးဆိုင်ရာ စီမံခန့်ခွဲမှု အစီအမံ (GGI) သည် ချက်ကျလက်ကျ ထိမိမှုရှိပြီးကမ္ဘာလုံးဆိုင်ရာ စီမံခန့်ခွဲမှုအား ကောင်းမွန်ပြည့်စုံစေသည့် ဦးတည်ချက်နှင့် လမ်းကြောင်းအား လမ်းညွှန်ပေးသည်ဟု ယူဆကြသည်။
ဘက်အသီးသီးက ယူကရိန်းအကျပ်အတည်း၊ ဂါဇာပဋိပက္ခ စသည့် အများအာရုံစိုက်သော ကိစ္စရပ်များနှင့် စပ်လျဉ်း၍ ချိတ်ဆက်မှု ထိန်းသိမ်းထားရန်၊ ယူကရိန်းအကျပ်အတည်း “ငြိမ်းချမ်းရေးမိတ်ဆွေ” အဖွဲ့ငယ်၏ အခန်းကဏ္ဍအား အသုံးပြုရန်၊ ပါလက်စတိုင်း အရေးကိစ္စအား ဖြေရှင်းသည့် “နှစ်နိုင်ငံ ဖြေရှင်းရေး နည်းလမ်း” အား လက်ကိုင်ထားရန်၊ အရှေ့အလယ်ပိုင်းဒေသ ငြိမ်းချမ်းတည်ငြိမ်မှုအား ကာကွယ်ရန်လည်း သဘောတူခဲ့ကြသည်။

အထက်ပါအစည်းအဝေးသို့ ချိုက်ချီ၊ ဝမ်ရိ တို့ တက်ရောက်ခဲ့ကြောင်း သိရသည်။ (Xinhua)

——————
(Chinese Version)
习近平出席金砖国家领导人线上峰会并发表重要讲话
新华社北京9月8日电（记者杨依军、邵艺博）9月8日晚，国家主席习近平出席金砖国家领导人线上峰会，并发表题为《团结合作　砥砺前行》的重要讲话。
巴西总统卢拉主持峰会，俄罗斯总统普京、南非总统拉马福萨、埃及总统塞西、伊朗总统佩泽希齐扬、印度尼西亚总统普拉博沃、阿联酋阿布扎比王储哈立德以及印度、埃塞俄比亚代表与会。
习近平指出，当前，世界百年变局加速演进，霸权主义、单边主义、保护主义甚嚣尘上。金砖国家作为全球南方第一方阵，要坚持弘扬开放包容、合作共赢的金砖精神，共同捍卫多边主义，维护多边贸易体制，推进“大金砖合作”，携手构建人类命运共同体。
习近平提出3点建议：
第一，坚持多边主义，捍卫国际公平正义。多边主义是人心所向、大势所趋，是世界和平与发展的重要依靠。我提出全球治理倡议，旨在推动各国携手行动，构建更加公正合理的全球治理体系。要坚持共商共建共享，维护以联合国为核心的国际体系和以国际法为基础的国际秩序，夯实多边主义根基。积极推进国际关系民主化，提升全球南方国家的代表性和发言权。通过改革完善全球治理体系，充分调动各方资源，更好应对人类社会面临的共同挑战。
第二，坚持开放共赢，维护国际经贸秩序。经济全球化是不可阻挡的历史潮流。各国发展离不开开放合作的国际环境，谁也不能退回到自我封闭的孤岛。要坚定不移推动构建开放型世界经济，在开放中分享机遇、实现共赢；维护以世界贸易组织为核心的多边贸易体制，抵制一切形式的保护主义；倡导普惠包容的经济全球化，将发展置于国际议程的中心位置，让全球南方国家公平参与国际合作、共享发展成果。
第三，坚持团结合作，凝聚共同发展合力。金砖国家人口占世界近一半，经济总量约占世界30%，贸易总额占世界五分之一。金砖国家合作越紧密，应对外部风险挑战的底气就越足、办法就越多、效果就越好。中方愿同其他金砖国家一道，落实全球发展倡议，推进高质量共建“一带一路”，发挥各自优势，深化务实合作，在经贸、金融、科技等领域打造更多合作成果，让“大金砖合作”基础更牢、动能更足、影响更大，更多更好惠及各国人民。（讲话全文另发）
与会领导人表示，当前，单边主义和霸凌行径冲击国际秩序，国际法和国际规则受到威胁，贸易成为干涉别国内政的工具，严重影响世界和平与发展。金砖国家要加强团结协作，携手应对危机挑战，共同维护多边主义，维护自由开放的国际贸易体制，维护全球南方共同利益。各国领导人认为习近平主席提出的全球治理倡议切中要害，指明了完善全球治理的方向和路径。各方还同意继续就乌克兰危机、加沙冲突等热点问题保持沟通，发挥乌克兰危机“和平之友”小组作用，坚持解决巴勒斯坦问题的“两国方案”，维护中东地区和平稳定。
蔡奇、王毅等参加。（完）
图说：9月8日晚，国家主席习近平出席金砖国家领导人线上峰会，并发表题为《团结合作　砥砺前行》的重要讲话。 新华社记者 刘彬 摄