တရုတ်နိုင်ငံ သမ္မတ ရှီကျင့်ဖိန်က ရုရှားဖက်ဒရေးရှင်းကောင်စီ ဥက္ကဋ္ဌအား လက်ခံတွေ့ဆုံ

ပေကျင်း၊ ဇူလိုင် ၁၁ ရက် (ဆင်ဟွာ)

ပုံစာ – တရုတ်နိုင်ငံ သမ္မတ ရှီကျင့်ဖိန်နှင့် အလည်အပတ်ရောက်ရှိနေသော ရုရှားဖက်ဒရေးရှင်းကောင်စီ ဥက္ကဋ္ဌ ဗယ်လန်တီနာ မတ်ဗီယန်ကိုတို့ ပေကျင်းမြို့တော်၌ ၂၀၂၃ ခုနှစ် ဇူလိုင် ၁၀ ရက်က တွေ့ဆုံစဉ် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်သည် တရုတ်နိုင်ငံသို့ အလည်အပတ်ရောက်ရှိနေသော ရုရှားဖက်ဒရေးရှင်းကောင်စီ ဥက္ကဋ္ဌ ဗယ်လန်တီနာ မတ်ဗီယန်ကို (Valentina Matviyenko) အား ပေကျင်းမြို့တော်၌ ဇူလိုင် ၁၀ ရက်က လက်ခံတွေ့ဆုံခဲ့ကြောင်း သိရသည်။

တရုတ်နှင့် ရုရှား နှစ်နိုင်ငံကြိုးပမ်းအားထုတ်မှုများအရ တရုတ်-ရုရှား ဆက်ဆံရေးသည် နယ်ပယ်စုံ ပူးပေါင်းဆောင်ရွက်မှု၌ ပုံမှန်တိုးတက်မှုဖြင့် ခိုင်မာ၍ တည်ငြိမ်သော ဖွံ့ဖြိုးတိုးတက်မှုအရှိန်အဟုန်ကို ထိန်းထားနိုင်ခဲ့ကြောင်း ရှီက မှတ်ချက်ပြုခဲ့သည်။ နှစ်နိုင်ငံကြား ကာလရှည်ချစ်ကြည်ရင်းနှီးမှုဆိုင်ရာ လူမှုအခြေခံနှင့် ပြည်သူ့ဆန္ဒပံ့ပိုးမှုကလည်း ပိုမိုခိုင်မာလာခဲ့သည်။

“ဒီနှစ် မတ်လတုန်းက ရုရှားခရီးစဉ်အတွင်း သမ္မတ ပူတင်နဲ့ ကျွန်တော်တို့ နှစ်နိုင်ငံ ဘက်စုံ မဟာဗျူဟာမြောက် ညှိနှိုင်းဆောင်ရွက်မှုနဲ့ နယ်ပယ်စုံမှာ လက်တွေ့ပူးပေါင်းဆောင်ရွက်မှု နက်ရှိုင်းစေဖို့ အရေးပါတဲ့ သဘောတူညီချက်အသစ်တွေ ရရှိခဲ့ပါတယ်” ဟု ရှီက ပြောကြားခဲ့သည်။ တရုတ်-ရုရှား ဆက်ဆံရေး ဖွံ့ဖြိုးတိုးတက်မှုသည် မဟာဗျူဟာမြောက် ရွေးချယ်မှုဖြစ်ပြီး နှစ်နိုင်ငံအနေဖြင့် ၎င်းတို့၏ နိုင်ငံနှင့် ပြည်သူအသီးသီး၏ အခြေခံအကျိုးစီးပွားအပေါ် အခြေပြုထားကြောင်း ရှီက မှတ်ချက်ပြုခဲ့သည်။

ထို့ပြင် တရုတ်နိုင်ငံအနေဖြင့် ရုရှားနိုင်ငံနှင့်အတူ အပြန်အလှန်ကူညီဖေးမမှု၊ နက်ရှိုင်းသောပေါင်းစည်းမှု၊ ဆန်းသစ်တီထွင်မှုနှင့် အများအကျိုးနှင့် ဘုံအကျိုးဖြစ်ထွန်းစေသော ခေတ်သစ်မဟာဗျူဟာမြောက် မိတ်ဖက်ဆက်ဆံရေး တိုးတက်မှုရှိစေရေးအတွက် ဆက်လက်ဆောင်ရွက်သွားမည်ဖြစ်ကြောင်း ရှီက ပြောခဲ့သည်။

ရုရှားဖက်ဒရေးရှင်းကောင်စီ ဥက္ကဋ္ဌ ဗယ်လန်တီနာ မတ်ဗီယန်ကိုကလည်း ရုရှားဖက်ဒရေးရှင်းကောင်စီအနေဖြင့် ရုရှား-တရုတ် ပူးပေါင်းဆောင်ရွက်မှု နက်ရှိုင်းစေရေးအတွက် ပံ့ပိုးသွားမည်ဖြစ်ကြောင်းနှင့် နှစ်နိုင်ငံ ခေါင်းဆောင်များ၏ သဘောတူညီချက်များ အကောင်အထည်ဖော်ရေးအတွက် ဥပဒေရေးရာအာမခံမှုပံ့ပိုးရန် တရုတ်ပြည်လုံးဆိုင်ရာ ပြည်သူ့ကွန်ဂရက်နှင့်အတူ အားကောင်းသော ကူးလူးဖလှယ်မှုများ ဆောင်ရွက်သွားလိုကြောင်း ပြောကြားခဲ့သည်။ (Xinhua)

………………………………
(English Version)

Xi meets Russian Federation Council speaker

BEIJING, July 10 (Xinhua) — Chinese President Xi Jinping on Monday met with visiting Russian Federation Council Speaker Valentina Matviyenko in Beijing.

Xi noted that with joint efforts of both sides, China-Russia relations have maintained a sound and steady development momentum, with steady progress in cooperation in various fields. The social foundations and popular support for the long-term friendship between the two countries have become more solid.

“During my state visit to Russia in March this year, President Putin and I reached new and important consensus on deepening bilateral comprehensive strategic coordination and practical cooperation in various fields,” Xi said, noting that the development of China-Russia relations is a strategic choice that the two countries have made based on the fundamental interests of their respective countries and peoples.

China will continue to work with Russia to develop a comprehensive strategic partnership of coordination for a new era, featuring mutual assistance, in-depth integration, innovation and win-win outcomes for all, Xi said.

The Russian Federation Council supports deepening Russia-China cooperation and is willing to strengthen exchanges with China’s National People’s Congress to provide a legal guarantee for the implementation of the consensus of the two heads of state, Matviyenko said.

Photo 1,2: Chinese President Xi Jinping meets with visiting Russian Federation Council Speaker Valentina Matviyenko at the Great Hall of the People in Beijing, capital of China, July 10, 2023. (Xinhua/Huang Jingwen)