CIIE ပြပွဲက ဖွံ့ဖြိုးမှုနည်းပါးသောနိုင်ငံများအတွက် ကုန်သွယ်ရေး အခွင့်အလမ်းများကို ဖန်တီးပေး

ရှန်ဟိုင်း၊ နိုဝင်ဘာ ၁၁ ရက် (ဆင်ဟွာ)

အီဇစ် ဆာဘီရော့ဗ်မှာ တရုတ်နိုင်ငံတကာသွင်းကုန်ပြပွဲ (CIIE) တွင် မန်ဒရင်းဘာသာစကားကို ၎င်းတတ်သလောက်မှတ်သလောက် ပြောဆိုကာ ပျားရည်ကို မိတ်ဆက်ကြော်ငြာလျက်ရှိသည်။ ၎င်းအနေဖြင့် CIIE ပြပွဲအတွက် ရှန်ဟိုင်းမြို့သို့ တတိယအကြိမ် လာရောက်ခြင်းဖြစ်သော်လည်း ယခုနှစ်မှာ သိသိသာသာ ထူးခြားနေကာ ကာဂျစ္စတန်နိုင်ငံက နိုင်ငံကိုယ်စားပြု သီးခြားပြခန်းကို ပထမဆုံးအကြိမ် ဖွင့်လှစ်ခဲ့ခြင်းဖြစ်သည်။

အဆိုပါလူငယ်လေးမှာ CIIE ပြပွဲသို့ ပထမဆုံးအကြိမ် လာရောက်ခဲ့စဉ်က ပျားရည်ဖြူတစ်မျိုးတည်းကိုသာ ယူဆောင်လာခဲ့သော်လည်း ယခုတစ်ကြိမ်တွင်မူ ခေါင်းကိုက်ခြင်းနှင့် ညဘက်အိပ်မပျော်သည့်ရောဂါတို့ကိုသက်သာစေသလို သွေးလည်ပတ်မှုကိုလည်း အားကောင်းစေသည့် ပျားရည်အမျိုးအစားတစ်မျိုး အပါအဝင် ထွက်ကုန်အမျိုးမျိုးကို ခင်းကျင်းပြသထားခဲ့သည်။
“CIIE က ကာဂျစ္စတန်နိုင်ငံရဲ့ ပျားရည်ကုန်သွယ်မှုကို အသွင်ပြောင်းလဲပေးခဲ့တယ်” ဟု ဆာဘီရော့ဗ်က ဆင်ဟွာသို့ ပြောကြားခဲ့သည်။
မူလက ပြည်တွင်းဈေးကွက်၌သာ အဓိကရောင်းချလေ့ရှိသည့် အနံ့အရသာ ထူးကဲစုံလင်လှသော ထိုပျားရည်ကို လက်ရှိတွင် ကာဂျစ္စတန်နိုင်ငံ ဘစ်ရှ်ကက်မြို့မှ တရုတ်နိုင်ငံ အနောက်မြောက်ပိုင်း ရှင်းကျန်း (ဝေဂါ) ကိုယ်ပိုင်အုပ်ချုပ်ခွင့်ရဒေသသို့ တရုတ်-ဥရောပ ကုန်တင်ရထားများဖြင့် ပုံမှန်ပို့ဆောင်ပေးလျက်ရှိသည်။ ရှင်းကျန်းဒေသမှာ တရုတ်နိုင်ငံအား ဗဟိုအာရှ၊ ဥရောပဒေသတို့နှင့် ချိတ်ဆက်ပေးထားသော အရေးပါသည့် တံခါးပေါက်တစ်ခုပင်ဖြစ်သည်။

“CIIE က တရုတ်နိုင်ငံမှာ ပျားရည်ထွက်ကုန်တွေကို ပိုမိုလူကြိုက်များစေခဲ့ပြီး ကာဂျစ္စတန်က ပျားမွေးမြူသူတွေအတွက် အခွင့်အလမ်းတွေကို ပိုမိုဖန်တီးပေးခဲ့ပါတယ်” ဟု ဆာဘီရော့ဗ်က ဆိုသည်။ CIIE ပြပွဲ၌ နိုင်ငံအသီးသီးမှ နိုင်ငံကိုယ်စားပြု ပြခန်းများက နိုင်ငံငယ်များနှင့် ဖွံ့ဖြိုးဆဲနိုင်ငံများအတွက် စီးပွားရေးအခွင့်အလမ်းများကို ပိုမိုဖန်တီးပေးနိုင်ခဲ့သည်ဟု ၎င်းက မှတ်ချက်ပြုခဲ့သည်။
“ကျွန်တော်တို့ပြခန်းနားမှာဆိုရင် ပြင်သစ်နဲ့ အီတလီတို့လို ဥရောပကုန်သွယ်ရေး အင်အားကြီးနိုင်ငံတွေတင်မကဘဲ ဗဟိုအာရှ၊ အာဖရိကနဲ့ လက်တင်အမေရိကက နိုင်ငံတွေကိုလည်း တွေ့နိုင်တယ်လေ။ ဒီနေရာက မျှမျှတတရှိပြီး ရင်းနှီးပွင့်လင်းတဲ့ စီးပွားရေးဝန်းကျင်တစ်ခုပဲလို့ ခံစားမိပါတယ်” ဟု ၎င်းက ဆက်လက်ပြောကြားသည်။
CIIE ပြပွဲမှာ သွင်းကုန်ပစ္စည်းများအတွက် သီးသန့်ရည်ရွယ်သည့် ကမ္ဘာ့ပထမဆုံး နိုင်ငံအဆင့် ကုန်စည်ပြပွဲဖြစ်သည်။ ယခုနှစ်တွင်ကျင်းပသည့် ၈ ကြိမ်မြောက် CIIE ပြပွဲတွင် ပါဝင်ပြသသည့် အတိုင်းအတာပမာဏအရ စံချိန်သစ်တင်နိုင်ခဲ့ကြောင်း သိရသည်။ ဤပြပွဲတွင် နိုင်ငံ၊ ဒေသနှင့် နိုင်ငံတကာအဖွဲ့အစည်း ၁၅၅ ခုမှ ပါဝင်ပြသခဲ့ပြီး ပြည်ပမှလာရောက်၍ ပြပွဲပြသသူပေါင်း ၄,၁၀၈ ဦးရှိကာ စုစုပေါင်း ပြပွဲဧရိယာအကျယ်အဝန်းမှာ စတုရန်းမီတာ ၄၃၀,၀၀၀ ကျော်ရှိကြောင်း တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနထံမှ သိရသည်။
ဆာဘီရော့ဗ်သည်လည်း ရှန်ဟိုင်းမြို့တွင် ကျင်းပသည့် အဆိုပါ အထင်ကရပြပွဲမှ အကျိုးအမြတ်များရရှိခဲ့သူ များစွာအနက် တစ်ဦးအပါအဝင်ဖြစ်သည်။ (Xinhua)

သတင်းအပြည့်အစုံကို ဖော်ပြပါလင့်ခ်မှတစ်ဆင့် ဝင်ရောက်ဖတ်ရှုနိုင်ပါသည်။ xhtxs.cn/75k

တရုတ်နိုင်ငံ အရှေ့ပိုင်း ရှန်ဟိုင်းမြို့တွင် ကျင်းပသည့် ၈ ကြိမ်မြောက် တရုတ်နိုင်ငံတကာသွင်းကုန်ပြပွဲအတွင်း ရဝမ်ဒါနိုင်ငံပြခန်း၌ အကဖြင့် ဖျော်ဖြေတင်ဆက်နေသူများအား ၂၀၂၅ ခုနှစ် နိုဝင်ဘာ ၅ ရက်က တွေ့ရစဉ် (ဆင်ဟွာ)

တရုတ်နိုင်ငံ အရှေ့ပိုင်း ရှန်ဟိုင်းမြို့တွင် ကျင်းပသည့် ၈ ကြိမ်မြောက် တရုတ်နိုင်ငံတကာသွင်းကုန်ပြပွဲအတွင်း ရဝမ်ဒါနိုင်ငံပြခန်း၌ မေးမြန်းပြောဆိုနေသူများအား ၂၀၂၅ ခုနှစ် နိုဝင်ဘာ ၇ ရက်က တွေ့ရစဉ် (ဆင်ဟွာ)

………………
(English Version)
CIIE provides trade opportunities for less developed countries
SHANGHAI, Nov. 9 (Xinhua) — Eziz Sabirov is promoting honey via his limited Mandarin at the China International Import Expo (CIIE). This is the third time he has come to Shanghai for the event, but this year is notably different, with Kyrgyzstan having set up its own national pavilion for the first time.
The young man, who brought only white honey to the CIIE at first, showcased a variety of products this time around, including a type of honey which can relieve headaches and insomnia, while also promoting blood circulation.
“The CIIE changed the honey trade of Kyrgyzstan,” Sabirov told Xinhua.
Honey featuring a variety of flavors, originally mainly sold in the domestic market, is now being regularly transported by China-Europe freight trains from Bishkek in Kyrgyzstan to Horgos in northwest China’s Xinjiang Uygur Autonomous Region — a key gateway connecting China with Central Asia and Europe.
“The CIIE has boosted the popularity of our honey products in China and created more opportunities for Kyrgyz beekeepers,” Sabirov said. He also noted that national pavilions of different countries at the CIIE have ended up offering more business opportunities for small and developing countries.
“Near our booth, we can see not only European trading powers like France and Italy, but also countries from Central Asia, Africa and Latin America. Here we feel a fair, open and friendly business environment.”
CIIE is the world’s first national-level exposition dedicated to imports. The 8th CIIE this year has set a new record in terms of scale. It boasts participation from 155 countries, regions and international organizations — with 4,108 overseas exhibitors and a total exhibition area of over 430,000 square meters, according to the Ministry of Commerce.
Sabirov is one of many to have benefited from this iconic Shanghai event.
English Caption 1
An exhibitor shows fans and moisturizing lotion from Ghana at the Food and Agricultural Products exhibition area during the eighth China International Import Expo in east China’s Shanghai, Nov. 7, 2025. (Xinhua/Fang Zhe)
English Caption 2
Actors perform dance at the Rwanda Pavilion of the eighth China International Import Expo (CIIE) in east China’s Shanghai, Nov. 5, 2025. (Xinhua/Wang Zecong)
English Caption 3
People talk at the pavilion of Rwanda during the 8th China International Import Expo (CIIE) in east China’s Shanghai, Nov. 7, 2025. (Xinhua/Ren Pengfei)