တရုတ်နိုင်ငံအနေဖြင့် ရုရှားနိုင်ငံနှင့် စွမ်းအင်ဆိုင်ရာ ပူးပေါင်းဆောင်ရွက်မှုများ နက်နက်ရှိုင်းရှိုင်း လုပ်ဆောင်သွားမည်ဟု တရုတ်နိုင်ငံ ဒုတိယဝန်ကြီးချုပ် ပြောကြား

ပေကျင်း၊ နိုဝင်ဘာ ၂၆ ရက် (ဆင်ဟွာ)

၇ ကြိမ်မြောက် တရုတ်-ရုရှား စွမ်းအင်လုပ်ငန်းဖိုရမ်အား တရုတ်နိုင်ငံ ပေကျင်းမြို့တွင် နိုဝင်ဘာ ၂၅ ရက်က ဖွင့်လှစ်ကျင်းပခဲ့ရာ တရုတ်နိုင်ငံ ဒုတိယဝန်ကြီးချုပ် တင်းရွှဲရှန်က ဖွင့်ပွဲအခမ်းအနား၌ မိန့်ခွန်းပြောကြားခဲ့ပြီး သမ္မတ ရှီကျင့်ဖိန်၏ ဂုဏ်ပြုသဝဏ်လွှာကို ဖတ်ကြားခဲ့ကြောင်း သိရသည်။
နှစ်နိုင်ငံခေါင်းဆောင်များအနေဖြင့် ယခုနှစ်အတွင်း တွေ့ဆုံဆွေးနွေးမှုများ၊ တယ်လီဖုန်းဖြင့် ဆက်သွယ်ဆွေးနွေးမှုများ အကြိမ်ကြိမ်ပြုလုပ်ခဲ့သလို ယခုဖိုရမ်သို့လည်း ဂုဏ်ပြုသဝဏ်လွှာများ ထပ်မံပေးပို့ခဲ့ကာ တရုတ်-ရုရှား စွမ်းအင်ဆိုင်ရာ ဘက်စုံမိတ်ဖက်ပူးပေါင်းဆောင်ရွက်ရေး စဉ်ဆက်မပြတ် ခိုင်မာအားကောင်းစေရေးအတွက် မဟာဗျူဟာမြောက် လမ်းညွှန်မှုများ ချမှတ်ခဲ့သည်ဟု တရုတ်ကွန်မြူနစ်ပါတီ (CPC) ဗဟိုကော်မတီ နိုင်ငံရေးဗျူရိုအမြဲတမ်းကော်မတီဝင်လည်းဖြစ်သူ တင်းက ပြောကြားခဲ့သည်။
၂၀ ကြိမ်မြောက် CPC ဗဟိုကော်မတီ စတုတ္ထအကြိမ် မျက်နှာစုံညီအစည်းအဝေး၌ တရုတ်နိုင်ငံ၏ အဆင့်မြင့်မားသော တံခါးဖွင့်လှစ်မှုတိုးချဲ့ရေးနှင့် စွမ်းအင်နယ်ပယ်တွင် ထိပ်တန်းနိုင်ငံတစ်နိုင်ငံ ဖြစ်လာအောင် တည်ဆောက်ရေးအတွက် မဟာဗျူဟာမြောက် အစီအမံများချမှတ်ခဲ့ကာ တရုတ်နိုင်ငံနှင့် ရုရှားနိုင်ငံတို့ကြား စွမ်းအင်ဆိုင်ရာပူးပေါင်းဆောင်ရွက်မှုအတွက် အရေးပါသော အခွင့်အလမ်းသစ်များကို ဖော်ထုတ်ပေးခဲ့ကြောင်း တင်းက ဆက်လက်ပြောကြားသည်။

တရုတ်နိုင်ငံအနေဖြင့် နှစ်နိုင်ငံခေါင်းဆောင်နှစ်ဦးအကြား ရရှိထားသော အရေးကြီးသဘောတူညီချက်များကို တစ်ဆင့်တိုးဖော်ဆောင်ရန်၊ စွမ်းအင်ကဏ္ဍတွင် မဟာဗျူဟာမြောက် ပူးပေါင်းဆောင်ရွက်မှုများ စဉ်ဆက်မပြတ် နက်နက်ရှိုင်းရှိုင်းရှိစေရန်၊ အပြန်အလှန်အကျိုးဖြစ်ထွန်းသော ပူးပေါင်းဆောင်ရွက်မှု အလားအလာသစ်များကို အမြဲမပြတ် လမ်းဖွင့်ပေးရန်အတွက် ရုရှားနိုင်ငံနှင့်အတူ ကြိုးပမ်းဆောင်ရွက်သွားရန် ဆန္ဒရှိကြောင်း ၎င်းက ပြောကြားခဲ့ကာ တရုတ်-ရုရှား စွမ်းအင်ဆိုင်ရာပူးပေါင်းဆောင်ရွက်မှု နက်နက်ရှိုင်းရှိုင်းရှိရေးအတွက် အဆိုပြုချက်သုံးရပ်ကို တင်သွင်းအဆိုပြုခဲ့သည်။

ဦးစွာ နှစ်ဖက်အနေဖြင့် နယ်စပ်ဖြတ်ကျော် စွမ်းအင်သယ်ယူပို့ဆောင်ရေးလမ်းကြောင်းများ တည်ငြိမ်လုံခြုံစွာ လည်ပတ်နိုင်ရေးနှင့် စွမ်းအင်ကူးသန်းရောင်းဝယ်မှု အဆင်ပြေချောမွေ့စွာ စီးဆင်းနိုင်ရေး သေချာစေရန် စွမ်းအင်လုပ်ငန်း ကွင်းဆက်တစ်ခုလုံးတွင် ပူးပေါင်းဆောင်ရွက်မှုများ ခိုင်မာအားကောင်းအောင် လုပ်ဆောင်သင့်ကြောင်း ၎င်းက တိုက်တွန်းခဲ့သည်။
ဒုတိယအနေဖြင့် နှစ်နိုင်ငံစလုံးက စွမ်းအင်အသွင်ကူးပြောင်းမှု၌ ပူးပေါင်းဆောင်ရွက်မှု တိုးမြှင့်ခြင်း၊ လက်တွေ့အသုံးချရေး အနာဂတ်အလားအလာများကို တက်တက်ကြွကြွ စူးစမ်းလေ့လာခြင်း၊ ပြန်လည်ပြည့်ဖြိုးမြဲစွမ်းအင်နှင့် အခြားနယ်ပယ်များတွင် ပူးပေါင်းဆောင်ရွက်ရေး အလားအလာများ ဖော်ထုတ်ခြင်းတို့ကို လုပ်ဆောင်သင့်ကြောင်း ၎င်းက ပြောကြားခဲ့သည်။

တတိယအနေဖြင့် နှစ်ဖက်သည် စွမ်းအင်ကဏ္ဍ၌ ကမ္ဘာလုံးဆိုင်ရာ စီမံခန့်ခွဲမှုအစီအမံအား လက်တွေ့အ‌ကောင်အထည်ဖော်ြခင်းကို အတူတကွမြှင့်တင်ရေးအတွက် နိုင်ငံစုံပူးပေါင်းဆောင်ရွက်မှုများကို ခိုင်ခိုင်မာမာလုပ်ဆောင်ကာ ကမ္ဘာ့စွမ်းအင်ဈေးကွက်အား တည်ငြိမ်မှုနှင့် သေချာရေရာမှုများ ပိုမိုကျယ်ကျယ်ပြန့်ပြန့် ဖြည့်တင်းပေးရန်လည်း ၎င်းက တိုက်တွန်းခဲ့သည်။
လောင်စာနှင့်စွမ်းအင်ကဏ္ဍ မဟာဗျူဟာမြောက်ဖွံ့ဖြိုးရေးနှင့် သဘာဝပတ်ဝန်းကျင် ဘေးကင်းလုံခြုံရေးဆိုင်ရာ ရုရှားသမ္မတကော်မရှင် အလုပ်အမှုဆောင် အတွင်းရေးမှူးနှင့် ရုရှားရေနံကုမ္ပဏီ ရော့စ်ညက်ဖ် အကြီးအကဲဖြစ်သူ အီဂေါ ဆီချင်ကလည်း ဖွင့်ပွဲအခမ်းအနား၌ အမှာစကားပြောကြားခဲ့ကာ ရုရှားသမ္မတ ဗလာတီမာ ပူတင်ထံမှ ဂုဏ်ပြုသဝဏ်လွှာအား ဖတ်ကြားခဲ့သည်။ ရုရှားနိုင်ငံ ဒုတိယဝန်ကြီးချုပ် အလက်ဇန်းဒါး နိုဗက်ကလည်း အမှာစကားပြောကြားခဲ့ကြောင်း သိရသည်။

ဖွင့်ပွဲအခမ်းအနားအပြီးတွင် တင်းက ဖိုရမ်တက်ရောက်လာသည့် ရုရှားအဆင့်မြင့်ကိုယ်စားလှယ်အဖွဲ့အား လက်ခံတွေ့ဆုံခဲ့သည်။
အဆိုပါဖိုရမ်၌ စွမ်းအင်ဆိုင်ရာ ဘက်စုံမိတ်ဖက်ပူးပေါင်းဆောင်ရွက်မှုများ စဉ်ဆက်မပြတ် ခိုင်ခိုင်မာမာရှိရေးအတွက် တရုတ်နိုင်ငံနှင့် ရုရှားနိုင်ငံကြား အဆင့်မြင့် မဟာဗျူဟာပေါင်းစပ်ချိန်ညှိမှုများ ခိုင်မာအားကောင်းစေရန် ဦးတည်ဆွေးနွေးခဲ့ကာ ဖွင့်ပွဲအခမ်းအနား၌ တရုတ်နိုင်ငံနှင့် ရုရှားနိုင်ငံတို့မှ ကိုယ်စားလှယ် ၄၀၀ ခန့် တက်ရောက်ခဲ့ကြောင်း သိရသည်။ (Xinhua)
……………..
(English Version)
China will deepen energy cooperation with Russia: vice premier
BEIJING, Nov. 25 (Xinhua) — The 7th China-Russia Energy Business Forum opened on Tuesday in Beijing. Chinese Vice Premier Ding Xuexiang addressed the opening ceremony and read out a congratulatory message from President Xi Jinping.
Ding, also a member of the Standing Committee of the Political Bureau of the Communist Party of China (CPC) Central Committee, said that the two heads of state have had several meetings and calls this year and again sent congratulatory messages to the forum, providing strategic guidance for continuously consolidating China-Russia comprehensive energy partnership.
The fourth plenary session of the 20th CPC Central Committee has made strategic arrangements for China to expand high-standard opening-up and build itself into a leading nation in the field of energy, presenting new and significant opportunities for energy cooperation between China and Russia, Ding said.
China is willing to work with Russia to further implement the important consensus reached by the two heads of state, continuously deepen strategic collaboration in the energy sector, and constantly open up new vistas of win-win cooperation, he said, putting forward three proposals for deepening China-Russia energy cooperation.
First, he called on both sides to strengthen cooperation in the entire industrial chain to ensure the safe and stable operation of cross-border energy channels and the smooth flow of energy trade.
Second, both sides should enhance cooperation in energy transition, actively explore application scenarios, and tap into the potential for cooperation in renewable energy and other areas.
Third, he urged the two sides to strengthen multilateral collaboration to jointly promote the implementation of the Global Governance Initiative in the energy sector, injecting greater stability and certainty into the global energy market.
Igor Sechin, executive secretary of the Russian presidential commission for the strategic development of the fuel and energy sector and environmental security, and chief of Russian oil company Rosneft, addressed the opening ceremony and read out a congratulatory letter from Russian President Vladimir Putin. Russian Deputy Prime Minister Alexander Novak also delivered a speech.
After the opening ceremony, Ding met with the Russian high-level delegation attending the forum.
The forum focused on strengthening high-level strategic alignment between China and Russia to continuously consolidate the comprehensive energy partnership. The opening ceremony saw the attendance of around 400 representatives from China and Russia.
English Caption
Chinese Vice Premier Ding Xuexiang, also a member of the Standing Committee of the Political Bureau of the Communist Party of China (CPC) Central Committee, addresses the opening ceremony of the 7th China-Russia Energy Business Forum and reads out a congratulatory message from Chinese President Xi Jinping at the Diaoyutai State Guesthouse in Beijing, capital of China, Nov. 25, 2025. (Xinhua/Ding Lin)