တရုတ်နိုင်ငံခြားရေးဝန်ကြီးနှင့် အာဆီယံ အထွေထွေအတွင်းရေးမှူးချုပ်တို့ တွေ့ဆုံ

ပေကျင်း၊ ဇူလိုင် ၂၆ ရက် (ဆင်ဟွာ)
တရုတ်နိုင်ငံခြားရေးဝန်ကြီး ဝမ်ရိသည် အရှေ့တောင်အာရှနိုင်ငံများအသင်း (ASEAN) အထွေထွေအတွင်းရေးမှူးချုပ် Kao Kim Hourn နှင့် ပေကျင်းမြို့တွင် ဇူလိုင် ၂၅ ရက်က တွေ့ဆုံခဲ့ကြောင်း သိရသည်။
တရုတ်နိုင်ငံသည် အိမ်နီးချင်းသံတမန်ရေးရာ၌ အာဆီယံအား ဦးစားပေးနေရာ၌ အစဉ်အမြဲထားရှိသလို နိုင်ငံတကာနှင့် ဒေသတွင်းရေးရာများတွင် အာဆီယံ၏ ကြီးမားသောအခန်းကဏ္ဍမှ ပါဝင်ခြင်းကို ထောက်ခံကြောင်း တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရို အဖွဲ့ဝင်လည်း ဖြစ်သူ ဝမ်က ပြောကြားခဲ့သည်။

ယခုနှစ် ဧပြီလတွင် ကျင်းပခဲ့သော အိမ်နီးချင်းနိုင်ငံများနှင့် ဆက်စပ်သောလုပ်ငန်း ဆိုင်ရာ ဗဟိုကွန်ဖရင့်၏ လမ်းညွှန်ချက်ဖြင့် တရုတ်နိုင်ငံသည် အာဆီယံအဖွဲ့ဝင်နိုင်ငံများနှင့်အတူ ပိုမိုနီးကပ်သော တရုတ်-အာဆီယံ အေးအတူပူအမျှ အသိုက်အဝန်း တစ်ရပ် တည်ဆောက်ရေးအတွက် လုပ်ဆောင်သွားမည်ဖြစ်ကြောင်း ၎င်းက ပြောခဲ့သည်။

လက်ရှိအခြေအနေများအရ တရုတ်နိုင်ငံနှင့် အာဆီယံတို့သည် အဓိကနယ်ပယ်သုံးရပ်တွင် ပူးပေါင်းဆောင်ရွက်ရေးအတွက် အလေးထားသင့်ကြောင်း ဝမ်က ဆိုသည်။
ပထမအနေဖြင့် နှစ်ဖက်သည် လွတ်လပ်သောကုန်သွယ်မှုနှင့် နိုင်ငံစုံပူးပေါင်းဆောင်ရွက်ရေးကုန်သွယ်မှုစနစ်အား ထိန်းသိမ်းရန် အတူတကွဆောင်ရွက်သွားမည်ဖြစ်သည်။ ကမ္ဘာ့တောင်ဘက်ခြမ်း၏ အဓိကအင်အားများအနေဖြင့် တရုတ်နိုင်ငံနှင့် အာဆီယံတို့သည် တစ်ဖက်သတ်ဝါဒအား ငြင်းပယ်ရန် စည်းလုံးညီညွတ်မှုနှင့် ပူးပေါင်းဆောင်ရွက်မှုကို အားကောင်းစေရမည်ဖြစ်ကြောင်း၊ ကမ္ဘာ့ကုန်သွယ်ရေးအဖွဲ့ (WTO) စည်းမျဉ်းစည်းကမ်းများကို စောင့်ထိန်းရမည်ဖြစ်ကြောင်း၊ တရုတ်-အာဆီယံ လွတ်လပ်သောကုန်သွယ်မှု ဧရိယာနှင့် ဒေသတွင်း ဘက်စုံစီးပွားရေး မိတ်ဖက်ဆက်ဆံရေး (RCEP) ၏ အခွင့်အာဏာနှင့် ပြည်စုံမှုကို ခိုင်မာသေချာအောင် လုပ်ဆောင်ရမည်ဖြစ်ကြောင်း ဝမ်က မှတ်ချက်ပြုခဲ့သည်။

ဒုတိယမှာ နှစ်ဖက်အနေဖြင့် တောင်တရုတ်ပင်လယ် နိုင်ငံများ အပြုအမူဆိုင်ရာ ကြေညာစာတမ်း (DOC) အား အပြည့်အဝအကောင်အထည်ဖော်ကာ တရုတ်ပင်လယ်အတွင်း ငြိမ်းချမ်းရေး၊ ချစ်ကြည်ရေးနှင့် ပူးပေါင်းဆောင်ရွက်မှု အခင်းအကျင်းသစ်များကို အတူတကွ တည်ဆောက်ရမည်ဖြစ်ကြောင်း ဝမ်က ပြောကြားခဲ့သည်။

တတိယအနေဖြင့်မူ နှစ်ဖက်က ဒေသတွင်း ငြိမ်းချမ်းရေးနှင့် တည်ငြိမ်ရေးကို အတူတကွထိန်းသိမ်းရမည်ဖြစ်သည်။ “လတ်တလော ကမ္ဘောဒီးယားနဲ့ ထိုင်း နယ်စပ်မှာ ဖြစ်ပွားနေတဲ့ တိုက်ခိုက်မှုတွေကြောင့် လူသေဆုံးရတာတွေဟာ တော်တော်လေး ဝမ်းနည်းကြေကွဲဖွယ်ရာဖြစ်ပါတယ်” ဟု ဝမ်က ပြောခဲ့သည်။ အဆိုပါနှစ်နိုင်ငံလုံးနှင့် ဘုံမိတ်ဆွေနှင့် အိမ်နီးချင်းဖြစ်သော တရုတ်နိုင်ငံသည် သမာသမတ်ကျသော ရပ်တည်ချက်ကို လက်ကိုင်ထားကာ တင်းမာမှုများအရှိန်လျော့ကျရာတွင် အပြုသဘောဆောင်သော အခန်းကဏ္ဍမှ ဆက်လက်ပါဝင်ဆောင်ရွက်သွားလိုကြောင်းလည်း ဝမ်က ဆိုသည်။
အာဆီယံ အထွေထွေအတွင်းရေးမှူးချုပ် Kao Kim Hourn က ဒေသတွင်း ပူးပေါင်းဆောင်ရွက်မှုနှင့် အာဆီယံအသိုက်အဝန်း တည်ဆောက်ရေး၌ အာဆီယံဗဟိုပြုမှုကို တရုတ်နိုင်ငံက အခိုင်အမာ အားပေးထောက်ခံသည့်အတွက် ကျေးဇူးတင်ကြောင်း ပြောကြားခဲ့သည်။

အာဆီယံအနေဖြင့် တရုတ်နိုင်ငံနှင့် မဟာဗျူဟာမြောက်ချိန်ညှိမှု မြှင့်တင်ရန်နှင့် ကဏ္ဍအားလုံး၌ လက်တွေ့ပူးပေါင်းဆောင်ရွက်မှု နက်ရှိုင်းစေရန် ၂၀၂၆ ခုနှစ်တွင် အာဆီယံ-တရုတ် ဘက်စုံမဟာဗျူဟာမြောက် မိတ်ဖက်ဆက်ဆံရေး၏ ပဉ္စမမြောက် နှစ်ပတ်လည်အား အခွင့်အခါကောင်းအဖြစ် မျှော်လင့်ကြောင်း Kao Kim Hourn က ပြောခဲ့သည်။

ကမ္ဘောဒီးယားနိုင်ငံနှင့် ထိုင်းနိုင်ငံကြား လတ်တလောဖြစ်ပွားနေသော နယ်စပ်တင်းမာမှုအခြေအနေများနှင့် စပ်လျဉ်း၍ ငြိမ်းချမ်းရေးဆွေးနွေးမှုများအတွက် တရုတ်နိုင်ငံ၏ တက်တက်ကြွကြွ ကြိုးပမ်းဆောင်ရွက်မှုအတွက် ကျေးဇူးတင်ရှိကြောင်း Kao Kim Hourn က ထည့်သွင်းပြောကြားခဲ့သည်။ (Xinhua)
…………………….
(English Version)
Chinese FM meets with ASEAN secretary-general
BEIJING, July 25 (Xinhua) — Chinese Foreign Minister Wang Yi met with Kao Kim Hourn, secretary-general of the Association of Southeast Asian Nations (ASEAN), in Beijing on Friday.
Wang, also a member of the Political Bureau of the Communist Party of China Central Committee, said that China consistently prioritizes ASEAN in its neighborhood diplomacy, and supports ASEAN in playing a greater role in international and regional affairs.
Guided by the central conference on work related to neighboring countries held in April this year, China will work with ASEAN member states to build a closer China-ASEAN community with a shared future, he said.
Wang said that under current circumstances, China and ASEAN should focus on cooperation in three key areas.
First, the two sides should work together to uphold free trade and the multilateral trading system. Wang noted that as major forces in the Global South, China and ASEAN should strengthen solidarity and cooperation to reject unilateralism, safeguard WTO rules, and ensure the authority and integrity of the China-ASEAN Free Trade Area and the Regional Comprehensive Economic Partnership (RCEP).
Second, the two sides should fully implement the Declaration on the Conduct of Parties in the South China Sea (DOC), fostering a new narrative of peace, friendship and cooperation in the South China Sea, Wang said.
Third, the two sides should work together to maintain regional peace and stability. “Recent clashes on the border between Cambodia and Thailand which caused casualties are deeply distressing,” Wang said, noting that China — a common friend and neighbor to both nations — stands ready to maintain an impartial position and continue playing a constructive role in de-escalating tensions.
For his part, Kao Kim Hourn expressed appreciation for China’s firm support of ASEAN’s centrality in regional cooperation, and of the construction of the ASEAN community.
ASEAN looks forward to leveraging the fifth anniversary of the ASEAN-China comprehensive strategic partnership in 2026 to enhance its strategic alignment with China and deepen practical cooperation across all fields, Kao Kim Hourn said.
On the recent border tensions between Cambodia and Thailand, Kao Kim Hourn thanked China for its active efforts to promote peace talks.
Photo: Chinese Foreign Minister Wang Yi, also a member of the Political Bureau of the Communist Party of China Central Committee, meets with Kao Kim Hourn, secretary-general of the Association of Southeast Asian Nations (ASEAN), in Beijing, capital of China, July 25, 2025. (Xinhua/Li Xiang)