တရုတ်နိုင်ငံက COVID-19 ကာကွယ်ဆေးဆိုင်ရာ နိုင်ငံတကာပူးပေါင်းဆောင်ရွက်ရေး တံခါးဖွင့်ထားဟုဆို

ပေကျင်း၊ ဇန်နဝါရီ ၅ ရက် (ဆင်ဟွာ) ဘာသာပြန် – ခေါန်ရိန်

တရုတ်နိုင်ငံက COVID-19 ကာကွယ်ဆေးအတွက် နိုင်ငံတကာ ပူးပေါင်းဆောင်ရွက်ရေးတွင် အမြဲတမ်းတံခါးဖွင့်ထားကြောင်းနှင့် ကာကွယ်ဆေး၏ ထိရောက်မှုနှင့် ဘေးကင်းစိတ်ချရမှုအပေါ် မြင့်မားစွာတန်ဖိုးထားကြောင်း နိုင်ငံခြားရေးဝန်ကြီးဌာန ပြောခွင့်ရသူက ဇန်နဝါရီ ၄ ရက်တွင် ပြောကြားခဲ့သည်။

တရုတ်နိုင်ငံသည် ကာကွယ်ဆေး သုတေသနနှင့် ဖွံ့ဖြိုးတိုးတက်မှုများအပြင် ထုတ်လုပ်မှုပိုင်းတွင် နိုင်ငံရပ်ခြားကုမ္ပဏီများနှင့် ပူးပေါင်းဆောင်ရွက်မှု ရှေ့ဆက်ဆောင်ရွက်လျက်ရှိသည့် ပြည်တွင်းကုမ္ပဏီများကို တက်ကြွစွာ ပံ့ပိုးပေးလျက်ရှိကြောင်း ပြောခွင့်ရသူ ဟွာချွမ်းရင်က နေ့စဉ်သတင်းစာရှင်းလင်းပွဲ၌ ပြောခဲ့သည်။ လက်ရှိတွင် တရုတ်ကုမ္ပဏီများမှ ဖော်ထုတ်ထားသည့် ကာကွယ်ဆေးများစွာသည် ပြည်ပနိုင်ငံများတွင် လက်တွေ့စမ်းသပ်မှု အဆင့်-၃ ဆောင်ရွက်လျက်ရှိသည်။

အင်ဒိုနီးရှားနှင့် အီဂျစ် ကဲ့သို့နိုင်ငံများတွင် တရုတ်နိုင်ငံထုတ် COVID-19 ကာကွယ်ဆေးအသုံးပြုသည့်နိုင်ငံများ အကြောင်း စုံစမ်းမေးမြန်းချက်များနှင့် ပတ်သက်၍ Hua က တရုတ်နိုင်ငံသည် ကမ္ဘာ့ကျန်းမာရေးအဖွဲ့က ကျောထောက်နောက်ခံပြု ကမ္ဘာလုံးဆိုင်ရာအဖွဲ့အစည်းတစ်ခုဖြစ်သည့် COVAX အပါအဝင် ကမ္ဘာ့ပူးပေါင်း ဆောင်ရွက်မှုခြေလှမ်းများတွင် တက်တက်ကြွကြွ ပူးပေါင်းလုပ်ဆောင်ခဲ့ကြောင်း၊ အာရပ်စော်ဘွားများပြည်ထောင်စုနှင့် ဘာရိန်းနိုင်ငံများကဲ့သို့ နိုင်ငံများတွင်လည်း တရုတ်နိုင်ငံ Sinopharm ကုမ္ပဏီမှထုတ်လုပ်သော inactivated ကာကွယ်ဆေး (inactivated vaccines) စာရင်းသွင်းခြင်းကို အတည်ပြုခဲ့ပြီးဖြစ်ကြောင်း ဟွာက ဆိုသည်။

“တရုတ်နိုင်ငံအနေနဲ့ ကာကွယ်ဆေးထုတ်လုပ်ပြီး အသုံးပြုနိုင်ပြီဆိုပါက ဖွံ့ဖြိုးဆဲနိုင်ငံတွေမှာ ကာကွယ်ဆေးကို အလွယ်တကူနှင့် သင့်တင့်မျှတစွာ ရရှိနိုင်ဖို့ အထောက်အပံ့ဖြစ်စေမယ့် ကမ္ဘာ့ပြည်သူ့ကုန်စည်အဖြစ် ဆောင်ရွက်မည်ဟူသော ကတိကဝတ်ကို ဖြည့်ဆည်းသွားမှာဖြစ်ပါတယ်” ဟု ပြောရေးဆိုခွင့်ရှိသူက ဆိုသည်။

တရုတ်အစိုးရအနေဖြင့် COVID-19 ကာကွယ်ဆေး၏ ဘေးကင်းမှုနှင့် ဆေးစွမ်းထက်မှုကို အမြဲတမ်း ပထမနေရာတွင်ထားရှိကြောင်း၊ တရုတ်ကာကွယ်ဆေးကုမ္ပဏီများသည် ကာကွယ်ဆေးသုတေသနနှင့် ထုတ်လုပ်မှုတို့တွင် သိပ္ပံပညာရပ်ဆိုင်ရာ ဥပဒေများနှင့် စည်းမျဉ်းစည်းကမ်း လိုအပ်ချက်များကို တင်းကျပ်စွာ လိုက်နာဆောင်ရွက်လျက်ရှိကြောင်း ဟွာက ပြောကြားခဲ့သည်။

“တရုတ်နိုင်ငံက ကမ္ဘာတစ်ခွင် ကာကွယ်ဆေးများ သာတူညီမျှ ဖြန့်ဝေမှု မြှင့်တင်ရန်နှင့် ကပ်ရောဂါတိုက်ဖျက်ရေးတွင် အခြားသောနိုင်ငံများနှင့် လက်ချင်းယှက်ပူးပေါင်းပါဝင်ရန် ဆန္ဒရှိနေကြောင်းနှင့် သို့မှသာ လူသားများ၏အသက်နှင့်ကျန်းမာရေးကိုကာကွယ်နိုင်မည်ဖြစ်ကြောင်း ပြောရေးဆိုခွင့်ရှိသူ ဟွာက ဆိုသည်။ (Xinhua)

————————————————–
(English Version)

China open to int’l cooperation on COVID-19 vaccine: FM spokesperson

BEIJING, Jan. 4 (Xinhua) — China is always open to international cooperation on COVID-19 vaccine and highly values the safety and effectiveness of vaccines, a Foreign Ministry spokesperson said on Monday.

Spokesperson Hua Chunying told a daily news briefing that China actively supports domestic enterprises in forging cooperation with foreign counterparts on vaccine research and development as well as production. Currently, multiple vaccines developed by Chinese enterprises are undergoing phase III clinical trials abroad with smooth progress.

In response to query about use of Chinese COVID-19 vaccines in countries like Indonesia and Egypt, Hua said China has actively joined in global cooperation initiatives, including COVAX, a global initiative backed by the World Health Organization, noting that countries such as the United Arab Emirates and Bahrain have also approved the registration of inactivated vaccines developed by China’s Sinopharm.

“China will fulfill its commitment and make COVID-19 vaccines a global public good that will help ensure vaccine accessibility and affordability in developing countries, once they are developed and put into use,” the spokesperson said.

Hua said the Chinese government always puts safety and effectiveness of COVID-19 vaccines in the first place, and Chinese vaccine companies have always strictly followed scientific laws and regulatory requirements in vaccine research and development.

“China is willing to promote the equitable distribution of vaccines globally and join hands with other countries to solidify pandemic fight, so as to protect people’s lives and health,” said the spokesperson. Enditem
File photo of the Chinese Foreign Ministry’s spokesperson Hua Chunying. (Xinhua)