Environment, Disasters & Accidents
မိုင်းဆတ်-မိုင်းခုတ်လမ်း မြေပြိုပြီး လမ်းလုပ်သားသုံးဦး မြေပိပျောက်ဆုံး
ရန်ကုန်၊ ဇူလိုင် ၂၈ ရက် (ဆင်ဟွာ)
ရှမ်းပြည်နယ်အရှေ့ပိုင်း မိုင်းဆတ်ခရိုင် မိုင်းခုတ်မြို့၌ ဇူလိုင် ၂၇ ရက်နေ့၌ မိုးသည်းထန်စွာ ရွာသွန်းမှုကြောင့် မြေပြိုပြီး လမ်းလုပ်သားသုံးဦး မြေပိပျောက်ဆုံးနေကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။
မိုင်းဆတ်-မိုင်းခုတ် သွားလမ်းမ သဲတောင် ၂၃ ကီလိုမီတာ တွင် လမ်းခင်းလုပ်ငန်းလုပ်ကိုင်လျက်ရှိသော အလုပ်သမားများနေထိုင်သည့် ယာယီတဲတန်းပေါ်သို့ ကျောက်တုံးများ နှင့် မြေသားများ ပြိုကျမှုကြောင့် တဲအတွင်းအိပ်နေသော အလုပ်သမား များအနက် ဦးတင်လင်း(၃၅နှစ်)၊ ဦးစိုးပိုင် (၃၅နှစ်)နှင့် ဦးဇော်ဦး (၄ဝနှစ်)တို့သုံးဦး မြေပိပျောက်ဆုံးကြောင်း သိရသည်။
အဆိုပါ မြေပိပျောက်ဆုံးသူများအား ကူညီရှာဖွေဆောင်ရွက်ခဲ့ရာ အလောင်းနှစ်လောင်း ရှာဖွေတွေ့ရှိခဲ့ကြောင်း သိရသည်။(Xinhua)
Continue Reading