Environment, Disasters & Accidents
မောင်တောမြို့နယ်၌ နှစ်ရက်အတွင်း ကျပ်သိန်း နှစ်သောင်းကျော် တန်ဖိုးရှိ မူးယစ်ဆေးဝါးများ ဖမ်းမိ
ရန်ကုန်၊ အောက်တိုဘာ ၂၁ ရက် (ဆင်ဟွာ)
ရခိုင်ပြည်နယ် မောင်တောမြို့နယ်အတွင်း အောက်တိုဘာ ၁၇ရက်နှင့် ၁၈ရက်နှစ်ရက်တွင် ကျပ် သိန်းနှစ်သောင်းကျော် တန်ဖိုးရှိ မူးယစ်ဆေးဝါးများ ဖမ်းဆီးရမိခဲ့ကြောင်း သတင်းထုတ်ပြန်ရေးကော်မတီက ထုတ်ပြန်သော သတင်းအရ သိရသည်။
မောင်တောမြို့ အမှတ်(၅)ရပ်ကွက် လမ်းမပေါ်၌ အောက်တိုဘာ ၁၇ ရက် ညနေ ၅ နာရီ ၁၅ မိနစ်တွင်တရားဥပဒေစိုးမိုးရေးလုပ်ငန်းများ ဆောင်ရွက်နေစဉ် မသင်္ကာဖွယ် ယာဉ် ၁ စီးအား တွေ့ရှိ၍ ရပ်တန့်စစ်ဆေးခဲ့ရာ ယာဉ်ရှေ့ ခန်းရှိ ဆာလာအိတ် ၂ လုံးအတွင်းမှ ကျပ်သိန်း ၉,၇၅၀ တန်ဖိုးရှိ WY စိတ်ကြွဆေးပြား ၄၈၇၅၀၀ ပြား အား သိမ်းဆည်းရမိခဲ့ပြီး မောင်တောမြို့၊ မြို့ဝင်တံတားဂိတ်၌ အောက်တိုဘာ ၁၈ ရက်၊ နံနက်ပိုင်းတွင် NISSAN ပစ်ကပ်ယာဉ်အား စစ်ဆေးစဉ် ယာဉ်နောက်ခန်း ကြမ်းခင်းအံဝှက်အတွင်းမှ ဆာလာအိတ်(၄) အိတ် ဖြင့်ထည့်ထားသည့် ငွေကျပ် ၁၉,၁၁၀ သိန်း တန်ဖိုးရှိ WY/R စာတမ်းပါ စိတ်ကြွဆေးပြား (၉၅၅,၅၀၀)ပြား အား ထပ်မံ သိမ်းဆည်းဖမ်းဆီးရမိခဲ့ကြောင်း သိရသည်။အဆိုပါ မူးယစ်ဆေးဝါးများ သယ်ဆောင်လာသော တရားခံနှစ်ဦးအား မောင်တောမြို့မစခန်းတွင် ဖမ်းဆီးစစ်ဆေး အရေးယူထားသည်။(Xinhua)
