Environment, Disasters & Accidents
မြန်မာတစ်နိုင်ငံလုံး ဖေဖော်ဝါရီ ၁၂ ရက် နောက် ပိုင်းပုံမှန် ထက် ၂ ဒီဂရီ မှ ၄ ဒီဂရီ အထိ အပူချိန်လျော့ပြီး အအေးပိုရန်ရှိကြောင်း
ရန်ကုန်၊ ဖေဖော်ဝါရီ ၆ ရက် (ဆင်ဟွာ)
မြန်မာတစ်နိုင်ငံလုံး အတိုင်းအတာဖြင့် ဖေဖော်ဝါရီ ၁၂ ရက် နောက် ပိုင်းတွင်ပုံမှန် ထက် ၂ ဒီဂရီ မှ ၄ ဒီဂရီ အထိ အပူချိန်လျော့ပြီး အေးပိုရန်ရှိသည့် အတွက် ပြည်သူများအနေဖြင့် မိုးဇလထုတ်ပြန်ချက် ကို ဂရုပြုစောင့်ကြည့်သင့်ကြောင်း၊ မိုးလေဝသ နှင့် ဇလဗေဒညွှန်ကြားမှုဦးစီးဌာန မှ ဒုတိယညွှန်ကြားရေးမှုး ဦးလှထွန်းက ဆင်ဟွာကိုပြောသည်။
ဦးလှထွန်းက “ဆောင်းရာသီကာလ ဖြစ်တဲ့ လေအေးတွေ တိုးဝင်လာတဲ့ အတွက် အေးမှာ ဖြစ်ပါတယ်။ တစ်ပြည်လုံးအအေးပိုသွားမှာပါ” ဟုပြောသည်။ယခုနှစ်ဆောင်းရာသီ သည် ၂၀၁၉ ခုနှစ် ဆောင်းရာသီထက် အအေးပိုသည့် နှစ်ဖြစ်ကြောင်း၊ တစ်နိုင်ငံလုံး အတိုင်းအတာဖြင့် အအေးခံစားရသည့် နှစ်ဖြစ်ကြောင်း ဖော်ဖော်ဝါရီ ၁၂ ရက် နောက်ပိုင်း အအေး ပိုပြီးမှ သာ အပူချိန် တဖြည်းဖြည်း ပြန်တိုးနိုင်မည်ဖြစ်ကြောင်း သိရသည်။ (Xinhua)
