Myanmar
(၃၁)ကြိမ်မြောက်အရှေ့တောင်အာရှအားကစားပြိုင်ပွဲတွင် ဗိုဗီနမ်အားကစားနည်းဖြင့် မြန်မာနိုင်ငံအတွက် ၆ ခုမြောက်ရွှေတံဆိပ်ဆွတ်ခူး
ရန်ကုန်၊ မေ ၁၈ ရက် (ဆင်ဟွာ)
(၃၁)ကြိမ်မြောက်အရှေ့တောင်အာရှအားကစားပြိုင်ပွဲ တွင် ဗိုဗီနမ်အားကစားနည်းဖြင့် မြန်မာနိုင်ငံအတွက် ၆ ခုမြောက်ရွှေတံဆိပ်ဆု ဆွတ်ခူးရရှိခဲ့ကြောင်း အားကစားနှင့်လူငယ်ရေးရာဝန်ကြီးဌာနှ ညွှန်ကြားရေးမှူး ဦးဌေးအောင်က ဆင်ဟွာသို့ ယနေ့ မေ ၁၈ ရက်တွင်ပြောကြားသည်။
၃၁ ကြိမ်မြောက် အရှေ့တောင်အာရှ အားကစားပြိုင်ပွဲ၏ ဗိုဗီနမ်အားကစားနည်းပြိုင်ပွဲတွင် ရွှေတံဆိပ်ဆုရရှိသည့် ခိုင်ဝါဖူးနှင့် မေဟန်နီအောင်လွင်တို့အားတွေ့ရစဉ် (ဓာတ်ပုံ–အားကစားနှင့် လူငယ်ရေးရာဝန်ကြီးဌာန)
၃၁ ကြိမ်မြောက် အရှေ့တောင်အာရှ အားကစားပြိုင်ပွဲ၏ ဗိုဗီနမ်အားကစားနည်းပြိုင်ပွဲတွင် ရွှေတံဆိပ်ဆုရရှိသည့် ခိုင်ဝါဖူးနှင့် မေဟန်နီအောင်လွင်တို့အားတွေ့ရစဉ် (ဓာတ်ပုံ–အားကစားနှင့် လူငယ်ရေးရာဝန်ကြီးဌာန)
၃၁ ကြိမ်မြောက် အရှေ့တောင်အာရှ အားကစားပြိုင်ပွဲ၏ ဗိုဗီနမ်အားကစားနည်းပြိုင်ပွဲတွင် ရွှေတံဆိပ်ဆုရရှိသည့် ခိုင်ဝါဖူးနှင့် မေဟန်နီအောင်လွင်တို့အားတွေ့ရစဉ် (ဓာတ်ပုံ–အားကစားနှင့် လူငယ်ရေးရာဝန်ကြီးဌာန)
ဦးဌေးအောင် က “၃၁ ကြိမ်မြောက်ဆီးဂိမ်းပြိုင်ပွဲမှာ ဆုတံဆိပ်အနေနဲ့ ရွှေတံဆိပ် ၁၂ ခု အထိရရှိဖို့ ကျွန်တော်တို့ဝန်ကြီးဌာနအနေနဲ့ မျှော်မှန်းပြင်ဆင်ဆောင်ရွက်ခဲ့ပါတယ်။ အခုကတော့ ရွှေတံဆိပ်ဆု ၆ ခုရရှိခဲ့ပါပြီ’’ ဟုပြောသည်။
ယနေ့ မေ ၁၈ ရက်တွင် ကျင်းပသော(၃၁)ကြိမ်မြောက်အရှေ့တောင်အာရှအားကစားပြိုင်ပွဲ၏ ဗိုဗီနမ်အားကစားနည်း (အမျိုးသမီး)နှစ်ယောက်တွဲ လက်နက်မဲ့ အပြပြိုင်ပွဲ၌ ခိုင်ဝါဖူးနှင့် မေဟန်နီအောင်လွင်တို့မှ မြန်မာနိုင်ငံအတွက် ဆဌမမြောက် ရွှေတံဆိပ်ဆုကိုဆွတ်ခူးရရှိခဲ့ကြောင်း အားကစားနှင့် လူငယ်ရေးရာဝန်ကြီးဌာနမှ သိရသည်။
၃၁ ကြိမ်မြောက် ဆီးဂိမ်းပြိုင်ပွဲကို ဗီယက်နမ်နိုင်ငံ က အိမ်ရှင်အဖြစ် လက်ခံကျင်းပနေပြီး ၂၀၂၂ ခုနှစ် မေ ၁၂ ရက် မှ ၂၃ ရက် အထိ ကျင်းပသွားမည်ဖြစ်ကြောင်း သိရသည်။ (Xinhua)
