အရေးပေါ်ကာလသက်တမ်းတိုးပြီးနောက် နိုင်ငံတော်စီမံအုပ်ချုပ်ရေးကောင်စီအား ပြင်ဆင်ဖွဲ့စည်းကြောင်းကြေညာ

နိုင်ငံတော်စီမံအုပ်ချုပ်ရေးကောင်စီ ပြင်ဆင်ဖွဲ့စည်းခြင်း ထုတ်ပြန်ချက်အားတွေ့ရစဉ်(ဓာတ်ပုံ-MOI)

ရန်ကုန်၊ ဖေဖော်ဝါရီ ၂ ရက် (ဆင်ဟွာ)

နိုင်ငံတော်စီမံအုပ်ချုပ်ရေးကောင်စီအား ဖွဲ့စည်းပုံအခြေခံဥပဒေပုဒ်မ ၄၁၉ အရ အမိန့်အမှတ် ၅/၂၀၂၃ ဖြင့်ပြင်ဆင်ဖွဲ့စည်းခဲ့ကြောင်း ဖေဖော်ဝါရီ ၁ ရက်တွင် နိုင်ငံပိုင်မီဒီယာများက ထုတ်ပြန်သော သတင်းများအရ သိရသည်။

ပြင်ဆင်ဖွဲ့စည်းခဲ့သည့် နိုင်ငံတော်စီမံအုပ်ချုပ်ရေးကောင်စီတွင် ဗိုလ်ချုပ်မှူးကြီး မင်းအောင်လှိုင်မှ ဥက္ကဋ္ဌ၊ ဒုတိယ ဗိုလ်ချုပ်မှူးကြီးစိုးဝင်းမှ ဒု-ဥက္ကဋ္ဌ တို့အဖြစ်တာဝန်ယူပြီး အတွင်းရေးမှူးအဖြစ် ဒုတိယ ဗိုလ်ချုပ်ကြီးအောင်လင်းဒွေး၊ တွဲဖက်အတွင်းရေးမှူးအဖြစ် ဒု-ဗိုလ်ချုပ်ကြီးရဲဝင်းဦးတို့အား တာဝန်ပေးအပ်ခဲ့ကြောင်း သိရသည်။

အဆိုပါ ပြင်ဆင်ဖွဲ့စည်းခဲ့သည့် နစက ၏အဖွဲ့ဝင်များအဖြစ် ဗိုလ်ချုပ်ကြီးမြထွန်းဦး၊ ဗိုလ်ချုပ်ကြီးတင်အောင်စန်း၊ ဒု-ဗိုလ်ချုပ်ကြီး မိုးမြင့်ထွန်း၊ ဒု-ဗိုလ် ချုပ်ကြီးစိုးထွဋ်၊ ဒု-ဗိုလ်ချုပ်ကြီးရာပြည့်၊ ဦးဝဏ္ဏမောင်လွင်၊ ဒေါ်ဒွဲဘူ၊ ဝိုးရယ်အောင်သိန်း၊ မန်းငြိမ်းမောင်၊ ပူဂင့်ကမ်းလျန်၊ ဦးမောင်ကို၊ ဒေါက်တာအောင်ကျော်မင်း၊ ဒေါက်တာကျော်ထွန်း၊ ခွန်စံလွင်၊ ဦးရွှေကြိမ်းနှင့် ဦးရန်ကျော်တို့ပါဝင်ကြောင်း သိရသည်။

ဆက်လက်ပြီး ပြည်ထောင်စုအစိုးရအဖွဲ့ကိုလည်း ပြင်ဆင်ဖွဲ့စည်းခဲ့ပြီး အဆိုပါ ပြင်ဆင်ဖွဲ့စည်းခဲ့သည့် ပြည်ထောင်စုအစိုးရအဖွဲ့တွင် ဗိုလ်ချုပ်မှူးကြီး မင်းအောင်လှိုင်မှ ဝန်ကြီးချုပ်၊ ဒု-ဗိုလ်ချုပ်မှူးကြီးစိုးဝင်းမှ ဒု-ဝန်ကြီးချုပ်တို့အဖြစ် တာဝန်ယူပြီး ပြင်ဆင်ဖွဲ့စည်းခဲ့သည့် ပြည်ထောင်စုအစိုးရအဖွဲ့၌ ပူးတွဲ ဒု-ဝန်ကြီးချုပ်များအဖြစ် ဗိုလ်ချုပ်ကြီးမြထွန်းဦး၊ ဒု-ဗိုလ်ချုပ်ကြီးစိုးထွဋ်၊ ဗိုလ်ချုပ်ကြီးတင်အောင်စန်းနှင့် ဦးဝင်းရှိန်တို့အား တာဝန်ပေးအပ်ခဲ့ကြောင်း သိရသည်။

နိုင်ငံခြားရေးဝန်ကြီးဌာန၏ ပြည်ထောင်စုဝန်ကြီးအဖြစ် ဦးသန်းဆွေ၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၏ ပြည်ထောင်စုဝန်ကြီးအဖြစ် ဦးမင်းနောင်၊ ဆောက်လုပ်ရေးဝန်ကြီးဌာန၏ ပြည်ထောင်စုဝန်ကြီးအဖြစ် ဦးမျိုးသန့်၊ ဟို တယ်နှင့်ခရီးသွားလာရေးဝန်ကြီးဌာန၏ ပြည်ထောင်စုဝန်ကြီးအဖြစ် ဦးအောင်သော်နှင့် တိုင်း ရင်းသားလူမျိုးများရေးရာဝန်ကြီးဌာန၏ ပြည်ထောင်စုဝန်ကြီးအဖြစ် Jeng Phang နော်တောင်တို့အား အသစ်ခန့်အပ်ခဲ့ကြောင်း သိရသည်။ (Xinhua)