Politics, Law & Military
စစ်ကိုင်းတိုင်းဒေသကြီး အင်းတော် မြို့နယ်တွင် ငွေကျပ်သိန်းပေါင်း ၈၆၀ တန်ဖိုးရှိ ဘိန်းဖြူများနှင့် ငွေကျပ် ၅၈၅ သိန်းတန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ
![ဖမ္းဆီးရမိသူအား မူးယစ္ေဆးဝါးမ်ား ႏွင္႔ အတူေတြ႔ရစဥ္ (ဓာတ္ပံု--မူးယစ္ေဆးဝါးတားဆီးႏွိမ္နင္းေရးရဲ တပ္ဖြဲ႕)](https://xinhuamyanmar.com/wp-content/uploads/2019/02/images_mm_2019_02_18d1.jpg)
ရန်ကုန်၊ ဖေဖော်ဝါရီ ၁၈ ရက် (ဆင်ဟွာ)
စစ်ကိုင်းတိုင်းဒေသကြီး အင်းတော် မြို့နယ်တွင် ငွေကျပ်သိန်းပေါင်း ၈၆၀ တန်ဖိုးရှိ ဘိန်းဖြူများနှင့် ငွေကျပ် ၅၈၅ သိန်းတန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ ခဲ့ကြောင်း မူးယစ်ဆေးဝါးတားဆီးနှိမ်နင်းရေးရဲ တပ်ဖွဲ့မှ ယနေ့သတင်းထုတ်ပြန်သည်။
ဖြစ်စဉ်မှာ ဖေဖော်ဝါရီလ ၁၇ ရက်နေ့ ၁၉း၀၀ နာရီ တွင်မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့စု (၆)ကသာမှ တပ်ဖွဲ့ဝင်များသည် သတင်းအရ သက်သေများနှင့်အတူ အင်းတော်မြို့နယ်၊ ရွှေဘို-မြစ်ကြီးနား သွားကားလမ်းနှင့် နန့်မကျိုင်းကျေးရွာ သွားကားလမ်းဆုံတွင် အင်းတော်မြို့ဘက်မှ မိုးညှင်းမြို့ဘက်သို့ လားရှိုးမြို့နယ်၊ အီနိုင်းကျေးရွာ အုပ်စု၊ အီနိုင်းကျေးရွာနေ ဇော်ဘောက်(ခ)မာဒီး ၄၇ နှစ် မောင်းနှင်လာသည့် မော်တော်ယာဉ်အား ရပ်တန့်စစ်ဆေး ရှာဖွေရာ မော်တော်ယာဉ်ပေါ်တွင် သိုဝှက်သယ်ဆောင်လာသော ရောင်စုံဆပ်ပြာခွက် ၈၆ ခွက်ဖြင့်ထည့်ထားသည့် ဘိန်းဖြူအလေးချိန် ၈၆၀ ဂရမ်(ဒေသကာလပေါက်ဈေးတန်ဖိုးငွေကျပ် ၈၆၀ သိန်း)၊ ပလတ်စတစ်ကပ်ခွာအိတ်များ ဖြင့် ထည့်ထားသည့် စိတ်ကြွရူးသွပ်ဆေးပြား ၁၁,၇၀၀ ပြား(ဒေသကာလပေါက်ဈေးတန်ဖိုးငွေကျပ် ၅၈၅ သိန်း)နှင့် လက်ကိုင်ဖုန်း ၁ လုံးတို့အား တွေ့ရှိသိမ်းဆည်းရမိခဲ့ကြောင်း သိရသည်။
၎င်းအား အင်းတော်မြို့မရဲစခန်းတွင် မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများဆိုင်ရာဥပဒေဖြင့် အမှုဖွင့်အရေးယူပြီး ကွင်းဆက်များ ဖော်ထုတ်စစ်ဆေးလျက် ရှိကြောင်း သတင်းထုတ်ပြန်ချက်ထဲတွင်ပါရှိသည်။ (Xinhua)