နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဗီယက်နမ်နိုင်ငံသို့ ချစ်ကြည်ရေးခရီး သွားရောက်မည်

ရန်ကုန်၊ ဧပြီ ၁၆ ရက် (ဆင်ဟွာ)

ပြည်ထောင်စုသမ္မတမြန်မာနိုင်ငံတော် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဗီယက်နမ်ဆိုရှယ်လစ်သမ္မတနိုင်ငံ ဝန်ကြီးချုပ် မစ္စတာ ငုယင်စွမ်းဖု၏ ဖိတ်ကြားချက်အရ ဗီယက်နမ် ဆိုရှယ်လစ် သမ္မတနိုင်ငံသို့ မကြာမီကာလအတွင်း တရားဝင်ချစ်ကြည်ရေးခရီး သွားရောက်မည်ဖြစ်ကြောင်း နိုင်ငံတော်အတိုင်ပင်ခံရုံးမှ ယနေ့သတင်းထုတ်ပြန်သည်။

၂၀၁၇ ခုနှစ် နိုဝင်ဘာလတွင် ဗီယက်နမ်တွင် ကျင်းပသည့် APEC အာရှ-ပစိဖိတ် စီးပွားရေးပူးပေါင်းဆောင်ရွက်မှုအဖွဲ့ ထိပ်သီးညီလာခံကို APEC အဖွဲ့ဝင်နိုင်ငံမဟုတ်သော်လည်း ဗီယက်နမ်သမ္မတ Tran Dai Quang (ထရမ်ဒိုင်ကွမ်) ၏ ဖိတ်ကြားချက်နှင့် ဒေါ်အောင်ဆန်းစုကြည် တက်ရောက်ခဲ့သည်။

၂၀၁၇ ခု သြဂုတ်အတွင်း နိုင်ငံတော်ခရီးစဉ်အဖြစ် ဗီယက်နမ်ကွန်မြူနစ်ပါတီ အထွေထွေအတွင်းရေးမှုး မြန်မာနိုင်ငံသို့ လာရောက်ခဲ့သည်။သမ္မတဦးထင်ကျော် နိုင်ငံတော်သမ္မတ တာဝန်ယူထားသည့် ကာလ ၂၀၁၆ အောက်တိုဘာလ တွင် သမ္မတဦးထင်ကျော်သည် ဗီယက်နမ်သမ္မတ ၏ ဖိတ်ကြားချက်နှင့် နိုင်ငံတော်ခရီးစဉ်အဖြစ် ဗီယက်နမ်သို့ သွားရောက်ခဲ့သည်။ (Xinhua)