Politics, Law & Military
မန္တလေးတိုင်းဒေသကြီး ချမ်းမြသာစည်မြို့နယ်တွင် စိတ်ကြွရူးသွပ်ဆေးပြား ၂၉၂,၅၀၀ ပြား သိမ်းဆည်းရမိ
ရန်ကုန်၊ အောက်တိုဘာ ၅ ရက် (ဆင်ဟွာ)
မန္တလေးတိုင်းဒေသကြီး ချမ်းမြသာစည်မြို့နယ်တွင် စိတ်ကြွရူးသွပ်ဆေးပြား ၂၉၂,၅၀၀ ပြား သိမ်းဆည်းရမိခဲ့ကြောင်း ပြည်ထဲရေးဝန်ကြီးဌာန မှ ယနေ့ သတင်းထုတ်ပြန်သည်။
ဖြစ်စဉ်မှာ အောက်တိုဘာလ ၄ ရက်နေ့ ၁၁း၀၀နာရီ အချိန် မူးယစ်တပ်ဖွဲ့စု(၁၈) မန္တလေး(တောင်ပိုင်း)မှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် ချမ်းမြသာစည်မြို့နယ်၊ သံလျက်မော်(တောင်)ရပ်ကွက်၊ ကန်တော်ကြီးပတ်လမ်း၊ ရွှေရာစုစားသောက်ဆိုင် နောက်ကျောလမ်းပေါ်တွင် စိုင်းလူ(ခ)စိုင်းခန့်လူ မောင်းနှင်လာသည့် မော်တော်ယာဉ်ကိုရှာဖွေရာ ယာဉ်နောက်ခန်းရှိ ဆွဲခြင်းအတွင်းမှ စိတ်ကြွရူးသွပ်ဆေးပြား ၂၉၂,၅၀၀ ပြား သိမ်းဆည်းရမိခဲ့ကြောင်း သိရသည်။
စိတ်ကြွရူးသွပ်ဆေးပြားများ လာရောက်ယူဆောင်သူ နှင့် စိတ်ကြွရူးသွပ်ဆေးပြားများလက်ခံမည့်သူ ၂ ဦးတို့ အား ထပ်မံဖမ်းဆီးရမိခဲ့သဖြင့် ၎င်းတို့ ၃ဦးအား မူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူထားကြောင်း သတင်းထုတ်ပြန်ချက်ထဲတွင်ပါရှိသည်။ (Xinhua)