Science & Technology
ပရိုပိန်း နှင့် ဗြူတိန်း ဓာတ်ငွေ့ရည်များအား တင်ဒါဖြင့်ရောင်းချမည် တင်ဒါစနစ်ဖြင့်ရောင်းချမည်
ရန်ကုန်၊ဖေဖော်ဝါရီ ၂၂ ရက် (ဆင်ဟွာ)
မြန်မာ့ရေနံဓာတုဗေဒလုပ်ငန်းကြီးကြပ်မှုအောက်ရှိ အမှတ်(၁) ရေနံဓာတ်ငွေ့ရည်စက်ရုံ (မင်းဘူး) နှင့် ရေနံဓာတုဗေဒစက်ရုံစု (သံပုရာကန်) တို့မှ ပရိုပိန်း နှင့် ဗြူတိန်းဓာတ်ငွေ့ရည်များအား တင်ဒါဖြင့်ရောင်းချမည်ဖြစ်ကြောင်း မြန်မာ့ရေနံဓာတုဗေဒလုပ်ငန်းမှ ဖေဖော်ဝါရီ်လ ၂၂ ရက်နေ့တွင် သတင်းထုတ်ပြန်သည်။
အမှတ်(၁) ရေနံဓာတ်ငွေ့ရည်စက်ရုံ(မင်းဘူး) မှ ပရိုပိန်းရေနံဓာတ်ငွေ့ရည် တန် ၁၀၀၊ ဗြူတိန်းရေနံဓာတ်ငွေ့ရည် တန် ၁၀၀ ၊ ရေနံဓာတုဗေဒစက်ရုံစု (သံပုရာကန်) မှ ပရိုပိန်းဓာတ်ငွေ့ရည် တန်၁၀၀ နှင့် ဗြူတိန်းဓာတ်ငွေ့ရည် တန် ၃၀၀ တိုအား တင်ဒါစနစ်ဖြင့်ရောင်းချမည်ဖြစ်ကြောင်း သတင်းထုတ်ပြန်သည်။
၎င်းတင်ဒါများအားဖေဖော်ဝါရီ ၂၂ ရက်နေ့မှ ၂၆ ရက်အတွင်း ရောင်းချသွားမည်ဖြစ်ပြီး၊ ဘဏ္ဍာရေးဌာန၊ မြန်မာ့ရေနံဓာတုဗေဒလုပ်ငန်း၊ ရုံးအမှတ် (၄၄) ၊ နေပြည်တော်တွင် တင်ဒါပုံစံများ ရောင်းချမည်ဖြစ်သည်။
တင်ဒါများအား ဖေဖော်ဝါရီ ၂၄ ရက် နေ့လည် ၁၂ နာရီ နောက်ဆုံးထားပေးပို့ရမည်ဖြစ်ပြီး၊ တင်ဒါဖွင့်ပွဲအား ဖေဖော်ဝါရီ ၂၄ ရက် နေ့လည် ၂ နာရီတွင် ပြုလုပ်မည်ဖြစ်သည်။
တင်ဒါလျှောက်ထားလိုသူများသည် စွမ်းအင်ဝန်ကြီးဌာနမှ ထုတ်ပေးထားသည့် ရေနံဓာတ်ငွေ့ရည် တင်သွင်းသိုလှောင်ဖြန့်ဖြူးရောင်းချခွင့် လိုင်စင် (က) သို့မဟုတ် လိုင်စင်(ခ) လက်ဝယ်ရှိသူများ အဆိုပြုလွှာ တင်သွင်းနိုင်ကြောင်း သိရသည်။ (Xinhua)