ရန်ကုန် မြို့ပတ်လမ်းပိုင်းတွင် ရထားလမ်းကူး လူကူး ခုံးကျော်တံတား ၃၄ စင်း ဆောက်လုပ်သွားမည်

ရန်ကုန် ၊ မေ ၅ ရက် (ဆင်ဟွာ)

ရန်ကုန် မြို့ပတ်လမ်းပိုင်းရှိ ရထား တွဲဆိုင်းများအား အရှိန် မြှင့်တင် ပြေးဆွဲနိုင်ရေးနှင့် ရထားလမ်း ဖြတ်ကူးသူများ လုံခြုံစိတ်ချ စေရေးအတွက် လာမည့် ၂ဝ၁၇ -၂ဝ၁၉ ခုနှစ် ဘတ်ဂျက်ကာလများ အတွင်း ရထားလမ်းကူး လူကူး ခုံးကျော်တံတား ၃၄ စင်းကို ထပ်မံ ဆောက်လုပ်သွား မည်ဖြစ်ကြောင်း မြန်မာ့မီးရထား လုပ်ငန်းမှ သိရသည်။

ရန်ကုန် မြို့ပတ် လမ်းပိုင်းတွင် ရထားလမ်းကူး လူကူးခုံးကျော် တံတား ၃၄ စင်း ဆောက်လုပ်ရန် လိုအပ်ကြောင်း တွေ့ရှိရသဖြင့် ၂ဝ၁၇- ၂ဝ၁၈ ခုနှစ် ဘတ်ဂျက်ကာလ အတွင်း ရထားလမ်းကူး လူကူး ခုံးကျော်တံတား ၁၇ စင်း ၊ ၂ဝ၁၈-၂ဝ၁၉ ခုနှစ် ဘတ်ဂျက်ကာလအတွင်း၌ ရထား လမ်းကူး လူကူး ခုံးကျော် တံတား ၁၇ စင်းကို ထပ်မံ ဆောက်လုပ်သွားမည် ဖြစ်ကြောင်း သိရသည်။
ရန်ကုန် မြို့ပတ် လမ်းပိုင်း၌ ယခုအခါတွင် ရထားလမ်း လူကူး ခုံးကျော်တံတား ၃၆ စင်းရှိနေကြောင်း သိရသည်။ (Xinhua)