Sport
ဆီးဂိမ်းဝင်ရောက်ယှဉ်ပြိုင်မည့် မြန်မာ့လက်ရွေးစင်အသင်းယူ-၂၂ ကြိုတင်ပြင်ဆင်မှုအနေဖြင့် KBZ BANK CUP 2017 ကျင်းပမည်
ရန်ကုန်၊ မေ ၂၃ ရက် (ဆင်ဟွာ)
၂၉ကြိမ်မြောက်အရှေ့တောင်အာရှအားကစားပြိုင်ပွဲ SEA GAMES (ဆီးဂိမ်း) ဝင်ရောက် ယှဉ်ပြိုင်ရန် ရှိနေသည့် မြန်မာ့လက်ရွေးစင် ယူ-၂၂ အသင်း၏ ပြိုင်ပွဲကြိုတင်ပြင်ဆင်မှု တစ်ရပ်အနေဖြင့် ကမ္ဘောဒီးယား၊ ဟောင်ကောင်၊နှင့် ဂျပန် (တက္ကသိုလ်လက်ရွေးစင်)ယူ-၂၂ အသင်းတို့ကို ဖိတ်ခေါ်ကာ KBZ BANK CUP 2017 ကို ရန်ကုန်မြို့၊ သုဝဏ္ဏကွင်းတွင် ဇွန်လ ၂၈ရက်နေ့မှ ဇူလိုင်လ ၂ရက်နေ့အထိ ကျင်းပသွားမည်ဖြစ်ကြောင်း မြန်မာနိုင်ငံ ဘောလုံးအဖွဲ့ချုပ်မှ သတင်းထုတ်ပြန်သည်။
မြန်မာ ယူ-၂၂ဘောလုံးအသင်းသည် ဇွန်လ ၂၈ရက်နေ့တွင် ကမ္ဘောဒီးယားအသင်း နှင့် စတင်ယှဉ်ပြိုင်မည်ဖြစ်ပြီး ၊ ဇွန်လ ၃၀ရက်နေ့တွင် ဟောင်ကောင် အသင်း နှင့်လည်းကောင်း၊ ဇူလိုင်လ ၂ရက်နေ့တွင် ဂျပန်(တက္ကသိုလ်လက်ရွေးစင်) အသင်းနှင့်လည်းကောင်း ယှဉ်ပြိုင်မည်ဖြစ်သည်။
လက်မှတ်ဈေးနှုန်းများအဖြစ် တောင်ဘက် နှင့် မြောက်ဘက် ပွဲကြည့်စင် ရိုးရိုးတန်းလက်မှတ်များကို ၁၀၀၀ကျပ်၊ အရှေ့ဘက်ရိုးရိုးတန်း ပွဲကြည့်စင် လက်မှတ်များကို ၂၀၀၀ ကျပ်နှင့် အထူးတန်းပွဲကြည့်စင် လက်မှတ်များကို ၃၀၀၀ ကျပ်ဖြင့် ရောင်းချပေးသွားမည်ဖြစ်ကြောင်းသိရသည်။ (Xinhua)