မြန်မာလက်ရွေးစင် အသင်း၏ အုပ်စုအဖွင့်ပွဲစဉ် မလေးရှား အသင်းနှင့် ရန်ကုန်မြို့ သုဝဏ္ဏ အားကစားကွင်း၌ ယှဉ်ပြိုင်ကစားမည်

ရန်ကုန် ၊ ဒီဇင်ဘာ ၂၀ ရက် (ဆင်ဟွာ)

၂၀၂၂ အာဆီယံချန်ပီယံရှစ် AFF Mitsubishi Electric Cup 2022 ပြိုင်ပွဲတွင် မြန်မာလက်ရွေးစင် အသင်း၏ အုပ်စုအဖွင့်ပွဲစဉ်အဖြစ် မလေးရှား လက်ရွေးစင်အသင်းနှင့် ဒီဇင်ဘာလ ၂၁ ရက် ညနေ လေးနာရီခွဲတွင် ရန်ကုန်မြို့ သုဝဏ္ဏ အားကစားကွင်း၌ ယှဉ်ပြိုင်ကစားကြမည် ဖြစ်ကြောင်း သိရသည်။မြန်မာ့လက်ရွေးစင်အသင်း နည်းပြချုပ် အန်တွမ်နီဟေးသည် ၂၀၂၂ အာဆီယံချန်ပီယံရှစ် AFF Mitsubishi Electric Cup 2022 ပြိုင်ပွဲဝင်မည့် မြန်မာ့လက်ရွေးစင် အသင်း၏အပြီးသတ် ကစားသမား ၂၃ ဦးစာရင်းကို ဒီဇင်ဘာ ၁၉ ရက်တွင် ထုတ်ပြန်ကြေညာခဲ့သည်။

၂၀၂၂ အာဆီယံချန်ပီယံရှစ် AFF Mitsubishi Electric Cup 2022 ပြိုင်ပွဲအား ဒီဇင်ဘာ ၂၀ ရက်မှ ဇန်နဝါရီလ ၁၆ ရက်အထိ ကျင်းပသွားမည်ဖြစ်သည်။ (Xinhua)