Africa & Middle East
အာဖဂန် မြောက်ပိုင်း ပြည်နယ် လေကြောင်းတိုက်ခိုက်မှုတွင် စစ်သွေးကြွ ၈ ဦး သေဆုံး
ကွန်ဒုစ်၊ အာဖဂန်နစ္စတန်၊ ဇန်နဝါရီ ၁၂ ရက် (ဆင်ဟွာ)
အာဖဂန်နစ္စတန်နိုင်ငံ မြောက်ပိုင်း စစ်သွေးကြွများ ပုန်းအောင်းနေသည့် နေရာများသို့ ပစ်မှတ်ထားကာ အစိုးရ စစ်လေယာဉ်များက ဇန်နဝါရီလ ၁၂ ရက်က တိုက်ခိုက်ခဲ့ပြီးနောက် တာလီဘန် စစ်သွေးကြွ ၈ ဦး သေဆုံးကာ ၃ ဦး ဒဏ်ရာရရှိခဲ့ကြောင်း စစ်တပ် ပြောခွင့်ရပုဂ္ဂိုလ် တစ်ဦးက ပြောသည်။
အဆိုပါ စစ်ဆင်ရေးများသည် ကဘူးလ်မြို့ မြောက်ဘက် ၂၅၀ ကီလိုမီတာ အကွာရှိ ကွန်ဒုစ်မြို့ ပြင်ပ Alchin နယ်မြေတွင် ဖြစ်ပွားခဲ့ခြင်း ဖြစ်ကြောင်း Nasratullah Jamshidi က ပြောကြားခဲ့သည်။
အဆိုပါ စစ်လေယာဉ်များသည် တာလီဘန်များ ပုန်းအောင်းသည့် နေရာများသို့ ရုတ်တရက် ဝင်ရောက် တိုက်ခိုက်ခဲ့ခြင်း ဖြစ်ပြီး စစ်သွေးကြွများ၏ လက်နက် သိုလှောင်ရာ နေရာ ပျက်စီးသွားခဲ့ကြောင်း တရားဝင် စာရင်းအရ သိရသည်။
တာလီဘန်များဘက်ကမူ မှတ်ချက် တစ်စုံတစ်ရာ ပြောကြားထားခြင်း မရှိသေးပေ။ (Xinhua)