Asia
အာဖဂန်မြို့တော်တွင် ရဟတ်ယာဉ် ပျက်ကျမှုကြောင့် လူ ၁ဦးသေဆုံး၊ ၄ဦး ဒဏ်ရာရရှိ
ကဘူးလ်၊ သြဂုတ် ၂ ရက် (ဆင်ဟွာ)
အာဖဂန်နစ္စတန်နိုင်ငံ မြို့တော် ကဘူးလ်မြို့ အရှေ့ပိုင်း အစွန်ရှိ Sorubi ခရိုင် တွင် သြဂုတ် ၁ ရက်က စစ်ရဟတ်ယာဉ်တစ်စီးသည် ဓါတ်အားပေးတာဝါတိုင်တစ်တိုင် နှင့်တိုက်မိပြီး ပျက်ကျခဲ့ရာ အနည်းဆုံး လူ တစ်ဦး သေဆုံးခဲ့ကာ အခြားလူ ၄ဦး ထိခိုက်ဒဏ်ရာရရှိခဲ့ကြောင်း ပြည်တွင်းသတင်းဌာန 1TV ကဖော်ပြခဲ့သည်။
လေယာဉ်ပျက်ကျမှုသည် မြို့တော်ကဘူးလ် အရှေ့ပိုင်း ၅၀ကီလိုမီတာအကွာ အဆိုပါခရိုင်အတွင်းရှိ အာဖဂန်စစ်စခန်းတစ်ခုအနီး၌ ညနေပိုင်းတွင် ဖြစ်ပွားခဲ့ခြင်းဖြစ်ကြောင်း သိရသည်။
မတော်တဆမှုနှင့် ပတ်သက်၍ တရားဝင် ထုတ်ပြန်ချက်များ ထွက်ပေါ်လာခြင်းမရှိသေးသော်လည်း အခြားအသေးစိတ်သတင်းအချက်အလက်များ ထွက်ပေါ်လာနေဆဲဖြစ်ကြောင်း သိရသည်။
ကဘူးလ်မြို့ ရဲချုပ် ဗိုလ်ချုပ်ကြီး Dawood Amin က အဆိုပါ ဖြစ်ရပ်အား အတည်ပြုပေးခဲ့ပြီး စုံစမ်းစစ်ဆေးမှုများ ပြုလုပ်ပြီးနောက် သတင်းမီဒီယာများထံ အသေးစိတ်အချက်အလက်များ မျှဝေပေးသွားမည်ဖြစ်ကြောင်း ဆင်ဟွာသို့ပြောကြားခဲ့သည်။ (Xinhua)