ပါကစ္စတန်တွင် ကန်ဒေါ်လာ ၃၂သန်း တန်ဖိုးရှိ မူးယစ်ဆေးဝါးများ ဖမ်းဆီးရမိ

အစ္စလာမ်မာဘတ်၊ ဇန်နဝါရီ ၁၄ ရက် (ဆင်ဟွာ)

ပါကစ္စတန်နိုင်ငံ ကမ်းခြေစောင့်တပ်ဖွဲ့များသည် ပါကစ္စတန်နိုင်ငံ အနောက်တောင်ပိုင်း Balochistan ပြည်နယ် တွင် နိုင်ငံတကာဈေးကွက်သို့ တရားမဝင်ဖြန့်ချိမည့် ပါကစ္စတန်ရူပီး ၃.၅ဘီလီယံ (အမေရိကန်ဒေါ်လာ ၃၂သန်း) တန်ဖိုးရှိသော မူးယစ်ဆေးဝါး ၄၀၀ကီလိုဂရမ်များကို ဖော်ထုတ်ဖမ်းဆီးနိုင်ခဲ့ကြောင်း နိုင်ငံပိုင် Radio Pakistan က ထုတ်လွှင့်ခဲ့သည်။

ပါကစ္စတန်ကမ်းခြေစောင့်တပ်ဖွဲ့ သည် Balochistan ပြည်နယ် Pasni မြို့ အနီးရှိ ပင်လယ်ပြင်တွင် ထောက်လှမ်းရေးသတင်းရရှိချက်အရ စစ်ဆင်ရေးတစ်ခုကို ဆောင်ရွက်ခဲ့ပြီး လှေတစ်စီးအတွင်းမှ အဆိုပါ မူးယစ်ဆေးဝါးများကို ရှာဖွေတွေ့ရှိခဲ့ခြင်းဖြစ်ကြောင်း ကမ်းခြေစောင့်တပ်ဖွဲ့၏ သတင်းထုတ်ပြန်ချက်အရ သိရသည်။

တစ်ချိန်တည်းမှာပင် ကမ်းခြေစောင့်တပ်ဖွဲ့သည် Balochistan ပြည်နယ် အနောက်တောင်ပိုင်း Gwadar ဆိပ်ကမ်းမြို့အနီးရှိ Nilent စစ်ဆေးရေးဂိတ် ၌ စစ်ဆေးနေစဉ်အတွင်း မော်တော်ယာဉ်တစ်စီးမှ မူးယစ်ဆေးဝါး ၃၀၀ဂရမ်ကို ရှာဖွေတွေ့ရှိခဲ့ပြီး လူ၄ဦးကို ဖမ်းဆီးခဲ့ကြောင်း သိရသည်။တရားခံများ၏ မော်တော်ယာဉ်ကို ပါ ထိန်းသိမ်းထားပြီး စုံစမ်းစစ်ဆေးမှုများ ဆက်လက်ဆောင်ရွက်လျက် ရှိကြောင်း ဒေသခံ ရဲတပ်ဖွဲ့ကပြောကြားခဲ့သည်။ (Xinhua)