Asia
ဘန်ကောက်တွင် အဝတ်အခြောက်ခံစက် ပေါက်ကွဲမှုဖြစ်ပွားရာ လူ၈ဦးဒဏ်ရာရရှိ
ဘန်ကောက်၊ အောက်တိုဘာ ၉ ရက် (ဆင်ဟွာ)
ထိုင်းနိုင်ငံ ဘန်ကောက်မြို့ မြောက်ဘက် ဆင်ခြေဖုံးရှိ အဝတ်လျှော်ဆိုင်တစ်ခု၌ အောက်တိုဘာ ၉ရက်တွင် အဝတ်အခြောက်ခံစက် တစ်လုံးပေါက်ကွဲမှုဖြစ်ပွားရာ လူ ၈ဦး ဒဏ်ရာရရှိခဲ့ကြောင်း ရဲတပ်ဖွဲ့က ပြောကြားခဲ့သည်။
ဘန်ကောက်မြို့မြောက်ဘက် ၂၅ကီလိုမီတာ အကွာ နန်သာဘူရီပြည်နယ် ပတ်ခ်ခရက်ခရိုင် ချာအန်းဝတ္တနာလမ်းမပေါ်ရှိ လာ-အောင်း ဖောင်း အဝတ်လျှော်ဆိုင် တွင် အဝတ်အခြောက်ခံစက်တစ်ခု ရုတ်တရက် ပေါက်ကွဲမှုဖြစ်ပွားခဲ့ပြီး အနီးအနားနှင့် ဖြတ်သွားဖြတ်လာ လူ ၈ဦးဒဏ်ရာရရှိကာ အဝတ်လျှော်ဆိုင် ပျက်စီးခဲ့ကြောင်း နှင့် ဒဏ်ရာရရှိသူများကို နီးစပ်ရာ ဆေးရုံသို့ အလျင်အမြန် ပို့ဆောင်ပေးထားကြောင်း သိရသည်။
အဝတ်လျှော်ဆိုင် ပေါက်ကွဲမှုကြောင့် သုံးထပ်တိုက်ဈေးဆိုင်တန်းတစ်လျှောက် နေရာအနှံ့တွင် စတီးချောင်းများ နှင့် အခြားအပျက်အစီးများ လွင့်စင်ခဲ့ကြောင်း သိရသည်။ (Xinhua)