အိန္ဒိယတွင် ယာဉ်မတော်တဆမှုကြောင့် လူ ၁၁ဦးသေဆုံး

နယူးဒေလီ၊ ဒီဇင်ဘာ ၉ ရက် (ဆင်ဟွာ)

အိန္ဒိယနိုင်ငံ အနောက်တောင်ပိုင်း Maharashtra ပြည်နယ် တွင် ယာဉ်မတော်တဆမှုဖြစ်ပွားခဲ့ရာ အမျိုးသမီး ၇ ဦး နှင့် ကလေးငယ် ၂ဦးအပါအဝင် အနည်းဆုံး လူ ၁၁ဦးသေဆုံးခဲ့ပြီး အခြားလူ ၃ဦး ထိခိုက်ဒဏ်ရာရရှိခဲ့ကြောင်း ပြည်တွင်းမီဒီယာက ဒီဇင်ဘာ ၉ ရက်တွင်ဖော်ပြခဲ့သည်။

Maharashtra ပြည်နယ် Chandrapur ခရိုင်တွင် ဒီဇင်ဘာ ၈ရက် ညပိုင်းက ကုန်တင်ကားတစ်စီးသည် ဗင်ကားတစ်စီးအား ဝင်တိုက်ခဲ့ကြောင်း သိရသည်။

အဆိုပါ ဗင်ကားသည် ခရီးသည် ၁၅ဦးကို တင်ဆောင်၍ Korpana-Wani လမ်းပေါ်တွင် မောင်းနှင်နေခြင်းဖြစ်ကြောင်း သိရသည်။

အသက် တစ်နှစ်အရွယ် ကလေးငယ်တစ်ဦးမှာ ထိခိုက်ဒဏ်ရာမရရှိဘဲ အသက်ရှင်ကျန်ရစ်ခဲ့ကြောင်း ပြည်တွင်းသတင်း၌ဖော်ပြခဲ့သည်။

ဒဏ်ရာရရှိသူများကို ပြည်တွင်းဆေးရုံတစ်ရုံသို့ ပို့ဆောင်ပေးခဲ့ကြောင်း နှင့် ကုန်တင်ကား ဒရိုင်ဘာသည် အခင်းဖြစ်ပွားရာမှ ထွက်ပြေးသွားကြောင်း ရဲတပ်ဖွဲ့ တာဝန်ရှိသူတစ်ဦးကပြောကြားခဲ့သည်။

အချင်းဖြစ်ကိစ္စနှင့် ပတ်သက်၍ အသေးစိတ်အချက်အလက်များကို ထုတ်ပြန်ခြင်းမရှိသေးကြောင်းသိရသည်။ (Xinhua)