ပါပူဝါနယူးဂီနီနိုင်ငံတွင် ပြင်းအား ၆.၄အဆင့် ငလျင်လှုပ်ခတ်

ပေကျင်း၊ဖေဖော်ဝါရီ ၁၈ ရက်(ဆင်ဟွာ)

ပါပူဝါနယူးဂီနီနိုင်ငံ Namatanaiမြို့ အနီးတွင် ဖေဖော်ဝါရီ ၁၇ ရက်က ပြင်းအား ၆.၄အဆင့် ငလျင်လှုပ်ခတ်ခဲ့ကြောင်း အမေရိကန် ဘူမိဗေဒ တိုင်းတာရေးဌာန (USGS)၏ သတင်းများအရ သိရသည်။ လက်ရှိတွင် သေဆုံးဒဏ်ရာရမှုနှင့်ပျက်စီးဆုံးရှုံးမှုစာရင်းမထွက်ရှိသေးကြောင်းသိရသည်။

အဆိုပါငလျင်သည် ဖေဖော်ဝါရီ ၁၇ ရက် ဂရင်းနစ်စံတော်ချိန် ၁၄ နာရီ ၃၅ မိနစ်က တောင်လတ္တီကျု့ ၃.၃၈၅၂ ဒီဂရီ၊ အရှေ့လောင်ဂျီကျု့၁၅၂.၁၀၈၉ ဒီဂရီ အရပ်တွင် အနက် ၃၆၇.၉၃ ကီလိုမီတာကို ဗဟိုပြုလှုပ်ခတ်ခဲ့ခြင်း ဖြစ်သည်။

ငလျင်နှင့်စပ်လျဉ်း၍ ပစိဖိတ်သမုဒ္ဒရာဆိုနာမီသတိပေးစင်တာမှ ဆိုနာမီသတိပေးထုတ်ပြန်ခြင်း မရှိကြောင်း သိရသည်။

ပါပူဝါနယူဂီနီနိုင်ငံသည် ပစိဖိတ်သမုဒ္ဒရာ မီးတောင်ကြောတွင်တည်ရှိရာ ငလျင်မကြာခဏလှုပ်ခတ် လေ့ရှိသည်။(Xinhua)