တူရကီတွင် အဆောက်အဦ ပြိုကျမှု သေဆုံးသူ ၂၁ဦးရှိလာ

အစ္စတန်ဘူလ်၊ ဖေဖော်ဝါရီ ၁၀ ရက် (ဆင်ဟွာ)

တူရကီနိုင်ငံ အစ္စတန်ဘူလ်မြို့ တွင် ရှစ်ထပ်အဆောက်အအုံတစ်လုံး ပြိုကျခဲ့မှုကြောင့် သေဆုံးသူ ဦးရေသည် ၂၁ဦးအထိ မြင့်တက်လာခဲ့ကြောင်း တူရကီနိုင်ငံ ပြည်ထဲရေးဝန်ကြီး က ဖေဖော်ဝါရီ ၉ ရက် ညပိုင်းတွင် ကြေညာခဲ့သည်။

Kartal ခရိုင်ရှိ အခင်းဖြစ်ပွားရာနေရာအနီး စင်တာတစ်ခု၌ ဝန်ကြီး Suleyman Soylu က အဆောက်အဦးပြိုကျခဲ့သည့် ဖေဖော်ဝါရီ ၆ရက်ကတည်းက အပျက်အစီးများကြားမှ လူ ၁၄ဦးကို ဒဏ်ရာများဖြင့် ကယ်ဆယ်နိုင်ခဲ့ကြောင်းပြောကြားခဲ့သည်။

အဆိုပါ ပြိုကျမှုအပြီး ကယ်ဆယ်ရေးလုပ်ငန်းများကို ၇၂နာရီနီးပါး ဆက်တိုက်လုပ်ဆောင်ခဲ့ကြောင်း ဝန်ကြီးကပြောကြားခဲ့သည်။

အဆိုပါနေ့အစောပိုင်း၌ အဆိုပါနေ့အစောပိုင်း၌ တူရကီနိုင်ငံ သမ္မတ ရီဆက်တေယစ်အာဒိုဂန် (Recep Tayyip Erdogan) သည် ဆေးရုံရှိ ဒဏ်ရာရရှိသူများထံ သွားရောက်ကြည့်ရှုခဲ့ပြီး အခင်းဖြစ်ပွားရာသို့ ဆက်လက်သွားရောက်ခဲ့ကြောင်း သိရသည်။ (Xinhua)