ရုရှား နိုင်ငံ အနောက်တောင်ပိုင်း တွင် သေနတ် ပစ်ခတ်မှု ဖြစ်ပွား ရာ လူပေါင်း ၄ ဦး သေဆုံး ခဲ့ပြီး ၅ ဦး ဒဏ်ရာရရှိ

မော်စကို ၊ ဖေဖော်ဝါရီ ၁၉ ရက် (ဆင်ဟွာ)

ရုရှား နိုင်ငံ အနောက်တောင်ပိုင်း Dagestan ဒေဆိုင်ရာ ပြည်ထဲရေး ဝန်ကြီးဌာန က ဖေဖော်ဝါရီ ၁၈ ရက်နေ့၌ ထုတ်ပြန်ခဲ့သည့် ကြေညာချက်တွင် အမည်မသိရှိသေးသူ တစ်ဦး က Kizlyar မြို့တွင် ကျင်းပ သည့် Maslenitsa ပွဲတော် သို့ လာရောက်သည့် လူအများအား သေနတ်ဖြင့် အဆက်မပြတ် ပစ်ခတ်ခဲ့ရာ ၄ ဦး သေဆုံးခဲ့ပြီး ၅ ဦး ဒဏ်ရာရရှိခဲ့ကာ သေနတ်သမား အား အခင်းဖြစ်ပွားရာ နေရာ တွင် ပစ်ခတ် သုတ်သင် ခဲ့ကြောင်း ဖော်ပြ ခဲ့သည်။

ထို့ပြင်ထုတ်ပြန်ကြေညာချက်တွင် သေနတ်သမား အနေဖြင့် ပွဲတော် ဆင်နွှဲသူ များကို ပစ်ခတ် ခဲ့ပြီးနောက် လုံခြုံရေး အဖွဲ့ဝင်များ နှင့် တိုက်ခိုက်မှု ဖြစ်ပွား ခဲ့ရာ ပစ်ခတ်ရှင်းလင်း ခဲ့ရကြောင်း ၊ ဒဏ်ရာရရှိသူများတွင် ရဲတပ်ဖွဲ့ဝင် တစ်ဦး နှင့် ပြည်သူ့ကာကွယ်ရေး တပ်ဖွဲ့ဝင် တစ်ဦး ပါဝင် ခဲ့ကြောင်း ဖော်ပြခဲ့သည်။

ဒေသတွင်း မီဒီယာ ၏ ဖော်ပြချက်အရ လူပေါင်း ၃၀ ခန့်သည့် Kizlyar မြို့ရှိ ဘုရားကျောင်း တစ်ခု တွင် ကျင်းပ သည့် Maslenitsa ပွဲတော် ကို တက်ရောက် ခဲ့ကြပြီး ဘုရားကျောင်း အထွက် တွင် သေနတ်သမား ၏ ပစ်ခတ်မှု ကို ခံခဲ့ရကြောင်း ၊ လက်ရှိချိန်တွင် ဘုရားကျောင်း ပတ်ဝန်းကျင် တွင် လုံခြုံရေး များ တိုးမြှင့်ချထား ခဲ့ကြောင်း သိရှိရသည်။

ကနဦး စစ်ဆေးချက် များအရ လက်ရှိချိန်တွင် သေနတ်သမား မှာ Kizlyar မြို့တွင် နေထိုင်သူ တစ်ဦး ဖြစ်ပြီး အသက်အားဖြင့် ၂၂ ရှိကြောင်း သတင်းဖော်ပြချက်များအရ သိရှိခဲ့ရသည်။(Xinhua)