အီတလီနိုင်ငံ ဘိုလော့နာမြို့ပတ်လမ်းပေါ်တွင် ဆီသယ်ယာဉ် ပေါက်ကွဲမှုကြောင့် လူ ၂ ဦးသေဆုံး၊ အများအပြားဒဏ်ရာရရှိ

ရောမ၊ သြဂုတ် ၆ ရက် (ဆင်ဟွာ)

အီတလီနိုင်ငံ ဘိုလော့နာမြို့ပတ် အဝေးပြေး မိုးပျံလမ်းမပေါ်တွင် ဆီသယ်ယာဉ်တစ်စီး ပေါက်ကွဲမှုဖြစ်ပွားမှုကြောင့် သေဆုံးသူ ၂ ဦးရှိပြီး လူအများအပြား ဒဏ်ရာရရှိခဲ့ကြောင်း ANSA သတင်းအေဂျင်စီ ၏ သြဂုတ် ၆ ရက် သတင်းဖော်ပြချက်အရ သိရသည်။

ပေါက်ကွဲမှုမှ လွင့်စင်လာသည့် မှန်စများနှင့် အပျက်အစီးများကြောင့် ထိခိုက်ဒဏ်ရာနှင့် မီးလောင်ဒဏ်ရာ ရရှိသူ ၆၇ ဦးခန့်ရှိကြောင်း၊ ယင်းအနက် ၂ ဦးမှာ စိုးရိမ်ဖွယ်အခြေအနေ ရှိကြောင်း ဘိုလော့နာပြည်နယ်မှ အမည်မဖော်လိုသူ အရာရှိတစ်ဦးက ဆင်ဟွာသို့ ပြောကြားခဲ့သည်။

၎င်းက လူ ၂ ဦးသေဆုံးသည်ကို အတည်ပြုထားခြင်း မရှိသော်လည်းဘဲ ဆီတင်ယာဉ်ထရပ်ကားတစ်စီး ဘိုလော့နာမြို့ ပြင်ပ Borgo Panigale ရပ်ကွက်အနီး မြို့ပတ်လမ်း ပေါ်တွင် ယာဉ်တိုက်မှုဖြစ်ပြီး ပေါက်ကွဲခဲ့မှုဖြစ်ပွားခဲ့ခြင်းကိုမူ အတည်ပြုပေးခဲ့သည်။ထို့နောက် အနီးဝန်းကျင်ရှိ မော်တော်ကားများသို့ မီးကူးစက်လောင်ကျွမ်းခဲ့ပြီးနောက် ပေါက်ကွဲမှုများစွာ ဖြစ်ပွားခဲ့သည်။La Repubblica paper ၏ ဖော်ပြချက်အရ အဆိုပါ ထရပ်ကားသည် မီးလောင်လွယ်သော ပစ္စည်းများကို သယ်ဆောင်လာပြီး ယာဉ်တိုက်မှုဖြစ်ကာ အခုလို မီးလောင်ကျွမ်းရခြင်းဖြစ်နိုင်ကြောင်း သိရသည်။ “မီးတောက်တွေနဲ့ မီးခိုးလုံးတွေကို မြို့လယ်ကနေတောင် လှမ်းမြင်ရတယ်” ဟု ရေးသားထားသည်။ မီးသတ်ရဟတ်ယာဉ် တစ်စင်းက မီးငြှိမ်းသတ်ရန် ရေများကို အနီးရှိ မြစ်အတွင်းမှ သယ်ယူရန်ကြိုးစားနေကြောင်း La Repubblica paper သတင်းဖော်ပြချက်အရ သိရသည်။ (Xinhua)